Ich bin hüt rauchfrei 😅

Jooy

Da mir bewusst isch was ich für en seich mach und ich keis guets vorbild mim sohn gegenüber bin hani gester die ledsti zigi graucht.. hender mir tips wie das durezstah, vlt heds eint oder s andere mamidas au duregmacht.
Mini gedanke chreiset nurno dasi eis go rauche möcht😕

Mamsi

Hey gratuliere zu dim entschluss! Ich han vor 3 1/2 Jahr ufghört, aber es isch nur gange will ich Zigis ersetzt han mit emene Dampfgrät. Ich han am afang au no Nikotin i de E-Zigi gha und langsam immer weniger dosiert und irgendwenn hani kei Nikotin meh drin gha und denn plötzlich gar nöme Dampfed. Dampfe isch au nöd Gsund, aber bitz besser als Zigi und ich hetts glaub ohni nöd gschafft... suech dir e Alternative, kau Kaugummi, trink jedes mal wenn a Zigi denksch en schluck Wasser, gang use go laufe, du muesch dini gwohnheite ändere... ich findes hüt no komisch Alkohol ztrinke ohni eis zrauche, hät für mich irgendwie immer zäme passt...
ich druck Dir ganz fescht de duume das du das chasch durezieh!!! 🍀🍀🍀🍀

ALOHA

Ich ha nie graucht aber finds mega😍👍🏻 die ihstellig - genial👍🏻Es git doch so apps wo dir ahzeigt wieviel geld du sparsch.. evt hilft dir das😅 ich find das nämli sehr krass was den zemechunt. Obs hilft weissi ned.😅Guets glinge und durehebe👌🏻🙏🏻 chunt guet. Denk eifach immer ah din chli schatz😍 eh grösseri unterstützig gits glaub ned🤗

schildchrötlimel

Ha fasch 20 Jahr graucht (1-2 Päckli im Tag). Ha am 29.04.2018 vo eimTag ufe ander ghört. Ghuefe hei mir 2 Apps (als Motivation). S‘einte heisst Smoke Free und s‘andere Rauchfrei. Det gsehsch immer d‘Fortschritte. Di erschte 3 Wuche si d‘Höll, das isch leider so. U au iz, nach meh auseme Jahr, hani mängisch enorm Luscht ue Zigi. Abr s‘geit verbi. Kaugummi chätsche odr Wasser trinke.

Jooy

schildchrötlimel, genau die zwei hani mer abeglade gha😂 ich glaub wirde mindestens 10kg zuene, bin alles am inestopfe ohni gnade😅😅 aber hut ab hesch du das gschafft!👍🏼👍🏼
danke eu👍🏼👍🏼🍀🍀 ich gib mis beste..💪🏼💪🏼 am liebste würi alles verschlafe😴😅 aber mit chind gad das ja mal ned🤪

Jooy

was hesch den du gmacht wend mega lust gha hesch?

schildchrötlimel

Ebe, entweder e Chätschgummi odr öpis trinke. S‘Verlange duret meischtens nur 10sek. Dürehebe u ablänke. Ah u Chupa Chups hani gha 😂

Clea

Ich habe damals als Ersatz auch Lollis genommen. Viel Glück!

Pinny

Ich bi au Nichtraucherin 🍀aber finds super das du das mache willsch...isch ja nöd nur für dis chind, sondern au für di guet 🍀...mini kollegin het au ufghört und sie hets mit kaugummi und sport ersetzt

fuchs

Ich han bem positive ss test ufghört und 6 wuche nach geburt weder agfabge -.- weiss bes jetzt no ned wiso ichs ned gschafft han🙈 aber ich glaub weli er ss kei alkohol trunke han🙈 ich han ar wiehnachtsfiir vom büro weder agfange. Und ja ich weiss au es wör besser für min sohn, aber ich han kei lust ufzhöre, rechtig schrecklich beni -.-

