Sohn 19 Mönet

Bicoli

Mi sohn 19. mönet het bir 1,5 jahres kontroue keni förmli i di richtegi form da. Er chas ou no nid. Jetzt müesse mir imne monet nomau ga.

Muessi mir jetzt sorge mache? Spricht das jetzt scho fürne lernschwächi oder so? Er het drum ä gendefekt u drum luegi so gnau härä.

Aber bis jetzt hets nie grund zur sorge gä. I danke euch

LoSo

pfffr sorry aber ech het glaub d nachkontrolle abxeid 🙈 wenn sush natürli alles i.o esch.
Jedes chind entwicklet sich anders und ech find die tests so öppis vo NED ussagechräftig 🤷🏽‍♀️

Bicoli

Danke! Mir hei es schlimms erschts jahr hinger üs u es isch aues bis jetzt totau unbegründet gsi... es närvt mi aube so.

Mary Lou

Äs entwicklä sich doch nid alli Chind gliich, di eintä si motorisch wiiter u di anderä villicht ir Sprachentwicklig.
Villicht interessierä diä Förmli di Sohn eifach no nid würklich. Muesch luegä uf ds mal machts „zack“ u när chaners uf ds mal!
Du achtisch di ja uf sini Entwicklig, du wirsch sicher merkä we är zfescht hinädrii wär.

livjona

vorallen 1 monet dezwösche wär vel zwenig distanz, es ged wörkli chind die hend stärkene und fortschritt ganz noimed anders als nach „plan“.

mer hend es chind met geburtsgebrechen, wiemmer so schön seit. sind nach de geburt uf de NEO gsi und drum die erste zwoi jahr no under bsundere beobachtig vom spital gstande. är hed vel tests ned met bravour bestande ond esch jetzt met 4.5 jahr genau so en stinkfreche bueb wie anderi 😂 är hed met allem emmer länger gha, hed nüd getraut, hed ufgabe nie uf abruef chönne mache.... üse chinderarzt hed zom glöck nie stress gmacht, hed eifach gmeint är dägs notiere ond denn luegemer denn wiiter. nach emne halbe jahr heds amigs scho ganz anders weder usgseh.