Familien gericht nicht Still Freundliche

sterndli

Hallo zäme

I ha am Fritig Gerichtstermin gha und diä händ ernsthaft welle das ich Abstille u de Schoppe gibe, das ihre KV sie cha ha, de het nonie es Kind ka u het sie bis Geburt nüt welle wösse, het mer alles welle futsch machä.... Ha gseit vor 2 jöhrig stilli nöd ab. Sig mis letschte kind für immer, sie isch 46 tag alt.
Er cha für paar std all 2 wuche zu eus ko, de wen mi 5j bueb bi sim papi isch.
I chönt da Hericht echt ufe Mond schiesse, die händ dem meh glaubt wie mer. Das er Sorgerecht het findi ou dernebe,ha zerst allei gah u die händ mer kei Chance geh zum zeige ufwiese das da kei gueti Idee esch, aber wen was passiert de werdi zu furie😤😤😤😤 sorry ha miesse Dampf mache.

Tanja87

Hej @sterndli
Sicher need oder..?! Schliefts Dene?? Also das wegen Abstille gahd ja mal gaar ned!! Was meint denn din Anwalt zu dem ganze? Chönntisch s Urteil ned wiiter zieh?
(du hesch doch mal da im Forum gschriebe gha daser nüt well süsse vom Baby?) warum bechund er denn au Sorgerecht? Warum etzt de Sinneswandel??
Wünsche dir viel Kraft🌸🌸🌸

Tanja87

*wüsse

sterndli

Hey @Tanja87

Mol leider ischs so gsi. Ha kei Anwalt ka, aber jetzt hani eine hinzue gno, ja gell findi au lächerlich vo ihm.. Es gaht ihm ja ned um Sie sonder um mir eis us wünsche, er het mer ja selber gseit er wössi sowiso ned wielang er da mitmacht u abhaut. Weiss au ned be vollkomme im falsche Film gsi, ha gmeint ghöre ned recht das si dem es au gänd. Sie vom Gericht händ gfunde das wo ich u er händ müsse mer begraben es göchi um eusi Tochter, ha de gseit so zlescht, ja die Tochter wo er ned het welle, u mir heb er 1 Tag vor Geburt gwünscht dasi veräke ar Geburt😠

Ja die frau het wohl kei Kinder das si sowas seit, regt mi jetzt na uf weni dra denke.

sterndli

Dankeschön🥰

Tanja87

Ja sie hend im grund gnoh ja scho rächt das es chinds s arecht uf Mami und Papi hend... Aber doch ned wenn er dier so schlimmi Sache seid und wünscht und anscheinend ned nur einisch güsseret hed daser sis Chind ja gar ned möcht🤔
Warum wett er sie denn etzt plötzlich glich? Weil er Muess Alimente zahle? Muess er hoffentlich oder?

Liebe Gruess 🌼🌸🌼🌸

sterndli

Das weissi ja au das er ahrecht het. Ja er muess Alimente zahle dasch alles in abklärig, ja eh es passt em ned das er mue er het ghofft er mue ned... Jap er het 30 wuche lang gseit er wills ned, het mer die ganz zyt droht, aber ebe Sie sind voll uf sinere site gsi. Geb em keini 3 jahr u er isch weg vom Fenster. Aber ja er weiss ja alles besser.

Liebe Gruess zrugg🐞🍀🐞🍀🐞🍀

Clea

Die Fronten zwischen euch scheinen recht verhärtet zu sein. Bitte findet zusammen eine Lösung zum Wohle eurer Tochter. Sie steht im Zentrum und hat Anrecht auf Mutter und Vater.
Dass das gemeinsame Sorgerecht heutzutage Standard ist, finde ich richtig und ich kann das Gericht verstehen. Aber ich möchte dich nicht mit meiner Meinung verärgern. Versuche mal einen Perspektivenwechsel, vielleicht hilft dir das.
Alles Gute

sterndli

Da mir nie zäme gsi sind, und er eh ah zeigt isch vo mir findis ned so toll... U zuedem, werd er ned 18 jahr da si für si, i luegs ja i sine auge au ah aber ja. Sie hets besser ohni ihn. S gricht wirds scho no gseh früher oder später

