Wie bringt ihr euer Baby ins Bett ?

Maryon

Hallo zusammen
Mich würde interessieren, wie ihr eure kleinen Neugeborenen ins Bettchen legt? Trägt ihr es herum bis es einschläft oder was habt ihr für Techniken ? Unsere Klaine ist 2 Monate alt und wir sind immer neben ihr im Bett und Sie im Beistellbett. Wir tragen sie nicht mehr gross herum sondern legen sie ins Beistellbetr und sind bei ihr bi Sie einschläft. Wir streicheln sanft und halten die Hand am oberbauch und das klappt bei ihr wunderbar.

Bin gespannt......😊

schaai

bi üs ähnlich..leges sie wenn sie müed isch meist um die 21 uhr is bistellbett..de nuggi derf nöd fehle..ich sing ihre meistens no immer sgliche lied vor..denn hani no so e liechterletti montiert und die liebt sie zum aluege

Maryon

Und vorani isch sie im wohnzimmer ? Bi üs hat sie momentan immer de letschd schoppe gag die 18.30.19.30.....pfuset aber de meist bis am ca 02.00 02.30h dure....wär besser wers erst 9ii oder 10ni am abig aber da chemer ja leider mitm shoppe ned beeiflusse...ich chan ihre ja schlecht nachhr na einish vorem bett gah en shoppe geh...wenn sie ihri mengi schu gha het i 24h🤔😊

schaai

jo..sie liet recht viel underem spieltrapez, im dondolo oder näbed üs ufem sofa..

Tessi

Mine isch i dem Alter immer ade Bruscht igschlafe 🥰

Sunshinemom

Ig ha über nes Jahr ischlafgstillt.@Maryon chasch probiere ihre im Schlaf bevor du i ds Bett geisch nomau e Schoppe z gä, ig ha das mit Stille es zitly lang gmacht und es het funktioniert.

Maryon

@Sunshinemom mhhhh aber het angst dassi ned z viel het süs...sie trinkt süs emmer 150ml usem shoppe und isch e reflux baby 🤔 ? Meinsch s gaht...i finds ebe au schad für us uf de eint site dass sie mangisch schu am 18.30h de letschdi shoppe het anstell vu ca 21.00h 22.00h de wers au für us zum schlofe eifacher...aber denke dass chani ja ned beeiflusse

Sunshinemom

@Maryon ig würdis eifach mau probiere, wenn si nid wott trinkt si sowieso nid. Wenn si am morge am 1 würd erwache würdisch ihre ja ou gä.

LoSo

Mir (8mnt) dünd ischlafstille und si pfused di ganz Nacht neb mir. So muss ech ned ufstah wen si Hunger/durst het. 💞

Maryon

@Sunshinemom ja und wenn sie drane zieht und viel het....de het sie wie en shoppe meh...ha de u respekt vorem koetzle...de müssti sie aber praktisch wecke..geg die 10ni wemme is bettli goend

....guet die nacht iach gad super...hat am 21.10h würkli na eine gha aber vu sich üs so spat und ich jetzt am 04.10h cho nach 7h 😃😃 aber de rhitmus het sie ebe ned so meistens halt dasi ebe am 6i 7ni fertig iah mitm letschde vu sich us.....

frauhirsch

@Maryon Euse Chli isch au es Refluxbaby gsi & mit Schoppe ufgwachse. Mer hend em amel de letscht Schoppe öppe am 22:00/23:00 geh und de ischer de ide Nacht nomol cho. Es isch de immer früehner worde bis er de quasi duregschlofe het vom 22:00/23:00 bis 5:00/6:00.

Ech wür ihre probiere de Schoppe „zuesätzlich“ abüte, au wennd de es paar Täg dTagesmängi überschrittisch (wenns ned über Wuchene eso isch, ischs ned so tragisch). Du wirsch de merke, dass sich das ipendlet unds de unter em Strich schnell wieder ufgaht 😊

Sandra💕

@Maryon und wenn nur e chleine schoppe machsch?

Bi uns isch es meischtens so, dass dr chli uf em arm oder sofa ischloft nach em stille - zyt isch immer unterschiedlich. Wenni ins bett gang, denn nimm en mit. Är schloft näbe mir drmit i grad cha stille, wenn är hunger het.

Maryon

Ja ich denke ich probiers mal e so...mitm zuesätzlich abuete...bini gspannt ob das so gaht 😊🌸😁 aso gest abig het..sie 20.35 h de letschd gha und isch am 02.10h wieder cho und de namal 5.30h ...probiers so am 22.00h 23.00h azbuete....au wenni sie müsst wecke halt......☺