Martiina

han vor 1 jahr ufghört woni gwösst han dasi Schwanger ben.
die gaanz schwangerschaft esch es kes problem gseh! aus jetzt eigentli ned ussert mer esch mol im Usgang, aber de gohni eifach albe met de raucher use so gods tiptop!
ah jo han 12 johr graucht und das 1-2 päckli am tag!
aber be froh hanis gschaft🙂

Avenira

Ich han au während de erste Ss ufghört. Sprich bin unplanet schwanger worde und ca 2 Wuche nachem positive Test hani die letzt graucht. Nach 15 Jahr ketterauche. Mir hend Apps ned ghulfe aber wüsse für was ichs mach. Kaugummi isch au no guet. Sust immer vor Auge hebe wiso dasd nüm wotsch rauche. 😊 Bin jetzt 3 Jahr rauchfrei.

Nessa

au vo mir gratuliere👍🏼👍🏼💪🏼 de wichtigscht schritt hesch eich scho gschafft!! ich han 10 jahr graucht und den mitm chinderwunsch ufghört. mir het sehr gholfe das ichs niemmerem xseit han.. well susch au immer all denah fraget... und rauchsch immer nanig ect.. und wen ich luscht gha han bini amel 5 10min a die frisch luft und ha paar mal tüüf igschnuuft.. (januar xsi. also chalti luft het mir mega gholfe. ich lieb aber allgemein d luft im winter zum atme) den hani kei kaffi me trunke well das e verbindig xsi isch zur zigi.. wie zb für die einte ebe au alkohol. alles so bruggene zur ziggi würi weglah. ich han mir au immer xseit.. he nei ez hesch 1.. 2...3...tag ned graucht, s schlimmschte hesch dure, wer ja mega dumm ez eis rauche.. und so isch ziit vergange.., und jetzt 1 1/2 jahr spöter hani fasch schüüb wen epper nach rauch stinkt.. und den denki wä so hesch du au gschmökt🤢🙄😳... ich wünsch der ganz viel krafttoi toi toi

schildchrötlimel

Hallo @Jooy 👋🏻. Wie gehts? 🚭

Jooy

hoi hoi lieb frögsch na, danke😊 has leider ned gshafft😞 uf jedefall rauchi s biz weniger aber ja, has ganz wele. ich wirds aber immer und immer wieder probiere bis is au gschafft han😅

schildchrötlimel

@Jooy ich habe auch mehrere Anläufe gebraucht (über Jahre hinweg). Irgendwann kommt auch für Dich der richtige Zeitpunkt ✊🏻

Jooy

ich gib uf jede fall mis beste!😊😊😊 danke dir vielmal😘

Milchmädchen

Min Liablingsspruch dazua isch immerno dä vom Mark Twain: Rauchen aufzuhören ist das einfachste auf der Welt; ich habe es schon 1000 mal gemacht. 😊Wia @schildchrötlimel scho gschrieba het, din richtig Zitpunkt wird koh. Du schaffsch das. Alles Guati! ❤️

Nicii

Ich weiss wie schwer das es isch ufhöre z rauche, hans au jensti mal versuecht. Han im Februar s Buch: Endlich Nichtraucher für Frauen vom Allen Carr gläse und sit dete nie me graucht. Am Afang hanis recht langwilig gfunde aber hans den fertig gläse willi eifach han welle wüsse obs funktioniert und das häts nach 12 Jahr endlich wieder Nichtraucher💪🏻😃

a-kraehenbuehl@bluewin.ch

Meine Erfahrung; ich habe sehr gerne geraucht bis zur letzten zigi aber ich habe meine Klappe zu gross aufgerissen und habe gesagt, nach der Prüfung 2012 höre ich auf zu rauchen (nach 14 Jahren rauchen)
Mir haben champfix Tabletten nicht viel genützt aber am ersten Rauch freien Tag habe ich mir auch das Buch "endlich Nichtraucher für Frauen" gekauft ca 40 Seiten gelesen und von da an habe ich auch keine Tabletten mehr genommen und bin überzeugte Nichtraucherin.

