Vaterpflichte

Tanja87

Hoi mini liebe💮🌼
Ich ha mal en Frag a euch, wie würde ihr i dere Situation reagiere...

Ich fah negst Wuche wieder a schaffe. Ich schaffe denn 40% und bin als Krankeschwöster tätig. Schaffe 2 mal amne Samstig im Monet... Ich Han mine Maa vorgängig gfragt ob er irgendwas los hed (nebst dem mier en gemeinsame Kalender ide Kuchi und ufem Handy hend), zum denn Freiwunsch i z gäh. Er hed gseid nei er hed nüt usser was im Kalender staht.. Guet hani de Chefin so mini zwei Freiwünsch igeh, alles bestens...
Ein Wuche spöter hani durch die Blume erfahre dass er amne Samstig a sone Verastaltig gahd mit sine Kollege... Im September und ich schaffe denn natürlich... Er hed mer vo dem nüt gseid bis ich ihn drufagsproche Han vor paar Tage...
Wie würid ihr reagiere? Ich ha ihm gseid ich welli ned das öbber anders zu de chline luegt, da er genau scho länger gwüsst hed das sie dert wend go mitmache. (Er unternimmt susch scho immer Sache und ich stecke zrugg und blibe bi de Chind. Isch für mich au wichtiger als alles andere...)
Reagiert ich über oder ned? Ich ha ihm au scho gseid daser etzt Papi isch und ned immer und überall chan debii sii...
Hend ihr au so Situationen I euchem Alltag?
Liebi Grüess 🌼💮

Milchmädchen

Was het er denn gseit? Isch er bereit sin Männertrip absäga?

Tanja87

Er seid scho daser de halt ned gahd... Nur isch ebe sin Vater au debii (sind zeme im bowling club) und de seid das de s Grossi sell hüete... Aber mier gahds ums Prinzip.. Und vorallem drum das er sine Pflichte nah chund😁

jara

Ich weiss was du meinsch😁 genau das passiert bi eus au immer wider🙈 glaub ned dasers wird verstah.. er wird di warschiendli frage was so schlimm dra isch wenn s grosi hüetet🙈debi gahts da ja ums prinzip..

Tanja87

🤔🤔 Und wie reagiersch du i sertig Situatione?

schaai

ne do würdi en riegel schiebe..sus chömed so situatione immer wieder vor..wenn du nöd willsch dass öbert anderst hüetet muess er das akzeptiere..und v.a. het ers jo verpeilt..

jara

@schaai wenn er denn fragt was schlimm dra esch, wenn s grosi mal hüetet, was würdsch de säge?

@Tanja87 ja ich reg mich ame innerlich uf & ihm probier ichs normal z erkläre. Aber verbiete dueni ned, so wetti ned si. Aber ha ehm au scho müesse säge: hey du bisch ez vater, muesch vellech au mal neume absäge🤔😅

Tanja87

@schaai es isch ned so dasi net wott das Grossi hüetet. Wenns so abgmacht isch hani kes Problem demit... Aber nur will er wett furt gah, das mier ned seid, damit ich chan zude Chind luege und denn eifach seid ja de luegt sini Mam... Will ich denn am Schaffe bin.. Findi eifach denäbet...

@jara verbiete tueni ihm au nüt.. Find aber es sett Irgendwie glich e Konsequenz ha für ihn... Susch machters ja bim negste mal wieder gnau glich... Ruhig blibe tueni au, rede weissi ned we viel dases bringt🤷‍♀️ hani au mitem😁

Schlussendlich wird ich denn de Vollhonk und Spielverderber sii😥🤷‍♀️😔

kläffchen

Ich finde es nicht so schlimm, dass jemand anders hütet. Aber sicherlich soll der Vater nun den Hütedienst organisieren.

schaai

@Tanja87 jo ..wie kläffchen seit..er muess öbbert organisiere..und jo i verstohs wenns di aschisst dass er sgrossi frogt..