Clea

Ich meine nicht nur die Perspektive des Vaters, sondern auch die Perspektive des Kindes. Und nein, du scheinst mir diese Perspektiven nicht anzuschauen. Du bist sehr auf deine Meinung fokussiert, die verhärtet ist. Das Kind hat ein Recht auf den Vater und das Recht, dass du dabei nicht im Weg stehst. Ob sich daraus eine gute Vater-Tochter-Beziehung entwickeln wird, kannst du zum heutigen Zeitpunkt nicht beurteilen. Wie du selbst schreibst, ist das Kind noch nicht mal zwei Monate alt. Du kannst also noch nicht wirklich beurteilen, wie er sich gegenüber dem Kind verhalten wird. Er und das Kind haben eine Chance verdient.

sterndli

Ich stehe ihr nicht im weg. Ich weiss was er gesagt hat. Und das wird kommen. Mir ist es nicht egal das er irgendwie wann mit ihr alleine ist. Er wurde bei meinem Sohn schon handgreiflich, aber es geht nicht um das. Wünsche dir eine schöne, Sommerzeit🍀🐞🍀🐞

Pinny

Ohh @sterndli ich wünsch dir ganz viel chraft und hoff das alles guet chunnt 🍀🍀🍀

Trotzdem tueni teils de @Clea zuestimme...min fründ het üsi twins au nöd wele...er het sehr lang brucht...er het etz zwar nie was vo abhaue gseit - da er ohni mich ufgschmisse wär (us sinre sicht 🤣)...aber er het mir halt klar z verstoh geh jnd au zeiget dasi ihm quasi s lebe versaue...das er halt scho am endi seg und das obwohl er erst 21 seg (damals) etz sind d kind fast 2 und er bald 24gi...🙈😍und er het en mega entwicklig gmacht...er het öppe 15mönet brucht...bis er öpis mit de chind het chönne ahhfoh...also das bäbele und wickle etc, het ihm nöd zuegseit: het bi ihm stress, ärger, wuet, frust usglöst...aber etz wos grösser sind...laufet, brabblet und interagieret...da chöntsch meine er hegs sich gwünscht - er gits amel fast nüm her 😊...vl brucht de vater vo dim chind au eifach ziit und vl plagt ihn au no öpis anderes (mine het so sini psychische problemli gha...zuedem au aggressionsproblem mit gwalt - da gohni mal nöd wiiter druf ihh)

Zudem chani dir sege...mengmal bruuchets au sehr sehr lang - min fründ zb. Isch ohni vater ufgwachse - obwohl er au s rect gha het ihn z gseh...erst etz...wo er 20gi worde isch (also vor 4 jahr)...het sich es interesse entwicklet siitens sines vaters...und sie hend etz fast es besseres verhältnis wie er mit de muetter...und da möchti dir eifach as herz lege😘ich weiss du meinschs nur guet für dini tochter...aber es cha au hine usegoh - wie zb bi mim fründ (sini muetter het sich au gege s gemeinsame sorgerecht gwehrt - sie het au gueti gründ gha : er hets verprüglet im vollsuff)...und denn het sichs so entwicklet das sie versuecht het alles z verstecke was vorgfalle isch damits ihn nöd belastet das sin vater so isch...und denn immer wenn sin vater mal cho iscj, denn het sin vater immer über sini muetter abeghaue und sini muetter denn über de vater...so das etz min fründ sim vater meh glaube schenkt als sinre muetter wo ihn all die jahr ufzoge het

Snuggles

Oh gott macht mer grad chli angst bin wohl bald inere ähnliche situation und stille ha ebe gmeint denn chömeds d vatere nur für paar stund über.will mini chli nöd über nacht oder de ganz tag ihm müse abgeh und nur wege dem abstille.stille isch für euis öpis mega wichtigs😣😫

Shira

@Jessi❤;️A-S❤️, bitte ned grad panik schiebe das chond uf de Richter drufah. Wie öberall gits senigi ond senigi. Dänke wenn mer metemne Ahwalt chond, den het mer generell die bessere Chance will die wössed wie sie genau müänd agiere. Aber bitte ziehs dore.

