Halbprivat - Erfahrige Visana - oder Swica 🤷🏼‍♀️

ALOHA

Ich bruche schnell oiie Rat🤗

Mir hend jetzt d‘unterlage fürs baby becho, halbprivat ide spitäler zum unterschriebe.

Das wür ois bide swica knapp 36.- koschte pro monet.. (alles zeme wer knapp 167.-/mt) und min brüeder isch au bide swica het aber s‘halbprivate bide visana für 6.70 pro monet (gschwüschtertirabatt) ohni sinds knapp 15.-

Jetzt mini frag.. mir müsstet ufd visana uster zuegah, bzw det ahfrage. Aber weni die bewertige bi google lies chumi gad kriese über. Und woni vor 3 mönet wege de krankekasse allg ahgfrage ha, sinds seeeehr unfründlich gsi und hend stele nie abgna🤷🏼‍♀️🤦🏼‍♀️ Isch öber vo oii bide visana? Sinder zfriede?

Oder söllemer echt glich alles bide swica mache?😅 bin chli hii und her grisse. Ihr chönd chli besser brichte, wiler scho alles kennet mit de kindesache😅

Danke viel mal👌🏻

mrspfeffer

Mir hend alles bide Swica, eus gurkt das ah bi verschiedene Versicherige sZüg ha und denn müesse luege wer übernimmt was etc.
Mir sind mega zfriede vor allem mitem Service und denn zahl ich gern meh.

Cazzley

mir sind au bi dä swica und super zfriede 👍🏼

Tanja87

Swica isch eifach unkompliziert und sehr zueverlässig und au speditiv im bearbeite vo Sache. De würi gschiider bitz meh zahle defür klappet au alles👍

ALOHA

Das mitm kundedienst stimmt ebe scho. Mir sind au beid komplett bi swica. Aber das verunsicheret eim scho, wemer das ufs jahr usrechnet ischs en heftige unterschied😅Danke oii👍🏻

Ängeli

Also mir sind bi de visana mit zusätz etc. & sind sehr z‘friede. nie problem gha, unkompliziert. händ immer alles übernoh ohni diskussion etc. sind immer fründlich.
ha jetz grad d‘offerte fürs zweite becho & ebe au mit familierabatt ab 2kind 👍

Joelle

Ich bzw mir all sind au bi de swica versichered... Mini tochter au halbprivat und bim zweite hemmer jetzt au grad wieder de vorgeburtluch atrag uf halbprivat igreicht... Sötisch je 3 chind ha gäbts ab den en guete rabatt😅 mir sind sehr z friede und fpr eus wers nöd wert z wechsle weg es paar fränkli

Evi

D‘Swica ghört glaub zu de wenige KK wo s‘Chind chasch vorgeburtlich Privat/Halbprivat versichere, wenn du det au zusatzversicheret bisch. Be de Visana chönntsch da jetzt nonig...

ALOHA

@Evi ah echt, bischder sicher😳? Ja den het sich das eh erledigt.

Evi

Jo also was i sicher be, esch dass be de meiste KK ned chasch vorgeburtlich Privat oder Halbprivat versichere, ersch noch Geburt. Be dene wo i agluegt ha esch da so gsi. Be de Swica weiss i‘s will e Kollegin es Chind mit Downsyndrom het und dur da dass sie Privat versicheret esch, het sie au s‘Chind vorgeburtlich chönne versichere. Susch hät sie kei Chance gha.

Ängeli

also ich chan bi de visana vorgeburtlich privat versichere 🤷‍♀️

ALOHA

Ja ha min brüeder auno husch gfrage, het er bide kinde au chöne. Will de chli het au en herzfehler gha, er wer suscht ah nie meh ufgna worde.

Min mah und ich hend grad no zeme gschwätzt gha. Mer versicheret de chli komplett bide swica, ha chli schiess dasi mi den wegem kundedienst so ufrege muess.
Danke oi allne🤗😍

Mamsi

Visana Uster isch e katastrophe🙈 mir händ nachemene Jahr zude Helsana gwechsled! Die sind so unfründlich dete

ALOHA

@Mamsi jaa hani gmerkt😨🤦🏼‍♀️ übel he.

munggi87

Bi de visana chasch nur haub/privat versichere wen öpper säuber so versicheret isch schüsch got nur allg.

