Zahnarzt in der Schwangerschaft

Rizzitella

Ech han set höt Zahnweh 🦷 Eigentlech wördi gärn zom Zahnarzt goh weli scho länger s‘Gfühl han dassi es Loch oder öppis chöndi ha. Ech han aber soooo Angscht i de Schwangerschaft zom Zahnarzt z‘goh. Was meined ehr dezue? Hed öber Erfahrige?
Han soo Angscht 😳

Bella8

Ech ha au en zahn müesse zieh i de ssw mit rötgenbild. Mini tochter esch gsond ond munter! Bim röntgen hends ganz guet abdeckt ond d Medikament bim zieh sind ss verträglich gsi. Ech wörd unbedingt go zeige, es wird ned besser. Eifach de zahnarzt grad öber ss informieren... 🦷

Bella8

Ahh ech ha sogar no Antibiotika müesse näh. Das hani de aber no rasch mit mim FA besproche...

Caramel

Würd gah zeige und dum Zahni gat säge wägs der SS. Wen än Entzündig verwütisch isch es schlimmer für Baby, als wens gat behandlisch.

Rizzitella

Danke euch vel mol för d’Antworte.
Ech lüte demfall morn grad ah. Schwangerschaft chan de Zahnarzt ned öberseh weli en grosse Buuch han. Be i de Woche 26

blüemli89

Am beschde geitmä im 2 Trimester ga flicke ! Ha ou müesse si chöi Dir ä sprützä machä wod ir ss darfsch ohni Adrenalin het bi mir jedoch nüt gnützt und Iz Hani afa äs provisorium bis nach dr ss 😬würds uf jede fall ga zeige!

Rizzitella

Ech chan erscht am 10. September goh 😔😳🙈

Maryon

Es isch sogar fuer d schwangeri empfohle i de schwangerschaft 1 bis 2 mal zum zahnarzt z gah und e zahnreinigung z machä! Kei ultraschallbilder aber zahreinigung ja und anders.

Rizzitella

@Maryon Das hani gar ned gwösst dases empfohle werd dasmer i de Schwangerschaft zom Zahnarzt god. Be aber froh wenni chan goh.

Maryon

@Rizzitella. Mol mol da isch würkli so. Ich bi ebe glaub 2 x sinds gsi gange und bi froh gsi hani da gmacht. Da staht zb folgendes während SSW

Damit Sie auch weiterhin bedenkenlos lächeln und dabei Ihre gesunden Zähne zeigen können, sollten Sie gerade in der Schwangerschaft auf gute Zahnpflege achten.

Durch den Einfluss der Hormone wird das Zahnfleisch während der Schwangerschaft stärker durchblutet und die Gefäße können anschwellen. Dadurch kann es öfter mal zu Zahnfleischbluten kommen, da diese Mundpartie schon auf kleinste Berührungen empfindlich reagiert.

Rizzitella

Ech be höt bim Zahnarzt gsi, leider muessi en Worzelbehandlig no i de Schwangerschaft mache 😔😢 Ech wo sooo Angscht han 😔

Rizzitella

Hed scho mol i de Schwangerschaft öber müesse öppis loh mache bim Zahnarzt?

Bella8

Ech ha muesse en zahn zieh. Be dete om die 20ssw gsi... Alles guet gange ond esch keis problem gsi...

Sova

i han müassa im ersta trimester (weiss nüma gnau in wellara wucha) a wurzelbehandlig macha 😬

Rizzitella

@Sova Wie esches gange? Keis Problem gsi?

Sova

isch alles guat ganga. er hed gwüsst dasi schwanger bin und hed denn a andari betäubig gmacht. han kei problem ka.