Weles schoppe Pulver empfhelid ihr?

Tanja87

Hoi Mamis,
Mini chli isch etzt chli meh als 6 Monet und isch bis etzt voll gestillt worde (isst sid 1 Monet auch Brei, aber nur Süesskartoffel und Öpfel mit Hirsepulver). Sie isch eher wählerisch was s Esse betrifft. Ich ha festgestellt das sie ide letste Ziit sehr schlächt schlaft und zum Teil all 1,5 bis 2 Std ide Nacht Chund zum trinke. Han de versuchecht ihre en pumpi Schoppe ufd Nacht z ghäh... Nur sie trinkt de ned🤔
Ha bis etzt aptamil pre und Bimbosan probiert, sie verweigeret beidi😔 mine Maa hed au kei Erfolg und Wasser usem Schoppe trinkt sie... Also sie heds eifach ned gern😞😔
Chönd ihr mier vlt irgendwie wiiter helfe?
Ich gah etzt hüt no id Apothek go Frage wege Müsterli zum teste was sie Chönnt gern ha...

LoSo

Eifach zur Info: Shoppe gä heisst ned das si weniger chund znachd! Bi eus hets gar nüt gnüzt, es esch im gegteil schlimmer und stränger worde will si so buchweh gha het 🙈

Was isch wenn abpumpsch und d Milch so gesch?

Mini isch jez 9mnt und verweigeret au alles. En Tipp han der leider ned..🤷🏽‍♀️🙈🤭Ech han ufgä, resp. akzeptiert das si nur d Brust nimmt.

LoSo

LoSo schrieb: »

Bi eus hets gar nüt gnüzt, es esch im gegteil schlimmer und stränger worde will si so buchweh gha het 🙈

bi de grosse esch das xi. Die chli verweigeret alles. Sogar de Nuggi.

Tanja87

Ich Han für 50 ml Milch zum abpumpe 45 Minute...

Ja spötistens wenni am Schaffe bin wird sie wenn sie gnueg hunger hed brei und schoppe näh😉

Tanja87

De Nuggis nimmt sie au ersch sid sie 2,5 Monet isch😉

Tanja87

*Nuggi

LoSo

Tanja87 schrieb: »

spötistens wenni am Schaffe bin wird sie wenn sie gnueg hunger hed brei und schoppe näh😉

git au chind die fastet bes s Mami wider hei chund. Hesch scho mal probiert im Becher z gä? denn nimmts eusi 🙈

Tanja87

Wasser trinkt sie wie gseid tiptop abem Schoppefläschli... Sobald ich aber en Schoppe zue bereite und mier ihre de wend gäh nimmt sie nüt🤦‍♀️ Aso suugt einisch merkt es isch ned Wasser, lahds use und rümpft s Näsi🤷‍♀️

stärn

Hesch mou probiert en dönne schoppe zmache? Aso meh wasser aus pouver. Mer hend s bimbosan gha ond ech be vou zfrede gsi. Ufd nacht hemmer em eifach e grössere schoppe gmacht de heder dore gschlofe. Ond jetz gämmer em am obe e chuemöuch schoppe ond 4löffe bimbosan good night. Dore tag us drenkt er wasser oder tee. Bi eus höuft ou de rütmuss. Euse hed scho früe vom tesch gässe ond sobaud är gseh hed was mer ufem täller hed heder de brei nömme wöue. Gebem am morge zmorge, am mettag esster met eus zmettag, denne zvieri esster es natür joghurt met met haferflöckli ond ech due fröcht dri ond bim znacht weder vom desch. De. Om die 8i/9i de schoppe ond ab is bett. Euse esch aber scho 8mönet aber so met 6mönet hemmer das so a gfange.

stärn

Mer hend das ou gha met ide nacht au 1,5-2h cho. (Ech weiss zwar ned öbi das do daf schriebe) mer hend ne kontroliert lo brüele. Das heisst. Mer hend ne no bi eus ond de escher weder mou cho, de hani em de noggi gä ond sis lieblings tierli ond de öbere chopf gstreichlet ond „scht scht scht“ gmacht ond gseid smami esch do esch aues guet. Das esch ca. 10min gange de heder weder gschlofe. (Dkolleginne hend lennger gha) set do esch guet. Mer merked de ou schmöu öb er werkli dorscht hed oder eifach chli möged. Är brüeled de anderscht.

