SWISSMOM-PARTY #2 - 🤩

Mangoo

Oo ja macht mine no ab und zue und isch ez 1,5j erst gead vorgester vom 1-4 wach gsi😩

mischmiisch

Ohje. Uf ei art schön z'ghöre, dass mer ned ellei esch. Andersits wünschi es wörd mal es ändi näh. Ech weiss wekli ned ah was es lihd. Esch die Woche scho s'dritte mal gsi 😩

Tanja87

Mini Chliini 6,5 Monet hed das au ab und zue... De isch sie 2 Stund wach, spielt und pläuderlet🤷‍♀️ Aso im Bett 🤦‍♀️ und de gahni mängisch halt uf... Was machid ihr I dere Situation?

kläffchen

@schaai ich finde Aldi Windeln grösser als Pampers.

@Sabrina86 danke dir, schaue ich mir gerne an. Wahrscheinlich gehe ich aber einfach mit einem zu grossen Dirndl und ziehe einen Pushup an, der füllt dann aus 😂

@mischmiisch also wenn unsere Kids in der Nacht erwachen, aber zufrieden sind, lassen wir sie eigentlich.

Wir haben das neue Bett von der Kleinen aufgestellt und das ganze Zimmer umgestellt. Es war ein riiiesen Krampf.

Füxli

@fuchs wie alt isch din Käfer? mir hend öbe mit 5 mönet mit da Zewi agfange hend abr di erst hälfti puckt und den Zewi und sit 2 Woche nu Zewi. mir sind total fan davo wel er aifacher da schlof findet. er isch au es rise fegnest. dreie chaner sich glich uf da buch machter abr nu wener wach isch.

mischmiisch

@Tanja87 und @kläffchen
Also sie verwachet i de Nacht und schreit. Je nach Ziit bechond sie ehre Schoppe. Und den schreit sie mängisch trotzdem wiiter. Denn probieri sie i ehrem Bett beruhig und zum witer Schlafe z'bringe. Meistens hani kei Chance dass sie sich überhaupt beruhigt. Also nehmi sie ufe Arm und sie esch sofort ruhig. Ich chan sie 5 Minute oder 30 Minute ufem Arm ha, sobald ich sie ablege, schreit sie weder. Also nehmi sie den meist zu eus is Bett. Denn dreiht sie sech und döst so 5-10 Minute. Und den dreiht sie sich weder und voht ah plappere. Ergendwenn wett sie ufhocke und wenn sie den mal sitzt, gheit sie weder wie en Härdöpfelsack um, well sie so müed esch. Denn esch sie alligs weder für 5-10 Minute ruhig und plötzlich bewegt sie sich weder, wett ah mim Fründ oder mir ufechrabble, plapperet weder und den lihd sie ergendwenn weder und weder esch paar Minute ruhig. Als wörd sie ned in Schlaf finde. Und das Spiel zieht sich den meist so 1 1/2 bis 2 Stunde lang... 😩
Wenni probiere sie z'hebe, schreit sie los. Wenn sie mal ablihd, dueni sie streichle, shhhh mache oder singe. Aber ned bi jedem mal. Han au scho überleid, öp sie das stört... 🤷
Wenni sie aber weder i ehres Bett wörd due, schreit sie au weder voll los. Ich verstahs werkli ned. Han au ned s'gfühl, dass sie Schmerze oder ähnliches het.
Sordy för de lang Text 🙈

Mangoo

@mischmiisch bi ois ischs au so das er denn im bett brüelet sobald er verwachet und ich denn zu ihm gahne..früher hanen umetreit oder sind uf de schaukelstuhel, bin det amig selber no halbi idöset aber da ich ez ide 41ssw bi nimmen eifach au zu ois is bett. Nach sim schoppe isch den 50:50 chance gsi das er grad wiiter pfuuset het oder ufdräit und halt party macht..ganz egal was ich gmacht han..ez sit 3wuche wetter aber gar kein schoppe meh🤷🏼‍♀️ ich sägem immer wieder er sel aneliege und schlafe und probier chli schmüsele/streichle zum en wieder abehole was nur mässig klappet🙄 selber dösi de halt eifach und irgendwänn schlaft er denn au wieder☺️ id stube go spiele wottinaber garned ahfange!

mischmiisch

@Mangoo oh, chan mer gar ned vorstelle, wie es sich für dich i dere Situation ahfühl (so hoooch schwanger). Mer düend au weder liecht ah mache, no ergendwelchi Sache zum Spiele ahbiete. Idöse chani den meist ned, welli angscht han, sie chrabblet unde usem Bett/gheit abe. Also er hend demfall au ned s'gfühl, dass es ihm den guet gaht oder ähnliches? Han scho überleid, öp en Zahn drückt oder öp sie Buchweh het. Hach, ech weiss au ned, es esch eifach ahsträngend. Vorallem schlaft sie den am Morge ned länger als söscht und esch dementsprechend nach 2 Stund scho weder tooot müed.

