😱Hebammen stressen..Gewicht Baby 😱

schaai · 3. 05. 2019, 09:39

Hey Fraue wer froh um chli en Ustusch. Üsi chli isch hüt genau 2 Wuche alt. Hüt chunt dHebamme und sie het scho recht Druck gmacht dass sie hüt sGeburtsgwicht vu 3500 wieder muess ha. Well sie innert 2 Täg nöd zuegno het hani ez mösse nochdem ich sie agsetzt han de Rest (Hintermilch,Kaloriemilch) 3xtgl abpumpe und noschöppele. sProblel isch dass sie hüfig közlet und smeiste wieder usechunt. Ich han sGfühl sus gohts ihre guet..sie schloft halt oft noch ca. 10 min ade Brust i..
kenned ihr das?

Sandra💕 · 3. 05. 2019, 09:44

Ich glaub, dis baby nimmt sich das, was es brucht. Wievill het sie denn zwenig?
Süscht luegsch es mol mit ere stillberoterin a.
Aber du seisch, es goht ihre guet. Bi überzügt mamis wüsses, wenn öbbis nid guet wär.

Minifee · 3. 05. 2019, 09:54

Ich glaub du chasch niemertem Recht mache bi mer hends immer gseit er nemi rasant zue🤪🙈 aber er isch völlig normal also los uf dis Buchgfühl☺️ i han nie gstillt drum chani das halt weniger beurteile wieviel sie trinket und so.

schaai · 3. 05. 2019, 10:00

@Sandra findi ebe au..aber isch scho schwierig wenns so Druck ufbaued..jo sie setted jo tgl ca 50 bis 70 gr. zuegno..sie het innert 2 Tag gar nüt zuegno..ez fehled 100 gr.

Sandra💕 · 3. 05. 2019, 10:08

Bi jo kei expärt, aber wäge 100g go alarm schlo, findi chli übertriebe... vor allem, nimmt sie jo nid ab. Aber ich weiss, was de meinsch mit em drugg....

schildchrötlimel · 3. 05. 2019, 10:09

Öhm 😳. Mini Hebi seit 20-30 gr pro Tag durchschnittlich. U sie macht ihre Job sit 40 Jahr (u isch rächt pragmatisch)

schaai · 3. 05. 2019, 10:14

@schildchrötlimel sorry hesch recht 20 bis 30 gr!!

Snuggles · 3. 05. 2019, 10:26

Lah dich eifach nöd unter druck setzt, weiss isch eifacher gseit als gmacht aber findes mega schwierig wenn denn no druck und stress ufchunt denn klappets am wenigschte. Ich glaub da hend au d hebammene unterschiedlichi meinige, mini het zb immer gseit es baby nimt schubwies zue und seg nöd schlimm wens mal weniger seg und mini chli het ehrlichgseit mit 2wuche weniger gwoge und sie het immer gseit sie nämi guet zue🤷🏻‍♀️ sie het den au plötzlich en gump gmacht und isch jetzt e guet gnährti.
Vorallem findi mit dene hormonschwankige grad nach de geburt setzt druck und stress recht ah also het mini hebi detzumals soöpis gseit heti glaub grad los 😭🙈🤣 und a mir zwieflet.
Also lah dich eifach nöd stresse bin sicher isch alles guet und du als mami würdsch merke wenn öpis nöd in ordnig wer.bin sicher du machsch es guet und dases dinere chline guet gaht isch d hauptsach.

schaai · 3. 05. 2019, 10:34

@Jessi❤;️A-S❤️ danke! jo i find ebe au dass chan jo nöd so noch lehrbuech go..han mer nur ez überleit falls hüt denn scho mit pumilch vorschlönd..will ez aber nochli abwarte

LuisaElla · 3. 05. 2019, 10:35

Bin grad nid sicher, ob mir di glich Hebamme gha hend. Uf all Fäll isch bi eus s gliche Problem gsi. Es isch mer so schlecht gange, dass ich schlussendli müeh gha han mit stille, Brustentzündig etc. Sie isch am Schluss ganzi 16(!!!) mal bi mir gsi! Ich empfiehl der ganz schnell e Stillberaterin dezue z zieh. Und wennd Frage hesch, gits ganz e gueti Facebook Gruppe (Stillen Schweiz, oder so). Det hets au ganz viel gueti und qualifizierti Stillberaterinne. Alles Gueti!

schaai · 3. 05. 2019, 10:43

Bin in Winti bi Hebammen unterwegs..ich ghör vu so vielne dass es immer Thema isch mit em Gwicht.

