Brüste verkleinern

•Elefäntli•

Hallo Ihr liebe 🌤

Evt isch es Mami do inne wo ihre sini Brüst verklinere loh hed?

Wo mir e chli vo ihne sim vorgoh, op und ziit nocher wennd verzelle.

Wör mi freue vo öberem z ghöre.

Ganz e schös tägli eu ☀️

Mangoo

Aso ich has nonig gmacht da ich aktuell no schwanger bi..möcht aber gern so i zwei jahr e straffig/verchliinerig mache..nähmt mi au wunder☺️

sonnenblume

Ich han mini verchlineret, isch aber scho es ziitli her....

Summer2018

Ich han mini vor zwei Jahr mache lah. OP ambulant, am morge früeh igruckt, parat gmacht worde, narkose. D‘OP isch glaubs ca 1 - 1.5 stund gange, han chli länger gha als normal will bi mir d‘Brüst recht breit sind und de arzt versuecht hät uf de siite au nachli useznäh. Dän verwachet, nachli gläge, mal öpis gässe, mal müesse probiere ufstah und dän glaubs so am 2i wieder heichöne. Schmerze sind sehr erträglich gsi. Han au d‘schmerzmittel relativ früeh abgsetzt. S‘einzig müehsame isch, dass lang nur ufem rugge chasch schlafe.
Würds aber jederziit wieder mache! Bereue im nachhinein au das ichs nöd früehner han mache lah.

Summer2018

Wänd na frage häsch hilfi gern 😊

IroL

I hans im 2013 macha loh, würs au sofort widr macha, bin so froh hanis gmacht.
I bin am Tag vorher ins Spital, letschti abkläriga und z izeichna vo da ärzt. Am morga druf hendsmi den gholt und unter vollnarkosa opariart. Weiss nüma wia lang das d Op ganga isch. I han den no müassa 2 täg bliba. Han müassa warta bis d drainage usa gno hend, dia sind mind. 24h no dina und den eba am Tag druf hei könna. D schmerza sind ushaltbar, vorallem eba ma kriagt jo medikament. Nocher bruchts halt schu sini ziit und ma muass halt langsam macha. I han z.b. müah gha mit hoor zemmabinda oder dr stora ufa und aba loh, bett macha oder pfanna lupfa. Aber das isch ganz am afang und noch somana igriff au normal, as got den vo tag zu Tag besser! Wennma unterstützig dahei het gots eh viel besser aber i hans au allei gschafft und han den am obig mina ma gha wo gholfa het!
I han an körper wo leider kei schöni narba hinterlot und drum gsehtma dia halt schu, sind recht gross au. Aber im Bikini gseht ma sie z.B. nita also gsehnd si sowiso nur mina ma und i und üs störts nita!
Wia d summer seit, wenner no froga hend eifach froga 😊

Summer2018

Oh ja das stimmt, haar zämebinde und au bürste hani am afang au müeh gha 😄 oder au haar wäsche, alles wod halt d‘ärm muesch id höchi bringe. Bin aber z.bsp. Am Tag nach de OP wieder mitem Hund go laufe, han mich recht schnell wieder fit gfühlt, verträge aber allgemein Narkose au recht guet.

Mangoo

Wo henders denn mache lah? Und mit wieviel muessmer da ca rächne?

Summer2018

Ich hans in ZH bim BreastAtelier mache lah und ca 10T zahlt.

IroL

Ca 14000.- isch aber vor krankakassa zahlt worda! Kanton GR

Mangoo

Uu ja de mussi nochli spare😅 glaub ned das kk bi mir überbimmt da i kei schmerze oder so ha

Summer2018

Ja d‘kk tüend ehner heikel, muesch glaubs mindestens 500 gr pro siite wegnä und ebe glaubs au wege schmerze in behandlig si oder psychologisch

Mangoo

Ok mhh ja psychisch gsehts natürlich wieder anderst us..das zieht glaub jedi frau abe😣500gr isch ja au no viel oder het mer da schnell🤔

IroL

I han 800 pro siita weniger.
Vo F uf kliises C

IroL

Sie hend igwilligt zums zahla aber mina BMI het stimma müassa.

•Elefäntli•

Da heisst wenni pro site 500 gr use nimm zahlt d kk??

Summer2018

Elefäntli nei nöd garantiert dass es dän zahlet. Aber drunter zahlets es eh nöd.

Mangoo

Mumer das demfall bim arzt zerst alles abklähre la..🤔

Mangoo

Mussi mi nochli gnauer informiere..aber da hani ez nochli ziit

IroL

I weiss au nit genau wer das warum entscheidet 😬 aber dr huusarzt hilft sicher wiiter!

•Elefäntli•

Tönt guet und i werd bestimmt 500 gr anebringe 😂

ella

was mich no würd interessiere isch eb und wie sich a empfinde vo de brustwarze veränderet hed?

IroL

Am afang jo. D brustwarza sind wia “beleidigt” vo dem ganza und reagiarend nit. Ca. 1 monet spöter isch bi miar alles normal zruck ko.

Ängeli

Weiss öper was ca. NUR straffe kostet ohni vergrössere oder verklinere?