Tanja87

Mier hend eifach s nachtliechtli susch Machi au ned hell. Spiele tued si denn mit ihrne händ und füess oder sie pläuderlet vor sich here🙄
Ich stah nur denn uf mit ihre wenn sie würkli hellwach isch... Aber meistens isch sie denn nach max. 2 stund wieder müed und de schlafi er wieder🤔

Tanja87

*schlafimer

Mangoo

@mischmiisch nei ich ha ez nie sgfühl gha das er irgendwie schmerze oder so het denn tuet mine andersch..weiss au ned wieso er das amigs het🤷🏼‍♀️ am morge pfuuset er denn wenigstens bis am 9😅 jedi nacht isch chli anderst bi ois☺️ hami demit abgfunde und irgendwenn werdet au oisi guet pfüsele😉

Shira

Oh jeh er arme. Ih ha eu au kei tipps ha da zom Glöck nie gha. Wasi scho ghört ha, das mer de Tag wos erläbt händ nomol sell dore goh. Vellecht esch de Tag z vollpackt das sie das ned chönd verarbeite ond drom weder wach send oder öpis spetziells passiert esch en „unfall“ es tolls erreignis wos spetziell toll gfonde händ etc.
Mer händ eifach s ritual das d Chind met Musig, de gross jetzt mit gschichtli (tonies) ihschlofid. Die chli het set gebort immer die gliche lieder zom ihschlofe ond wenn sie ih dr nacht mol verwached den schloft sie met dem meist immer grad guet ih. Aber sie brüäled au nie so extrem wies bi eu tönt ond es esch au nid so es hi und her daher chas guet sii das da ritual den bi eus au nöm wördi funktioniere wenn mer da problem hätte.
Ond jo, vellecht es eifach au nor die sch... Phase wo ergendwänn und hoffentlich bald verbie goht.

Oh @Mangoo scho bald dafsch kuschele so spannend. Alles gueti för die letschte Täg/ Stonde ond en schöni Gebort.

chica.1

Hoi ladies. Ha mal zit gfunde zum schriebe😊 eigendlich bruchi eui hilf. Wo find ich so chlini schachtle zum versende wo nöd höher sind als 2 cm? Mus karton si damit de inhalt nöd kaputt gaht. Danke eu

Mangoo

@Shira isch ja zum glück ned jedi nacht so vo demher ok für ois..ha aber no keis „muster“ chöne erkänne isch au egal ob er nur dihei und ufem spielpi gsi isch oder mer öpis undernoh hend zb. In zoo oder badi so🤷🏼‍♀️ aber es cha scho sie das mitem verarbeite vo sache ztue het..wer weiss😅 viellicht spührt er ez bi ois halt auno das sich glii öpis ändere wird..mal luege wies denn wird wenn die chlii da isch..danke no für dini wünsch chönds au chum meh erwarte und bi jedem zieh hoffi das es äntli los gaht😄 cha fascht a nüt anders me dänke soo schlimm🙈geschweige denn schlafe😂

Mangoo

@chica.1 ja entweder musch uf de post e schachtle chaufe und sust würi mal ines gschäft go fröge ob sie en alte karton hend..zb. Elektrogschäfter, velobude apo etc alli chömed ja ihri sache gschickt über🤷🏼‍♀️

schildchrötlimel

Bi üs hets widr mau chli Zuewachs gäh ☺️

tamtam86

Ohhh jöööö dä isch ja süess!🥰

alexandraB

@schildchrötlimelJö, das isch jo wunderhärzig😍

schildchrötlimel

Ja Geschter gschlüpft 🐢☺️

mischmiisch

Danke für euchi kommentär. Es bestimmts muster hani au ned chönne feststelle. Au die nacht semmer weder 2 Stund wach gsi. Han mech uf de tagesschlaf gachtet (wenn und wie lang), ufs esse und ebe was mer so los hend odee ebe ned. Aber chan nüt feststelle. Mer hend en baggezah wo chund, oder au scho dörre esch. So gnau darfi ehre ned is muul luege. Hoffe es esch en phase und hört bald uf 🙏
Wenni frei han und mer nüt los hend, schlafi am namitag au met ihre. Aber wenni muess gah schaffe, esch es scho recht streng 😩
@Mangoo, wünsche euch alles Gueti und en tolli Geburt 😊