Versuche umzudenken, also rauchen ist eine Sucht, und wenn du aufhörtst musst du bei jeder nicht gerauchten zigi stärker werdenalso mit; ich bin nicht mehr süchtig, ich hab meinen Körper wieder zurück usw.
Ich freue mich jetzt noch, wenn ich jemanden sehe, der raucht und denke oh bin ich froh, dass ich nicht mehr süchtig bin.

Toi, toi

Jooy

danke vielmal für die wort😊😘 hetmi scho ufgmunteret und wieder meui power ge zum en ahlauf ne😁💪🏼

fuchs

Rauchfrei tag 2 💪🏿💪🏿Weiss ned wie das passiert esch, aber vo eim tag ufe ander hani nüme möge rauche. Han vorer wuche uf e zigarette umgstellt und emmer sone kreislauf kollaps becho, dasi dene nur na eink am morge und obe graucht han ubd jetzt esch de 3 tag gstartet ohni rauche 😍 ubd weiss au ned, han gar keis problem (hole mer aber glich no nicorette spray)
Weiss wirklich nid was passiert esch, aber ich chan gar nüme rauche, klar hani no sverlange, aber weni nur ei zug anere zigarette mache muessi grad 🤮🤮🤮🤮

passonita

@fuchs Witer so!!💪🏼
Me ghört doch emmer weder, dass e Schwangerschaft sech so bemerkbar macht...🙃
Eg wönsche Der witerhen guets Durchhautevermöge!😊

fuchs

Vollkomme usgschlosse😂😂😂 also en schwnagerschaft und mee wend ja au keis zweits, wär also kei freudigi nachricht😂

Und be min sohn habi au erst ufghört bem positive test, also kei veränderig davor

schildchrötlimel

Super fuchs 💪🏻

Hab vor 1J & 3mt gehört und seit 2 Wochen ist das Verlangen wieder grausam 😫

Toi toi und gutes Durchhalten 🐞

Jooy

fuchs! super😍 das hani imfal au mal plötzli gha, das wer de perfekti zitpunkt zum ufhöre nur hanis ned gnutzt gha😅😅👍🏼 aber trotzdem ich rauche sit 2 mönet und 15 täg nüme🙊💪🏼💪🏼 isch imfal soo easy gange ohni irgendwelchi präparat😅 hets echt ned denkt. ich denke vlt 1 mal pro wuche no a e zigi weni zum bispiel viel gesse han😊 aber den denki dra und den ischs nacher wieder ok, ich mag de gruch überhaupt nüm und verzieh mi gad wenn eper nebed mir raucht, slupft mi sofort.
wünsche dir witerhin viel chraft😊💪🏼

Jooy

und für mich isch ganz wichtig gsi am afang, ich def uf kein fall zigis dehei ha, susd griffi im strit mitem ma oder im stress druf zrug. jetzt hani das überwunde, eifach ned stresse la🙏🏼

fuchs

✌️✌️✌️✌️✌️

fuchs

Sgeld eschmer bitz zwenig😂 ha vorherne eifach zwenig graucht😂

Jooy

😂😂😂 jaaa defür hesches vorher ihgspart😂 ich han vorher es päckli im tag graucht🤦🏼‍♀️ also hani ez epe 800.- gspart würi sege🙊😂 bin stolz uf eus hemmer sozege die erst hürde hinter eus und ich denk mir sschlimmste hemmer au dure💪🏼💪🏼😂🍀

