☕️🥐 z’morga ☕️🥐

IroL

Hallo mittanand!
I brüchti bitte dringend tips und rotschläg rund um an “liabevolla” und “schöna” zmorga mit da kinder.
I bin so ufgwachsa dasses am morga immer schnell ganga isch. Ufstoh, alegga, wäscha und ab. I han immer gseit i will das nit mit mina kinder. Sie söllend schön an deckta Tisch vorfinda und döfa zmörgala.
Ezt merki aber, i keia glich au döt dri.
UND DAS WILLI NIT! Könder miar bitte verzella wias bi eu usgseht? Was tischen iar uf?
Mini Tochter isch 2 und dia klii 2 monet 😊Danka eu vielmol!!!! 😊

Sandra💕

Ich versuech au immer gnueg zyt izplane und es funktioniert meischtens. Bi uns isch es sehr verschiede. Aber unter dr wuche tischi nid alles uf. Ich frog mi chline, was är will. Eimol gits brot mit butter und honig oder konfi oder nur es joghurt, müesli oder au mol corn flakes. Är het au gärn salami, käs, ufschnitt. Är isst jetzt nid mega vill, aber är het zyt und das findi wichtig. Aber es git au däg wos schnäll muess go, aber so lang es nid regelmässig isch, findis au ok. 👍

Pinny

💁‍♀️also ich plane immer gnueg ziit ihh...aber meistens endets immer so dasi die 2 gad mal gstillt, gwicklet und ahhzoge ha...denn mueni au scho uf de bus zum go schaffe - drum machi eifache z morge: wasser usm shoppe, maiswaffle, maispuffs, Brötli, Gmüessticks und Frücht (meistens Blaubeere) woni mine twins im bus gibe zum esse - denn schreiets au nöd die ganz fahrt

Pinny

Ahh und sus gits denn während em schaffe sowieso no znüni

Mangoo

Bi ois gits klassisch brot mit gonfi, joghurt oder rüherei liebt er au (14mt) gmües rüste am mirge oder frücht schiesst mi ehrli gseit a das chaner am mittag und zum zvieri ha..milch wett er keini au mit jemalt ned somit hani wasser oder mängisch tee dezu

Bawa

Bi üs isch so er isch ez 2jahr, er nimmt nur eh Schoppe voll Milch 😃 ich tische aber immer zmorge uf will ich de zmorge typ bin 😊 u d mii Maa chund au in Zmorge (Büro/Bude im gliche Huus) er isch aber au eher de wo den um die 9:30/10:00 es weggli oder Eh frucht ist 😃 das den meistens unterwegs 🙃

Bawa

Ich stoh immer am 7bni uf und tische uf.... oder du chöndsch au zb am vor obig scho tische und das wott wetsch uftische am morge scho bereit legge im Kühlschrank ime tupper zb

kläffchen

Also ich tische den Kids immer das gewünschte auf. Meine Tochter möchte Joghurt und Schoggimilch und mein Sohn Cornflakes mit Schoggimilch. Ich sitze oft dazu, aber esse nicht mit. Oder mache etwas in der Küche, die ist gleich neben dem Tisch. Wenn sie in der Kita sind, essen sie dort.

LoSo

ich frag si au was si wet...
Jogurt,Brot,Cornflakes. Frücht schnidi am morge und stell si ufe Tisch, vo dene darf si de ganz Tag ässä wenn si wet.
Ich sitz mit ane und trinke es kafii.

corina

Mir zmögelet zäme wänni nöd schaffe, mir sind die gemeinsame mahlzyte wichtig, bin au so ufgwachse, unter de wuche gits meistens konfibrötli und am wucheendi wird alles mögliche uftischr und gmüetlich zmögelet😊

Caramel

I üser Familie bin ich diä wo zmorge isst, nimme mir immer ziet für das. Maches schön zwäg und setzte mi a Tisch. Meischtens kunnt die Klie den und sitzt eu äne und wett äs Brötli. Has eu gärn wen alli schön am Tisch sitze, find diä Ziet sehr wärtvoll.

IroL

Danka eu vielmol für dia tips! I finda das so schön wia iar eu s
Ziit nemend und iar das eura kids witer gebend! I denka as isch so schön für as kind am morga eifach hera sitza töfa und z mami het an alles denkt und wartet druf mit ihna am tisch z sie.
I versprecha i werda mir müah geh au so a guats z’morga mami z werda!!! ❤️