Zo der @sterndli, befürchte das grad da mit em stille s problem gsi esch dasd ohni ahwalt cho bisch. Den händs s Gfühl müänds die arme Vätere wo jo emmer nor de neger usere scheidig ziend unterstötze ond lueged gar nöm ufs wesentliche will die ih all denne johre en huufe müättere gha händ wo de vätere us em grond xy händ welle schade. Ussage interessiert die ned do muemer mit schreftliche bewies chönä cho oderven Ahwalt wo weiss wie mers mue machä.
Ih wönsche der vel Glöck ond dorehebe ih dere schwere kampfziiz.

För die andere, sie het nie gschrebe das sie ned well das er s Chind ned daf gseh nor das er i dr aktuelle Situation, verhalte ond ussage keis teilts sorgerächt sell döffe ha will sie fest angscht het das im Chind was passiert will das au scho vorcho esch. Do verstohni se voll und ganz und wördi au wie en furie alles versueche ond wenni mis letschte hämp deför müästi geh.

Es esch toll wenn anderi positivi erfahrige gmacht händ. Min ex esch ned gwalttätig oder en süfer gsi. Aber hätti damals gwösst wasi höt weiss hätti damals en jop ond wohnig etc imne andere Land organisiert. Er het d Chind gnoh ja, aber nor will will zum eine ich gseit ha wenn er d Chind ned welgi neh ich deför sorgi daser meh allimänte müäsi zahle ond zom andere s Gricht gseit het er mue se all zwei Woche neh ond het all johr 2Woche Ferie ahrächt. D Weekend het er gnoh, sehr oft verschobe will er grad was au immer nid het chönä ferie ih denne fast 18Johr eimol (het jo ned weg müässe metne), het en neui partnerin gfonde, die het em d chind de heim verbote also escher ah de weekends vo herberge zo herberge gange etc etc ond vo de Allimänte ergendwänn nömä zahle fangi gar nid erscht ah. Ich bereus höt zu tiefscht hani drom kämpft das d chind en chönd känne lehre ond eri eigeni meinig bilde. S einte chind hätti nie so problem wies jetzt het.

Snuggles

Ebe genau das machtmer angst, chan mer bim beste wille kein awalt leischte🤦🏻‍♀️ aber weiss zum öpis erreiche brucht mer eine. Ohjemine so trurig dases das so hüfig git die Problem mit dene Vätere eimal wends eimal nöd und schlussendlich tüends als wäred sie die arme wo drunder liedet aber was isch mitem chind😓

sterndli

Dankeschön🥰 @shira oje au ned so toll be dir. Us dene manne wird mer ned schlau.

Ja next Termin gangi met em Anwalt cha jo ned si.

@Jessi unentgeltliche Rechtspflege chash mache, machi au, soscht chönti au ne

Snuggles

Achso super danke viel mal für de tip, denn informier ich mich det mal

Shira

@Jessi❤;️A-S❤️, genau suechsch dr ein zwei us und fragsch ebs au dor die unentgeltlichi Rächtspfleg verträtte. Denn jede het es ahrächt uf en Ahwalt.
Wönsche eu vel Erfolg ond verlüred de muet nie.

hermine

Sorry aber das ish typisch Gericht ide Schwiiz. Es muss Immer erst epper sterbe bevors handlet. Eifach zum kotze

sterndli

@shira Dankeschön 🥰🍀🐞schöne Sunntig na

@hermine ja genau so isch es😤 au dir e schöne Sunntig 🐞🍀🥰