Ambulante Geburt

Märzli

Hat schon jemand ambulant geboren und würde es wieder machen?

Bin’s mir am überleggen...

Copamai

Ech ha ambulant im Spital gebore ond be 4 Stond noch de Gebort förs Wochebett is Gebortshuus gange. För üs esches super gsi so, ech wörds weder mache.

Märzli

Mine gedanke wär äbe noch de gebort ganz hei

Evi

I ha ambulant gebore uns für mich würd nüt anders en Frag cho. Esch tip top gange

Flumbra

Ich han mis 2. Chind ambulant gebore. Ich bin 6h nach de Geburt wieder Hei und am Abig isch mini Hebi scho verbii cho. Han mich bim 2. Mal gnueg sicher gfühlt und han d‘Ruhe dihei sehr gnosse. S‘dritte isch dänn dihei uf d‘Welt cho ;-)

Sonnenblümchen

Ich hol das Thema wiedermal ufe. Gits i de zwüscheziit na meh erfahrige?
Zu euis: euises 2. Chind chunt im Dezember. Mir wohnet direkt nebet em Spital. Ich überlegge mir dasmal ambulant z‘gebäre. Min Ma isch allerdings total dägege 🙈

SHAYENNE

Ha nöd ambulant gebore sodern e Huusgeburt gha. Da bini natürlich au grad dihei xi. Ich würs immer wieder mache. Wenni au dini Frage au chönti beantworte dörfsch mer au e PN mache.

minggi

Halli hallo. Ich han im April 21 gebore und planet isch gsi ambulant. Nach de geburt isch d plazenta nid cho, also in OP müesse. Drum den blibe. Denn 12h später het de chli müesse ufd Neo verleit werde wegeme Infekt. Ich bin also dankbar gsi bini nid dihei gsi und mä het gmerkt das was nid stimmt mim chline. Bim 2. Isch ambulant drum kei option meh, mind 1 nacht willi blibe....

Mamelo

Copamai schrieb: »

Ech ha ambulant im Spital gebore ond be 4 Stond noch de Gebort förs Wochebett is Gebortshuus gange. För üs esches super gsi so, ech wörds weder mache.

garned gwösst das me da cha. tönt mega!