Abneigung gegen Stiefkind...weiss nüme wieter😖😓

Snuggles

Sorry chli lang worde😅

Ich weiss, isch es heikels Thema und ich hoffe ihr verurteiled mich nöd und hoffe uf Ratschläg,Tipps oder vielicht gahts öpertem ähnlich und mer chönd euis ustusche.

Bin mitem Partner 3Jahr zeme, sini Tochter us erster Ehe isch jetztdenn 5 kenn sie also scho sit sie 2 isch. Det hani das nonig so empfunde, ha mit ihre gspielt und für sie gluegt ect. Damals hani aber au die eiget Wohnig no gha woni au chli Abstand jewiels gha han und sie teilwies nur 1-2 Mal im Monet gseh. Bin letschte Summer fest zu mim Partner zoge will ich schwanger worde bin(ungeplanti Schwangerschaft).
Agfange mit de Abneigig hets aber scho vorher,sind eimal 2Wuche zäme id Ferie zum Partner sine Elter und sind würkli nöd grad schöni ersti Ferie gsi.Det het min Partner denn ständig verlangt dasi mit ihre spiele und sie beschäftige, sie het au nöd derfe use (chrankheit) also würkli müehsami Ferie. Het sich alles nur um sie müsse dreie und ha nöd dörfe allei use öpis go unterneh😖 Det hani s erst mal so Gedanke gha dasi lieber allei wär mit mim Partner denn chöntmer d Ferie gnüsse🤦🏻‍♀️
Zuegspitzt het sichs denn woni Schwanger gsi bin und sie ständig i min Buch gloffe isch und gschupft het. Wenn ich ihre öpis seg wo sie nöd söll mache tuet mich de Partner zrechtwiese ich heg ihr nüt zsäge au vor ihre, drum het sie null Respeckt vor mir und wenni öpis seg wird nöd glosed(banali sache).Sege mitlerwiele garnütmeh.Sie isch e recht asträngendi, cha niemals ruhig sitze oder öpis für sich mache, pägged ständig dri wenmer am rede sind und brucht eifach nonstop ufmerksamkeit und wenns nöd nach ihrem chopf lauft flippt sie us und es git es riiese gschrei🤯🤯🤯
Aber am schlimmschte für mich isch de umgang mit minere chline, sie isch scho mit de Füscht uf sie los wosi gradmal 3Wuche alt gsi isch.Mini chli müsst sie ständig aluege suscht schreit sie, macht nonstop so nznznz grüsch und lauft mer uf schritt und tritt nah und seit a-s da bin ich hallo lueg mich ah hallohallo, au wenn die chli schlafe will macht sie absichtlich lärm.

Und ja natürlich hani immer striit mit mim Partner wenn sie ume isch will ich eifach garnütme seg nur zu ihm halt daser söll luege das sie die chli nöd bim schlafe stört und so, suscht machi halt min tagesablauf normal wie suscht aber gah nüme uf sini Tochter ih. 🤦🏻‍♀️🤦🏻‍♀️
Es nervt mich au de übertriebeni Kontakt zude ExFrau 30Sms am Tag 2-3mal Telefonat usw.

Aber das chas ja ihrgendwie au nöd sie alles mer söll ja eigentlich e Familie sii aber nurscho wenni weiss sie chunt denn am Abig wieder löschts mer scho ab han würklich e Abneigig gege sie entwickled und es tuet mer ja würklich leid dases so isch aber weiss aunöd wienis ändere söll😓😓

Sorry bin jetzt fertig mit jammere und hoffe uf eui Ratschläg🤗

ALOHA

Zerscht mal.. finds starch dass du dich füren partner mit kind entschiede hesch👍🏻

De rescht tönt seeeehr ahstrengend😳 und ich denke dur die problem wird die abneigig immer meh werde. Ich find au mitm boxe und haue etc gaht gar ned. Das musch dem meitli oder dim partner kommuniziere. Das isch ufmerksamkeit sueche... und halt ihversucht.
Ich kenn zwar dhintergründ ned.. aber isch sie den nie bim mami? Evt hanis au überlegese sorry.

Ich wär au de meinig das din partner halt sich ziit nimmt und usflüg, aktivitäte für sini tochter ellei nimmt. Also das duuu und oii chli ned debii sind. So hesch du chli abstand und evt wirds den au chli besser.