Tanja87

Sie brüelet ebe ned. Sie wett eifach trinke🤔 es hed etzt chli besseret da. Sich wahrschinli mini Milch umgestellt hed. Aber sie chund mindestens 2 mal ide Nacht. Letst Nacht isch sie mal wieder 3 Stund wach gsii🤷‍♀️ aber sie isch de zfriede, spielt mit ihrne Händli, de Nuscheli oder em Nuggi☺️
Aber Pumi nimmt sie immer noni😉
Gibere etzt am Abig en Getreide rein wo chli meh sättigt aber de isst sie au ned immer🤷‍♀️

💞Moni💞

Mini het bi bimbosan u aptamil o nume d nase gfümpft. Hipp isch chli besser gange, aber uhre absolute favorit isch beba. Bi ke fan dervo, aber ha ja ke angeri wau aus ihre das z gä, wo si gärn het😉

schaai

hey mädels..min partner het letscht nacht die chli mit bimbosan gschöppelet sie hets aber nöd gno..mir hend mol mit ca. 6 wuche scho ge und döt het sies guet trunke..cham das sie dass sies nüm gern het? selli mol es anders versueche..welles? i hoff es lit nöd komplett am schoppe..münd ez denn nomol mit mumi versueche..nächst wuche gangi wieder go schaffe denn setts funktioniere..

Tanja87

@schaai ich ha das Problem we beschriebe immerno. Sie nimmt mer weder abpumpti Mumi no Pumi usem Schoppe. Nur Wasser😒🤷‍♀️

schaai

@Tanja87 aso es ligt definitiv am schoppe nöd ade pumi..toll!! hüt inre wuche fangi a schaffe..bis ez hets immer funktioniert..

Tanja87

Ja bi üsere chani ned säge🤷‍♀️ hesch denn ned d Möglichkeit z stille wehrend em schaffe? Ich chan ebe hei gah und sie go stille. Aber hüt Morge hed sie s erste mal ohni Stille dureghebet eifach mitem Brei👍

schaai

@Tanja87 mol scho..sie chöntets mir bringe..aber i schaffe im spitol und chan nöd eifach so mol uf knopfdruck e pause mache..
und i 2 wuche gangi mit mine mädels uf tübinge 2 nächt..🙈

Tanja87

@schaai hmm🤔 ich schaff au ide Pfleg. Guet Spitex chamer chli besser plane😉
Ich hoffe sehr für dich das es bis I 2 Wuche klappt 😁

Saco87

@schaai versuechs mol im Becher zgä dMuetermilch. Oder mitere Sprütze. Das macht mä eigentlich scho bi Neugeborene damits
dur dä Schoppä kei Suugverwirrig überchömet. Viellicht goht jo das 😊

schaai

jo i find das mitm bechere u schwierig..sie tscheggt das nöd so..hends 2x erfolglos probiert..

Saco87

Und Sprütze? 🙄

💞Mommy💞

@schaai ha da problem ou gha am afang.. probier mol de shoppe vo „Lansinoh“ ha alles probiert gha und denn die Marke entdeckt..und denne het si mer de ou dmam shoppe gnoh..😊

schaai

@Saco87 müsst probiere
@Mommy aber ebe bis ez het sie de mam immer gno..🤔

hermine

Hipp findi s beste und Bimbosa s schlechteste.
Ish aber nume mini Erfahrig🤗

Mangoo

Mir hend s beba bio gha und nie buchweh gha😅

stärn

Ech fend s bimbosan super, ou wöus es schwizer produkt esch. Hed scho öbber ufghört met pouver gä? Wenn jo, ab wenn?

JennyHelin

Mir hei zerscht Hipp gha ... das hät verstopfige geh ..
Jetzt hämmer Milupa Milumil ... isch günschtig und mini vertreits megga guet ... jedoch isch mer ufgfalle das Migros die usem Sortiment gnoh händ 🤔 jetzt muessi luege ... Aptamil chunt ja vo der glich Firma aber die trinkt mini chli ned 🤔

hermine

@ Stern ich gib mim Sohn immer na Pulver. Er ish bald 17 Monet alt

Lorina

@stärn mir gäben üssere Tochter au immer no Pulver, obwohl si schu bald 2 Jörig isch.

stärn

Okay, danke för euchi info. 😃

Lena

@schaai, trinkt deine kleine wieder aus der flasche? wir haben im moment das gleiche problem😫ich hoffe du hast gut gestartet bei der arbeit!

lyamatra

@JennyHelin müller gitses au und coop eventuell bini aber nümä sicher