Am Boden zerstört!

livjona · 5. 09. 2019, 20:21

jesses ou nei.... ach das dörf eifach ned wahr si 😔 es duet mer so leid dass ehr so vel mönd dörestah ond so vel negativs mönd verchrafte. weiss gar nömme was schriebe - ech drück dech unbekannterwiis ond wönsche der ond dinere familie alles gueti 💛

Mamsi · 6. 09. 2019, 07:04

Das tuet mir unendlich leid😢, es git für so öppis wahrschindli nöd die richtige Wort, ich chan nur säge das ich Dir ganz vil Chraft wünsche und alles gueti für eui... schicksal isch mängisch sehr eisitig...

stärn · 6. 09. 2019, 15:52

Liebi jenny21 ech wönsch der ganz föu chraft. Ech ha ou scho es wendei gha ond bes noch merere woch tablette schlöcke go use nä. Ech be ou rächt am bode gsi ond eis dorenand met de gfühl hani gha. Mer persöndlech hed mönchspfäffer ond frouemänteli urtinktur weder chli chönne balance i mini chaotischi hormonwäut ie brenge. Ha s gfühl gha es hed mi weder chli chönne uf boue. Heb der sorg ond fühl di dröckt ou wemmer eus ned könnid. 🍀

Claudia_yali · 6. 09. 2019, 17:45

Es tuet mer soooo leid das alles zlese 🥺
Aber jetzt muessi glich mol froge; wie wiit bisch jetzt? Und wieso hät din fa dir niä was geh zum d‘ss z‘understütze und probiere z‘erhalte?
I ha kei erfahrig, aber i ha scho so viel mol glese, dass mer denn doch no was gseh hät und alles guet cho isch. Mängmol bruchts eifach chli länger. I wöt der kei falschi hoffnige mache, aber bitte überstürz uf kein fall irgendöpis 💕 und wenns würkli wieder ned klappet hät, würdi au mol ine kiwuklinik oder sicher mol de fa wechsle.
wünsch der alles erdenklich gueti 🍀💕

jenny21 · 7. 09. 2019, 06:35

Merci vieu vieu mau für eui worte!
Es tuet so guet! O we ig euch aui nid persönlech kenne isch es doch für mi äs sehr grossi psychischi huif eui paar ziele dsläse!!!!@Claudia_yali we me vo mire letzte mens us geit wär ig itz ir 9/10 woche aber da me dfruchtblase später gseh het, het mi frauearzt gmeint dass sich mi Eisprung wahrscheinlich verschobe heig und ig gar nid sowit sig wie agno, vo ihm usgseh sig ig erst ir 7 / 8 woche!
Mini beidi fruchtblase si gester 12mm gsi und er meint bi dere grössi müesst me eifach öpis dinne gseh... er hat lang gsuecht für sich sicher dsi und het definitiv bi beidne eifach nüt gfunge!!!😥Ig fühle mi so schwanger aber ig verliere dhoffnig!
Er het gmeint dass säubst we mir plötzlech nächst woche öpis würde dinne gseh... würd das nid überlebe dass es nid richtig entwicklet wär!
Ig würds so oder so verliere!
Dass sich eis baby vielleicht nid so entwicklet, ok.... aber wievieu pech muess ig ha dass sich usgrechnet beidi babys nid entwickle?
Söues eifach nid si???
Mi partner isch bi miner erste 2 ching absolut der papi worde! O we er se ja nid zügt het! Er liebt se wie siner eigete und mini ching liebe ihn über alles aber momentan ischs mega schwierig!
Ha angst dass itz o die beziehig dra chönnt zerbreche!
Er isch sehr verständnisvoll aber mir hei gliech beidi dermit dskämpfe!
Er wott unbedingt dsmingst eis eigets ching!
Mit mir klappets irgendwie nid.... was isch we mir dass gmeinsam nid schaffe?!
Ig weiss im moment echt nüme wo mir der chopf steit!