Wünsche dir viel glück.

Frauenmantel

I verstand nid wieso er seit du heigsch ihre nüt zsäge?! Eso verstand i aso scho dass das für di unerträglich isch.

massa2

Butter bei die Fische:

S Problem liit miner Meinig nöd bim 5-jährige Chind (!!!) sondern bi sim Vater, also bi Dim Partner. Es bestürzt mich, dass ers so wiit het chöne lo cho dass Du en Abneigig entwicklisch gege es Chind, sis Chind. Es Chind wo sini Emotione nur bedingt cha iordne und dementsprechend ungfiltered reagiert. Es Chind, wo offesichtlich völlig nebe de Schueh staht und ungesichert dur sis junge Läbe muess jongliere..... verstah mi bitte nöd falsch, i cha das scho verstah wie dini Gfühl z standchömed und i würd mir nie wele erlaube, das in Frag z stelle, es sind dini Gfühl die sind real. Mi bestürzt eifach s ignorante Verhalte vo ehm. Du bisch kei Mamiersatz, das will er au nöd offebar.... ja was denn suss?! Er muess sich miner Meinig DRINGEND klar werde was er will. Und für es funktionierends Co-Parenting muen me ja etz nöd 30mal hi und her schriebe pro Tag???

I wünsche Dir vill Chraft. Hesch Hilf i dere Situation? ❤️

Pinny

Ouuhh jah das goht gar nöd...ihr mönd das mitenand kläre...wenn er nöd will das du ihre was z sege hesch, denn het er vo dir au nöd z verlange das du dich um sie kümmerisch wie es 2.Mami...

Viellicjt het die 5jährig eifach gmerkt dases etz würkli so isch das ihre Papi etz nöd nume e neui fründin het, sondern auno es neus baby...was viel meh ufmerksamkeit brucht und umsorgt wird wie sie mit 5i...wenns gar nüm goht, würdi ihm e familietherapie vorschloh...ich denk s cha no guet sii das sie eifach s gfühl het vo niemmertem akzeptiert, gliebt jnd umsorgt z werde...😘wünsch dir viel chraft und erfolg...

Sandra💕

Duet mir sehr leid, wie sich das entwickled het. Ich gsehs wie d massa2. S kind cha sm wenigschte drfür. Di maa stoht do zimli schräg in dr landschaft. Du söllsch di mit ihre abgäh, aber sage dörfsch nüd?! Wie will das funktioniere?!🤷🏻‍♀️Lueg dringend, dass dir das kläred. Ich glaub nämlich, das wird nid spurlos an euch vorbi go. Scho gar nid bim meitli...😞

kläffchen

Ich kenne mich mit diesem Thema auch nicht aus. Aber denke ja auch, dass es irgendwie nicht aufgeht. Einerseits sollst du auf das Mädchen aufpassen und sich um sie kümmern, aber erzieherisch mitwirken darfst du nicht. Was ich auch nicht gelesen habe, ist ob du dich überhaupt um das Mädchen kümmern möchtest. Denn ich finde auch dass darf man sagen.

mrspfeffer

Ich bin bide Sandra und massa.. s Chind chan am wenigste was defür und sött kei Abneigig zspühre becho. 😔 für mich isch de Vater de wo mer mal zur Brust sött neh. Er macht sichs eifach mega eifach!! Du söllsch luege und mache aber erzieh oder was sege dörfsch denn au ned. Aber er machts au ned🤦🏻‍♀️Das Meitli suecht minere Meinig na Sicherheit, Geborgeheit, Liebi.. vilicht isch sie zum Baby so will sie genau das becho wett wo s Baby bechunt. Es Mami und Papi wo dihei sind, mer kümmeret sich etc.

schaai

@Jessi❤;️A-S❤️
im localfamily gits es mami wo psychologischi berotig macht get au e gruppe odr chasch ihre e pn schicke falls das was wer..i chönt sie eigentli au mol froge ob sie das do au chönt mache 😊

