Konisation

Tanja87

Liebi Fraue...
ich ha hüt en Termin bi minere FA gha und es isch usecho das min Krebsabstrich immer no (sid 2 Jahr) uffällig isch😓 etzt muessi en Konisatin la mache😞Hed öbber Erfahrige wie das ablauft? Hender müesse über Nacht im Spital bliibe? Han eigetli ned gross Angst devor was mier eifach Sorge macht isch das eusi chliini ersch 3 Monet isch und ich sie voll stille😓😓D FA hed scho gseid dasi de zimli sicher en Teilnarkose wirde ha... trotzdem... ha die Chliini no nie meh als 1 Stund zum hüete abgäh😰😓

corina

Ich känns nur als ambulant und in vollnarkose, da de igriff so churz isch dass es viel länger mit teilnarkose gaht (due brucht 6-8h) bis di wieder komplett bewege chasch🤔has sälber nöd gha aber schaffe im spital und känns numme so.

Tanja87

Ou okkej. Wehr ja im Prinzip logischer grad e Vollnarkose z mache🤔 mal luege was de Anästhesist denn meint. Merci @corina

corina

Weiss natürli nöd ob das mit de vollnarkose ztue hät🤷‍♀️ aber chönntsch ja vorher abpumpe und so isch dis zwergli mit gueter milch versorgt

Tanja87

Han etzt grad chli nahgläse und mer chan nachere Vollnarkose gad stille heists👍

corina

Dänn isch eh super und nachere kurznakose isch mer ide regel e schnäll wieder fit👍 wünsch der e schnelli/gueti op✊️💐

Tanja87

@corina merci dier vielmal🌸🌺

Frauenmantel

http://www.hpv-therapie.at/dr-paul-speiser/

Frauenmantel

Liebi Tanja
Ich bi in dr glich Situation gsi wie du, das isch jetz 2 johr her. Ich ha mir mega sorge gmacht gha wege dem igriff etc. Und au bi mir hets gheisse ich müest e konisation mache. I ha denn afoh recherchiere und bi im internet ufe univ.prof.dr. speiser in wien cho. Er behandlet die zellveränderige ohni op und zwar in behandlig mit trichloressigsäuri wo denn macht dass die veränderige abschuppe. Ich bi denn 2 mol uf wien und ha die chöste inkl behandlig selber müesse zahle ABER I ha sit denn nur no unuffälligi abstrich, dh i bi das ohni op los worde und i ha i de druf folgende ss null problem gha (mues bi de op au nid si,aber es git e gwüsses risiko betr früehgeburte). Zuedem het er mich mega guet übers thema ufklärt und mi vo afang a mega beruhigt.
I finds ehrlich gseit tragisch wird die problemlosi behandlig nid ide ch abote und vo euser kk nid überno :-( het mi recht schockiert.
Wennd no meh wetsch wüsse dörfsch di gern bi mir melde!

Tanja87

@Frauenmantel danke dier für dini Nachricht. Ich muess ebe scho negst Wuche gah.. sie hed gmeint müessi so rasch we möglich gmacht werde🤔 bi eus isch de Kinderwunsch kes Thema meh. Händ zwei gsundi Schätzis🥰😍
Luege aber hüt sicher mol no bim link ine👍👍

Frauenmantel

Wieso meine sie es mues so schnell gmacht werde?
i mein,wenns für di so passt isch jo guet und süst chasch sicher mol in wien alüte und froge was sie meine.
De "schmerz" vode behandlig isch verglichbar gsi mit liechte mensschmerze und noher hani abseh vo bitz meh usfluss gar nüt gha.
Ich wünsch dir alles gueti 👍☺️

raschi81

Ich has ou met Vollnarkose lo mache. Ha aber 2 nächt müesse em spetal bliibe. Wäge mögleche nochbluetige!
Das esch jetzt 5 johr här ond alles tiptop. 2 gsondi metli ohni komplikatione!

Tanja87

Ah bi mier machidses Ambulant. Bechume au e Vollnarkose. Ha gester s Gspröch gha mitem Anästhesist... hoffe cha de au wirkli a dem Tag wieder hei🤔... susch gahni denn eifach😝 oder nimme die chli zu mier über Nacht😁

Milkyway

Frag doch im Vorus ep di chlini zu dir darfsch ne. Ig ha vor kurzem oh e Operation gha. Mini chlini isch allerdings denn 1.5 monet gsi & obwohl ich „nur“ allgemein versichert bi, hend sie mer weg der chline es einzelzimmer organisiert & es bistellbett für sie drmit ig sie bi mir cha ha & stille. Ha nüd müesse zuesätzlech zahle und ha mi wohler gfüehlt das sie bi mir isch obwohls mitem bewege u aues am afang chli schwierig isch gsi. Ich ha au e vollnarkose kha & ha dörfe nach der Narkose ganz normal witterstille. Während de OP het mis Mami gluegt. Wünsche dir viu glück & hoffe, ds aues guet chunt xxxx

Jeaninne

Also wenn de muesch über macht bliebe, sotts kai problem sy dass dini glai bi dir isch.
Ich schaff im spital und mir machea wenn immer möglich, das d babys könne bim mami sy. Ich has in de gabze 5joor no nie erlebt dass mirs nyd gschafft hän das z ermögliche. Also wifach frooge was machbar isch😉

Hoff abr dass de natürli grad wieder haime kasch am oobe

Tanja87

Jöö merci für die positive Zuesprüch🌺🌺 ja ha dene gseid dasi nach de Narkose wieder wird stille... hend mi chli komisch a gluegt.. aber han etzt uf verschiedene siite im internet glese das mer cha stille wenn mer sich wieder gnueg fit fühlt👍Und wegem über nacht bliibe.. lahnes uf mi zuecho.. versueche mier etzt eifach ned z viel gedanke z mache🙈
Bin ja sowieso uf de Gyni und dert wüssets ja wes isch wenn mer vom baby „muess“ trennt si😌 de sinds sicher kulant und ich cha mini muus bi mier ha bisi hei chan😍