stärn · 7. 09. 2019, 07:12

@jenny21ech cha di guet verstoh. Mer fühlt sech vom päch verfollgt. Probiers mou us metem frouemänteli urtinktur, ech schwöre druf ond gloube das es höuft. Aber s wechtigschte verlühr d hoffnig ned ond s vertroue zo der ned. Was dini beziig a god schiint dine partner en liebe zii, redid metenand ou öber d gfühl. Mine maa ond ech hend lang ond emmer weder gret. (Vellecht ou öbber osserstehends hole wod chasch rede) ech cha mer ned vorstelle das er dech verlod wäge dem. Är liebt dech ond dini chend jo. Besch du jetz emmer bim gliche arzt gsi? Heb der sorg ond heb vertroue (esch ned eifach noch dem was du aues dore gmacht hesch) ech wönsche der vo härze vöu chraft.

kläffchen · 7. 09. 2019, 07:31

@jenny21 das tut mir sehr Leid zu lesen. Aber vielleicht wäre nun die Zeit gekommen mehr Abklärungen zu treffen. Nach meiner 5. FG hatte man mittlerweile nur die Hormone überprüft (die gut waren). Die genetische Untersuchung zeigte aber, dass bei mir einen Chromosomendefekt vorliegt, meine FA hat sich natürlich drauf gestürzt und meinte mein FG Risiko sei 50% und es sei alles nur Pech. Der Genetiker revidierte dieses Urteil, weil die Chance, dass etwas nicht gut zueinander findet nur bei 5-15% liegt (bei normalen Paaren bei 5%). Er meinte es müsse andere Gründe geben, vor allem da wir einen Embryo untersuchen lassen haben und der genetisch einen normalen Satz hatte. Ich las dann selbst mögliche Ursachen durch und ging zu einer Rheumatologin (weil ich immer mehr Gelenkschmerzen hatte). Sie zog mich sofort vor und sagte, dass mehrere Aborte nacheinander absolut typisch seien für Rheuma. Tatsächlich wurde es in einer alten Blutprobe gefunden. Sie vermutete zusätzlich noch APS (Blutgerinnungsstörung). Ich bekam Rheumamedikamente und nahm ab positivem Schwangerschaftstest Aspirin Cardio und Fragmin. Zusätzlich Utrogestan in den ersten 3 Monaten. Und es klappte, Schwangerschaft Nr. 6 & Nr. 7 sind meine beiden Kinder.

Tanja87 · 7. 09. 2019, 12:27

Kenne dini Situation vonere Kollegin. Es tut mer so leid für üch😥

Hesch denn au scho versuchecht eifach kognitiv dier de Druck z näh vom unbedingt welle schwanger werde? Kollegin hed alles mögliche probiert, nüt hed klappet... Denn hends würkli das Thema Schwangerschaft chli in Hindergrund la rücke und denn 3 Monet spöter heds klappet...
Wünsche üch alles Gueti 🌺💜💜

corina · 7. 09. 2019, 20:16

Das tuet mer mega leid😔 ich wünsche eu dass es no klappet✊️ ich würd wie die andere scho gschriebe händ ine kinderwunschklinik gha und au die andere faktore abkläre gah, evtl würd en bluetverdünner wie aspirin und fragmin scho hälfe und au frauenantel urtinktur isch sicher empfelenswert✊️ für d zuekunft alles gueti✊️🍀

corina · 11. 09. 2019, 17:53

Wie gahts dir? Gits doch no positivs?

jenny21 · 11. 09. 2019, 18:02

Hallo! Nei leider nid! Ig ha hüt termin ga! Beidi fruchtblase si gwachse aber es isch endgültig bi beidne nüt dinne!😔Sött ke blüetig itreffe wirde ig am 25gste operiert!
Ig fasses eifach nid!
Mi arzt wird mi när dsbern bire kiwu amelde!