schildchrötlimel

S‘Gäud isch abr niene ume 🙈😭😂

Stärndli ✨

Gratuliere.. ich ha mier 10 positivi eigeschafte ufgschrebe was besser esch i mim Läbe, als rauchFreie mensch. Aber s mues aus positiv formuliert sii. So hani mier emmer bewusst vor auge ha wie vell besser mis lebe ez esch........
s bewussz si das mis ennere tüfeli das nor wott ond ned ich... ha amigs met dem gred ond freud gha hanis besiegt.... plus hani wenn d lost cho esch beidi händ vor here gno ond aglueget ond mier gseid s ged nor zwe möglechkeite: raucher, oder nicht raucher...... was wott ICH sii??
Nor eini gets ned..... de besch grad weder drenn.... aso emmer weder entscheide Raucher od Nochtraucher.... 😁
Wiiterhin toi toi 😃

reni

Irgendwie müsst mä meine so 10 mönet schwangerschaft die mönet wo mä stillt söttet entzug gnueg si 🙄 ich han womer agfange händ "produziere" ufghört, hät allerdings bim 1. Versuech scho igschlage 🙈 und jetz isch mini chli 3.5 mönet. Jetz hani 20kg meh und nasche halt viel, wür am liebste au wieder afange 😭😭😭

Jooy

o ja verstahni reni, aber du muesch ez eifach de negst inneri sauhund überwinde und epis anders sueche statt nasche🙊 aber chander guet nahvollzieh ich bin au eini wo ständig wieder go schneugge gahd😂

takigu

So i ha höt oh endlich ufghört! Hoff i kas durchzüha. Wia gots eu mit am ufhöra? Irgendwelche tipps?😂

Jooy

@takigu bi mir gahds 😁 mengisch stigts mer momentan wieder in chopf aber sgahd😆 und bi dir? heschs chöne durzieh bis jetzt?

Nalan83

i ha vor 6wuche ufghört☺️😆...eifach ei tag ufe ander. und es klappet, wenni mau luscht ha eifach ignoriere ablenke nach 5-10min. vergoht das weder. vor dem hanis 2mon. intensiv versuecht und gseit: SO DAS ESCH MIS LETSCHTE PÄCKLI..😆 den wieder nit gschafft, und den weder SO DAS ISCH JETZT WÜRKLI MIS LETSCHTE PÄCKLI😆 ...aber de uf eimol nach 2mon. hanis würkli gschafft nach 1000 aläuf😅...!mi ma het vor 10jahr ufghört und er het hüt zutags no ab und zue luscht so nachem esse..aber würd nie eini alänge..i glaub luscht wird me immer e mol ha.

ich denke scho dases au wirsch schaffe einisch☺️👍🏼 villech nachem 10000schte alauf😆 aber du schaffsch das

takigu

Nei ha leider weder grocht... fang jetzt aber mit am buach endlich nichtraucher a und hoff es bringt was. Will jetzt endlich ufhöra und fang doch immer weder a.. nerv mi richtig über mi

takigu

Cool @Nalan83 hoff das klappt bi miar oh bald😂

Nalan83

@takigu i denkes scho☺️👍🏼 bruchsch halt wien ich villech au 100aläuf😆

Jooy

@takigu bi mir hets wüki nur klappet owni kei zigis me dihei gha han, han susd immer wieder denah griffe. au zum bispiel weni mitem ma gstritte han ischsmer i dem moment sowieso egal. toi toi toi. die erst wuche isch am unagnehmste würi ez für mich eso meine💪🏼💪🏼💪🏼💪🏼

JennyHelin

Ich bin leider wider drigheit 😫😥 han 2 jahr ned graucht .. jnd jetzt hani grad chli stress gha und bin leider wider drigheit 😥 was echt schaad isch und ich hoffe das ichs de wideremal schaffä 🙄

Jooy

@JennyHelin oje.. bisch gad wieder voll ine cho? ich han momentan sogar vo dem träumt dasi e zigi rauche🤣🤦🏼‍♀️🤦🏼‍♀️ aber han ned nahge, wirdi au ned bis sicher nach de geburt vo mim meitli, aber danach muesi mer echt in ar*** chlübe dasi keini ahlange🤣😅