Milchmädchen

@chica.1 wia Klii? Sust hets im Bastellada Zündholzschächtali

schaai

mami..mini kli 4.5 mönet het sit paar täg ca 5 bis 8 mol grüene recht flüssige gaggi..fudi scho wund..was cha das si

Ohana

@schaai ev zahnet si

schaai

@Ohana das wirkt sich so uf de gaggi us?

Ohana

Ja auso grüen hei mini niä gha aber so süürlech schmöckendä durchfall und wunds popo scho....

hermine

@Schaii im kispi hends eus gseit dass das bi mgd so isch

schaai

danke oi..demfall lüti morn mol em kia a

schaai

nomol e frog..ez uf de winter..würd gern für de kiwa sitz es lammfell kaufe..was isch besser e uflag oder grad en fuesssack mit lammfell? was hend ihr? villicht au denn wommer allesfalls bime 2.kind au wideder für dWanne chönt nutze..isch das e unterschied vum fuessack ob wanne oder kiwasitz?

mariechäfer

@schaai i han en sack gha,müssd mol dobe luege eben na han,wenn ja würden verkaufe😉

reni

@schaai wegem gaggeli... tuesch du stille?

schaai

@reni jo no voll

schaai

@mariechäfer 👌 mach kein ufwand viellicht kaufed mer au en noie..

reni

@schaai hani äbe au gha weil mis baby chli fuul isch 🙄 Chann si das dis baby nur d vordermilch isst (durst-stille) und nit die letschti nahrhafti fetti hindermilch (die isch chli müehsamer zum usesuge) d vordermilch hät viel laktose und drum händs chli müeh zums verdaue. Ich han denn afo nochm stille abpumpe (sind nur öpe 10-20ml pro brust, aber mä gsehts das d milch dicker isch) nachdem ihre denn das no zuegfüettered ha, isch dä gaggi wieder gelb worde 🙂

schaai

@reni das het mir e fründin au grad gseit..sie isch jewils noch 5 minute pro site scho fertig dass würs vordemilchthema erkläre..han zwor amel scho sgfühl wenn sie abdockt gseht de milchschnauz ums mul ume noch dicke milch us..aber jo villicht müsstis mol probiere..

reni

@schaai ja das chönnt demfall echt no si... mini tut 10-15 minute pro siite, aber gege schluss äbe nur nuggele und nüm richtig suuge 🙄 falls ä pumpi häsch, würis mol probiere 🤷‍♀️

schaai

@reni jo machi..i vermuete eifach dass sie mir die apumpt milch denn nüme trinkt well sie jo gnueg het vum stille

Shira

schaai schrieb: »

nomol e frog..ez uf de winter..würd gern für de kiwa sitz es lammfell kaufe..was isch besser e uflag oder grad en fuesssack mit lammfell? was hend ihr? villicht au denn wommer allesfalls bime 2.kind au wideder für dWanne chönt nutze..isch das e unterschied vum fuessack ob wanne oder kiwasitz?

Ih ha en Fuesssack gha mit lamfäll. Eine womer onde ah de füäss au het chönä uftue ond somit die dräckige/ nasse schueh het chönä osse ha. Beziehigswiis hani mini chind dert ammis bis zur scholtere chönä ihpacke au no mit 2 jöhrig 🤣.

reni

@schaai probiers mal. Viellicht hät si nit gnueg sonder wird ihre au z müehsam wie minere 😞 dä arzt seit solang si guet gedeiht spielt d farb vom gaggeli kei rolle 🤷‍♀️

mischmiisch

@Shira jetzt verstahn ech, wieso mer die Fuesssäck onde uftue chan. Han das nie tschegget wieso 😂

Shira

mischmiisch schrieb: »

@Shira jetzt verstahn ech, wieso mer die Fuesssäck onde uftue chan. Han das nie tschegget wieso 😂

