Familienbett

sunny83

Min Sohn werd gli 3 johr alt ond mir hend ihn weder zo üs is zimmer gno. Är esch scho ziitli wiis i sim Zimmer gschlofe aber esch fast jedi nacht zo üs äne cho. Ich finde es Familiebett öpis schöns mi maa öbrigens ou. Jetzt moss ech mir immer weder vo bekannte alose: dä werd immer be üch schlofe ehr mönd ehn i sis Zimmer tue und bla bla bla...was meinid ehr so öbers Familiebett?

natalie

Für mich wärs nüt, aber es isch doch so öpis privats, das het gar niemert z’verurteile. Wenns für eu stimmt denn macheder s richtige

Sandra💕

Lo d lüt rede... unsere sohn döf immer cho. Är isch 3.5. ich sag immer, das isch nur e begränzti zyt so. Irgendwenn truur ich däm noche, dass är das nüm will. So mache wies für euch stimmt, nid was für die andere stimmt.😎

fuchs

Solang alli guet schlofe chöne esch doch das egal😂 mer hend au keis familiebett well mer so alli am beste schlafe. Ich würdi aber sehr gern met mim bueb er nacht kuschle🙈 und er esch erst 8 mönet

Juli88

Also ich kenn kein 18 Jährige wo immer no im Familiebett bi sine Eltere schlaft... nur so vo wäge: "dä werd immer be üch schlofe" 😂Lass die doch rede... es muess för euch und vorallem förs Chind stimme!

nanu14

Mir hend eis und findes super. Irgendwenn chömeds denn selber und wend nüme 🤷🏼‍♀️

Romiina

Mer liebet üses Familiebett, D Chind sind 3 und 1. Mer schlofid alli besser, sie chönd so lang blibe wies wänd

ReSa

mir händ au s‘familiebett und sind au die einzige im fründeskreis. i seg immer, dass all chind selbständig wönd werde und sind denn au stolz uf sich. kind söllät die nöchi und sicherheit übercho wos bruchät. äs gönd jo soo viel chind zmitzt ide nacht zu de eltere. mir händ de underbruch nöd und schlofät super. sie hät ihres bett direkt a üsem.