Minifee

Mer sind mit de ganze Familie bir Swica ich sit de Geburt. Bin nart immer too zfriede gsi und jetzt hemer es riese theather weg de Zuesatz vom Junior! Ich Rote allne schlüsset alles vor de Geburt ab au irgend welchi zuesätz wel bi eus lehnets de chli ab wel e IV verfüegig vorhande isch weg de früehgeburt🤯 Das heisst mir träget alli koste selber vo de Ostheopatie.Ich môcht eu dodemit nur e Hiwies geh wies bi eus glofe isch und môcht eu devo verschone😥🙏

Tanja87

Guet das mit de Zuesatzversicherige im nachhinein abschliesse isch immer sone Sach... da nehmid dich die wenigste KKs a😒😓 leider...

ALOHA

@Minifee oh nei😢 das isch echt fies. Oisi beraterin vode swica het das au empfohle, alles abzschliesse. Vorallem de mit de ostheopatie👍🏻

Minifee

Jo und schlimme dranne de Beroter het no gseit nainai pressieri nôd chôn mer a noher no und mer he d en drufhii gwisse das de chli uf Neo chunt weg em Zucker dazumale aber jo so wird mer einisch meh des besseren belehrt😢 Drum alles abschlüsse chünde chamer immer wiedef aber ie cho leider nôd🙏

Minifee

Aso i mues es so sege mir hend zuesatz abgschlosse gha und hend de welle wechsle zunre hôchere das al therapie zu 100% oder 80% irgends wie denkt sind und das hends de abglehnt wel e IV verfüegig bestoht. Sorry has falsch gschriebe🙏🙏 Aber ebe nid alli Beroter beharet uf ihres Wort wel wenns de hart uf hart chunt stohsch du blôd do als versicherte😫

Tanja87

@Minifee das isch scho extrem fies🤬 hätti etzt ned dänkt das d swica au eso sache abziehd😱 tued mer leid für euch😓

Joelle

@Minifee ja leider sind d berater nöd die wo nacher drüber entscheidet öb en zuesatz agnoh wird oder nöd:( s wird den witer geh und s risikoprüefer entscheidet den! Sobald es geburtsgebreche oder iv verfüegig vestaht wird mer eh grad abglehnt... Segs no so öpis banals:(

Minifee

Jo i bin a immer super zfriede gsi vo de Swica isch etz a kenn Grund zum wechsle aber wie Joelle seit schlussentlich gots über die Risikoprüefer und do chônd de Beroter no so kake useloh schlussendli het de Versicherte e ihbuess🤷‍♀️ Jo finds amek eifsch schaf wenn de Beroter seget sie wüsset vo nünt blablabla drum schlüsset alles vorher ab😅

ALOHA

Was hend ihr bide swica alles dine?
Aso mir hend:
Favorit telmed
Zusatz á:
- Completa preaeventa
- Optima
- Hospital halbprivat
- Privatpatienteversicherig Unfall infortuna
- Kapitalversicherig Unfall infortuna (Tod/Invalidität)

Hemer öbis wichtigs nöd drin?😅

Joelle

@ALOHA das isch super so (han mal bi de swica gschaffed) ! Mir hend di gliche Deckige (ussert ich ha standard anstatt telmed).

ALOHA

@Joelle sehr guet. Danke diir🤗Bi standart musch eifach ned ahlüte? Oder was isch det na anders?
Find das no spannend wie unterschiedlich alles isch😅

Joelle

@ALOHA ja genau das isch de einzig unterschied...

Anni

@ALOHA ich han jetz au telmed gno. Fuf s no praktisch. Zum einte spart mer geld und zum andere arztbsüech. Bechunt rezept und beratig(au mit fötelis) ohni immer grad zum arzt müesse z ränne. Standart bechunt mer leider die telefonisch beratig nöd. Komisch, au wemer meh zahlt🤷‍♀️ defür muen mer immer alüte.

Anni

Zusatzversicherige. Also min maa het jetz sogar zuesatzversicherige chöne abschlüsse. Er het eifach di letste 5 jahr müesse ageh und da ischer nie richtig i behandlig gsi. Falls mer nach de geburt üm het chöni, vilicht klappts denn doch zumeme spötere zitpunkt. Solang mer denn eifach über längeri zyt gsund isch.

Joelle

@Anni alli swica versicherte derfed de Telmed alüte für med. Beratig als au terminorganisation etc aber die mit Standard MÜEND nöd😊 die mit standard därfed jederziit zu jedem arzt ohni ibuesse ide kosteübernahm:)

Anni

Ah das isch denn cool. Isch bi minere leider nöd e so. Das het ich perfekt gfunde.