🤣🤣🤣👍🏼

Shira

Aber ih glaub ih hets au nid tschegged wenns d verchäuferi im Lade ned erchlärt gha hetti 🤣🤣🤣

fuchs

Fraue ich han en beobachtig gmacht.
Ich han ergendwie sgfühl, dass babys wo schnell sache chöne, früeh hocke, früeh ufstah und früe laufe, dass die viel meh umgheie.
Also ich han das jetzt durch posts und erzähluge beobachtet.
Min chline esch total em durchschnitt mit hocke, krabble und ufezieh.
Also er esch erzte 10 mönet. Geobbt met 8 mönet, hocke met 9 mönet und jetzt krabble und ufezieh met 10mönet. Mer hend e dene 21/2mönet gebau 1 unfall gha woner bem erste ufezieh rückwärts ungheit esch, aber ansunste gar nie.
Esch euch das au scho ufgfalle? Also es interessiert mech eifach :-)

LoSo

fuchs schrieb: »

Ich han ergendwie sgfühl, dass babys wo schnell sache chöne, früeh hocke, früeh ufstah und früe laufe, dass die viel meh umgheie.
Also ich han das jetzt durch posts und erzähluge beobachtet.
Min chline esch total em durchschnitt mit hocke, krabble und ufezieh.
Also er esch erzte 10 mönet. Geobbt met 8 mönet, hocke met 9 mönet und jetzt krabble und ufezieh met 10mönet. Mer hend e dene 21/2mönet gebau 1 unfall gha woner bem erste ufezieh rückwärts ungheit esch, aber ansunste gar nie.
Esch euch das au scho ufgfalle? Also es interessiert mech eifach 😊

meni Mädels sind bed sehr früeh i allem. Di gross ish ständig gfloge. die chlie praktisch nie 🤭

Shira

De gross esch dorchschnitt gsi und hin und weder molä gfloge oder ähnlichs die chli esch bi gwössne sache schnäll bi anderne weder sehr langsam es wiili lang esch alles em standart verlofe mol hegheit etc. Obwohl sie inzwösche scho guet cha chlättere ond stägelaufe etc gheit sie weder vel meh um als vorhere obwohl sis guet het chönä.

sabi81

@fuchs, mini beide si eher frühe gsi ih allem u sie beide eigetlich sehr wenig um oder abe gheit... di chlini chlättert überall ufe u isch sehr sicher u het u viu chraft ih de arme...

sabi81

Eher ab und zue mau gstoglet! Di chlini meh aus di grossi..

fuchs

Ja ich han be mim ergendwie ebe sgfühl er macht alles erst wenner sech so rechtig bereit dezue fühlt😂😂 es esch mega komisch zum erkläre. Aber fende me merkts rechtig, dasser ebis erst macht wenners ergendwie scho chan. Wie au emmer das goht ohni es davor uszprobiere 😂

sabi81

@fuchs ds cha me bi viune theme sehr guet beobachte! z.b ou bim rede! Viu plappere eifach chli druf los u me versteit am ahfang nid soo viu u anderi föh erst ah rede wen si d wörter richtig chöi.. drfür mache die de grad ganzi sätz☺️ oder ha ou scho kind gseh wo ufem hosefüdle vorwärts si u gar nie gschnagget hei u drfür de grad los gloffe si ohni no gross um ds gheie drfür erst recht spät.. u so gits sicher ou söttigi wo aues eher frühe mache u glich nid umgheie.. denke es git chind wo scho sehr frühe es guets körpergfühl hei! Üsi chlini het itz scho viu ds grössere vertroue ih ihre körper u können aus di grossi ih dem auter het gha! Aber si cha natürlich viu abluege bi de grosse!

Sova

@fuchs aso mini gross isch a früani gsi. aso mit 10mt isch sie gloffa hed aber so guat wia kei "unfäll" ka...aber miar hed d kia gseit ds problem sig wenns so früah laufendi dass dr kopf nonid drzua hend. aso quasi d gfohra wia weniger gsehnd... aso biz kopflos unterwegs sind....

fuchs

Ja ebe mine staht ja nanig uf nur ufd knü, aber krabblet wie en weltmeister. Diheime hend mer kei stäge.
Jetzt beni am namittag duse gsi, dete esch e stäge gsi, dene staht dä dich eifach uf und stiigt stäge a de wand entlang😂😂 diheime würd er sich aber nienend hebe zum ufestah 🤷‍♀️🤷‍♀️