Glück · 3. 05. 2019, 11:02

@schaai das war meine Tochter das Gewicht war kein Thema

Pinny · 3. 05. 2019, 11:02

@schaai Loh dich nöd verunsichere...solangs dim chind guet goht isch alles im grüene bereich...ich ha mi am ahhfang au beunruhige loh, wels so langsam zuegnoh oder abgnoh hend....mittlerwiil bini mengisch so gstresst (momentan sinds 17 mönet alt und "nur" 9 kg schwer)...aber siits laufet schwankts immer chli...mal nehmets bitz ab und mal wieder zue...aber i loh mi nüm verunsichere...solangs fröhlich und munter sind und au gnueg appetit hend...;) findi isch alles in ornig

MiaWia12345 · 3. 05. 2019, 11:23

Loh dich nöd stresse, solang sie zfriede isch und au nöd mol abnimmt🤷🏻‍♀️

schaai · 3. 05. 2019, 11:59

danke oi allne..ez het sie schön zuegno und hebamme isch zfriede 😊😍

Avenira · 4. 05. 2019, 08:58

Ah schön zum ghöre! 😊 Han der jetzt au gad no wele sege das der kein stress machsch. Solangs ufwärts gaht isch doch guet. 👌 Und sust wüki e Stillberaterin sueche. Die wenigste Hebamme sind usbildetti Stillberaterine. Und stress ischs letzte wod i dere Situation chasch bruche. 😅
Bi mir hends am 2 Tag woni hei bin usem Spital au angst gha will die Chli scho fast unter die 10% gheit isch. Hend extra no minere Hebamme aglüte. Die hets aber locker gno. Und nach 7 Täg simer den scho über em geburtsgwicht gsi. 😁

schaai · 4. 05. 2019, 08:59

@Avenira jo gell..es chunt scho au sehr ufd Person drufa..die einte gsehnds strenger und anderi weniger streng. ez chömmer wieder normal stille ohni abpumpä 😉

Avenira · 4. 05. 2019, 09:01

@schaai a schön. 😍 Die Pumperei isch nämli mega stress vorallem am afang. 🙈 Aso so isch mir zumindest gange bim erste. 😅

schaai · 4. 05. 2019, 09:02

@Avenira jo v.a. wennd chli underwegs bisch..stille underwegs easy. aber denn no abpumpe..nei danke..mol no nöd am afang. 😂

Avenira · 4. 05. 2019, 09:10

@schaai haha seg nüt. Weis no moment da hani ufem biifahrersitz im Auto während en fahre apumpet. 😅

wtpooh · 4. 05. 2019, 20:41

Finde auch wegen 100g Alarm 🚨 zu schlagen übertrieben. Kommt ja auch darauf an wann die Kleine gewogen wird.
Eventuell hat sie gerade getrunken oder schon länger nicht mehr in die Windel gemacht -> gleich schwerer als beim wiegen vor dem stillen und nach einer vollen Windel.

NickyWoo · 4. 05. 2019, 20:47

Falls facebook häsch, gang doch id gruppe stillen schweiz. Det häts stillberaterinne wo uskunft gebed.
Nöd verunsichere lah und so oft ahsetze wies gaht👌🏻

schaai · 4. 05. 2019, 21:26

@NickyWoo danke lueg das mit de FB Gruppe mol a 👌

NickyWoo · 4. 05. 2019, 21:43

Unbedingt. Bin scho mängsmal froh gsii um die gruppe.

Sunshinemom · 4. 05. 2019, 22:34

wäge 100g? 🙄 Ig ha mis Baby nie gwoge und ou kei Hebamme gha. Minere Meinig na isch es bimene gsunde Termingeborene Chind wo regumässig trinkt und süsch zfride isch nid nötig. Ds Wachstum isch so individuell und die ewigi Grammjagd machd nume unnötig Stress.

TiMay · 5. 05. 2019, 12:24

Ich ha am 22.2. es gsonds meitschi becho. Und mer hend am afang au eis zügs gha mit em gwicht. Ich stille ned, und sie trinkt bi wiitem ned die trinkmengi wo sie sett. Aber ner hend ez grad d zwoi monets kontrolle gha. Und es isch alles beschtens. Sie nimmt gued zue und isch schön uf de 50. perzentile. De arzt hed mer au gseit ich sell mich ned veruckt mache. Solang sie zuenimmt, en fitte idrock macht und immer nassi windle hed muess mer sich kei sorge mache. Es gid halt babys wo neh bruchid und derigi wo weniger bruchid. Sit ich das eso ha chönne akzeptiere gads mer au besser. Ich säge mir das sie sich scho das nehmid wos bruchid. Und wenns nöm wend trinke cha mers ihne ja au ned ine wörge. 🤷‍♀️