Früchtebrei.... gits alternative?

IroL

Mini Tochter isch 5 monet alt und verweigeret dr früchtebrei am nomittag.

Öpfel, bira, aprikosa, banana, pfirsich, melona.... sie verweigeret alles.

Kennt das öpert? Und was hend iar gmacht?

Zmittag isst sie super!!!

Tanja87

Also allg Früchtebrei oder au anderi Nomittag Brei?

Blüemli7

Ist sie denn zum Zmittag scho Gmüesbrei?
Velech esches eifach no früe. Nochli meh mit Gmües witerfahre, au no e zweiti Malzit mit Gmües?
Oder Gmües und Frücht mische?
Immer gaaanz süessi Frücht ge?
Es brucht eifach Zit. Sesch mega ungwohnt für sie.

IroL

Jo am Mittag isst sie super gmüas, fleisch, fisch, pasta.
@Tanja87 was sind den anderi Nomittag Brei? I han halt eba nur mit frücht probiart!

Tanja87

Hmm gid scho no anders aber weiss ned ob sie mit 5 Monet no chli z chli isch weg de entwicklig vom Darm🤔

Mini isch etzt 6 Monet und ich Han grad s andere Problem das sie mier ebe nur Früchtebrei isst😉

crazymum

Ich ha im kleine am nomi e griesbrei geh und ha denn stück für stück jede tag kli mehr frücht drunder gmischt.
Aber dini kleini isch demfall scho sehr flissig am ässe.
Mine streubt sich gege brei nur wenigi gmüessbrei woner akzeptiert und mitlerwiele früchtebrei
Er wot normal ässe het aber no keini zähn.

LoSo

crazymum
denn gib doch normals ässä wenns verlangt wird?
Mini het di erschde zähn ersch nach jöhrig becho het aber ab 8mnt vom Tisch gässä ohni Problem 🤷🏽‍♀️

Bella8

Esch be eus wie bi de LoSo gsi. Hed au mit 8mt vom tisch gässe ohni zäh ond nome sehr selte en brei... sie wachst ond gedeiht wonderbar! 😉

crazymum

Isch bi ihm nit so eifach er isch en kleine esslegasteniker 😂 er isch zwar 9 monat alt aber 3 monat zfrühe ko und am darm operiert worde 2 mol er het scho drei monat brucht biser schoppe drinke het könne er het die ersti ziit nur über e Sonde milch griegt. Mit sim darm müemer vorsichtig si was dernährig a goht

crazymum

Bi minere tochter het das super klappt si het mit 5 monat gfunde si will jetzt mit uns spinatpizza esse denn hemer ihre bits geh und das het klappt
Aber mi sohnemann hets mitem esse eifach nit so 😂
Aber wies mit allem isch was kinder abelangt immer wieder probiere und nit verzwiefle es kunnt denn irgendwenn scho

Saco87

Probier mol Avocado. Schmöckt dezent, isch cremig und het viel gsunds Fett 😊

crazymum

@saco87 interessanti idee muessi echt mol probiere obwohl es goht vo tag zu tag chlei besser mitem esse

Saco87

Avocado chasch imfal au guet mische mit Frücht und Gmües, es passt zu allem da es ebe so neutral isch 😊

corina

Acocado mit mango isch super, mine häts gliebt😋