Schmuusi

@schaai: sie het dert i dere gruppe au gschriebe

Snuggles

Danke eui viel mal für eui Ratschläg und das ihr mich nöd verurteile düend🙂

Also ich weiss es ebe innerlich eigentlich scho dases nöd d Schuld vom Chind isch und wills ebe au nöd so Zeige wenn sie da isch aber han irgendwie s Gfühl im Moment bini wie gfange mit dene Gfühl.Chas echt nurno schlecht verstecke und versuech ihre ebe deum irgendwie bitz “usem weg gah“ oder weiss nöd wie sege irgendwie halt Situatione umgah woni weiss dases mich extrem viel chraft chostet mir nüt amerke zlah.
Im Moment bini ehrlichgseit nüme bereit für sie z sorge, spiele oder irgendwelchi verantwortig für sie überneh will 1. lost sie sowieso keis Wort wasi seg, chan also au gföhrlich werde z.b. weg de Autos oder so und 2. chani ihre im Moment eifach würklich garnöd grecht werde findi au gemein halt😓

Mit mim Partner hani scho meeeeega viel, eigentlich immer wenn sie da isch am abig versuecht rede. Er wehrt sich wehement und seit ich müss eifach e Fründin für sie si, das sie scho vor mir da gsi seg und ich das gwüsst hegi sölli mich also nöd degege wehre und das ich eifach bös seg.Ja und halt ebe immerwieder das er ja fürd erziehig da seg und ich nüt sege söll i dem sinn bös.Ich sölli das eifach akzeptiere wies isch. Aber irgendwie jedesmal wenner so sache seit werded die Gfühl meh und es nervt mich nome wenn sie da isch😓Mega gemein so öpis z säge ich weiss, fühl mich au schlecht wege dem will ebe es isch es Chind und cha nüt für die Situation wie sie isch🤦🏻‍♀️

Das er mit sinere Tochter allei söll Unternehmige mache hani au scho mehrfach vorgschlage aber wenn ers denn macht wird wie e Gegeleischtig erwarted will er s Gfühl het er machi das nur für mich und quasi das ich mini Rueh han. Aber meins eigentlich auch wege de Iversucht das sie gseht de Papi nimmt sich Ziit mit ihre allei so wies vorher gsi isch.Klar für mich wers au denn es Ziitli abstand und Ruhe aber denk wer e win win Situation für alli Beteiligte🤷🏻‍♀️

Ach ja ich Versuechs nomal miteme Gspröch wenn sie wieder bide Muetter isch aber bin irgendwie au immer scho druf igstellt das er ja sowieso wieder hässig wird dasi das aspriche🤦🏻‍♀️

Danke eui uf jedefall viiiel viiel mal ihr sind super und danke für eui offene und ehrliche Meinige😘

Snuggles

@schaai ja genau bi det au i dere Gruppe und han ihre gschriebe sie het mer au grad Gantworted sölli nomal s Gspröch sueche, sie het au mal en Post gmacht wie mer so Gspröch söll agah unds mal so versueche.Wirdi denn mache wenn sini Tochter wieder bide Muetter isch.

Snuggles

So het jetzt doch no es churzes gspröch geh, dasmal vo ihm us hets wiedermal vorwürf ghalet.bi ruhig und sachlich bliebe und hanem wie immer erklärt wie für mich alles isch und wie sich für mich das alles ahfühlt...fazit nüt bracht,beidi hässig, sini meinig bringt nütme mit mir

doni

Hey jessi...das tuet mer mega leid för dech...vorallem well nach de geburt scho gnueg es gfühlschaos hesch....dini abneigig gege sie esch vlt au eifach e schutzmechanismus gegenöber dim chind, logisch das das ned stüre chasch
daffi froge wie oft sie denn chont ?
Esch halt wirklich so das chind nüüd deför cha...so wie du schriebsch esch i mine auge din partner recht schräg druff....er esch ned "fähig" allei met de tochter öpis zunterneh ud wenn de wirft er der das indirekt vor und verlangt e gegeleistig ?? Goht gar ned.... ich find er sett dankbar si das er dech het und du dech för das entschiede hesch.... und wenn er verlangt das du met ehre spielsch ud uf sie luegsch...aber ehre nüd daffsch säge....de weissi au ned wörd mer das ehrlichgseit ned loh gfalle.... und wenn er das ned igseht wördi vlt eifach die täg wenn tochter chont mal met dim.baby zu de grosseltere oder so...so das au er mal uf sech allei gstellt esch ! Dis chind werd ja au mal älter und er cha ned emmer beidi chind a de muetter abschiebe.... ich wünsche der vo herze das du das kläre chasch und en gueti lösig för euch alli findsch🍀