Sunshinemom

Isch es vilich so, das es di eifach närvt, dass du uf viles verzichtisch wäge de Chind und är e Lösig gfunde het zum trotzdä chönne zmache was är möcht?

LoSo

Aso wenn ich schaffe muss ER eifach de Chind luege. Wenn er öpis los het den, muss ER organisiere. Denn fendis ok.
Was gar ned gaht für mich, wenn er mir das ned seid. Ich find so Sache mussme zämä aluege und bespreche.

Tanja87

Ich er warte vo ihm dasi mich uf ihn cha Verlah. Es isch abgmacht das ER zwei Samstig Mörge zu de Chind luegt dasi cha go schaffe.
Und ich fange ja ersch im September a... Zudem stresst mi am Meiste daser d Verantwortig eifach a sini Mutter abgid.
Isch ja klar das sie d Chind gern hüetet und das freut mich au...
Ich Han ihm scho paar mal gseid das etzt im Moment halt die Chliini (isch 6 Monet) extrem uf eus Eltere bezoge isch und ich sie so wenig wie möglich möcht zum hüte wegg gäh, will sie isch sich au no ned gewöhnt...
@Sunshinemom ich verzichte ja Freiwillig uf vieles. Ich erwarte das ja ned vo ihm. Er gahd oft wegg. Sell er au 👍 also ich Han nüt degäge. Eifach ned denn wenn er zu de Chind luege muess😉😁

Tanja87

Etzt dänkid ihr sicher dasi sone spassbremse bin wo ihm nüt mag gönne😞😥🤦‍♀️

Tanja87

Ah und das er mier ned direkt gseid hed daser a dem Tag was los hed, sondern ichs dur es Gspröch vo sine Eltere mit echo han isch au ned so toll🤔

So etzt hani gnueg gjammeret🤐🤐

fuchs

Vll heters verpeilt der das dsäge unds selber vergesse 🤷‍♀️🤷‍♀️🤷‍♀️ ich hät also au kei müeh wenn grosseltere luege. Vorallem esches ja ned eifach ga party mache sondern au na was wo sin papi debii isch.
Wenn grossmuetter gärn hüetet isch das schön und die chlii wird ned grossi problem mache (meistens nur bem abgä)
Euse hets emmer super be de grosseltere, die bibäbele emmer viel meh als ich.
Ich fonds guet het er e lösig gfunde das kind e gueti betreuuig hend und er glich weg chan.
Wenn er jetzt eine isch wo nie fürd chind da esch wärs was anderes, aber das tönt ned so.

Ich würds ehm ned verbiete. Und das du uf viels verzichtisch esch leider dies problem und nid siis.

Wen kinder gern zu de grosseltere gönd und grosseltere gern hüete set me das fördere und unterstütze.

Es wprd der sicher au guet due, meh ziit für dich znä 😘😘

Annie

Ich muss sagen ich bin der gleichen Meinung wie Fuchs. Grossartig, sind die Grosseltern in der Lage, mit den Kindern was zu machen! Allerdings bin ich einverstanden, dass dein Mann Dir das selbst hätte sagen sollen!

corina

Bi eus isch das au scho passiert und mich häts au gnervt, da ers theoretisch scho lang gwüsst gha hätti er häts aber voll vergässe gha, er hät dänn d hüeti seöver müesse organisiere und ich find wänns nöd öfters vorchunnt nöd so schlimm,köar häts mi au gärgeret gha aber es chunnt sehr sälte so e termin kollision vor und darum hani mir dänn müesse säge hauptsach de chli isch guet versorget und happy

Tanja87

Merci Fraue für euchi Meinige und wie ihr drüber denked☺️😏 wünsch euch es schöns Wucheänd 🌺☀️

Pinny

@Tanja87 also ich erleb das jedi wuche 🤷🏻‍♀️vorallem siit ich mich trennt ha vo ihm...nur das bi üs so isch...das ich jedesmal nocher am A....bi weli denn en hüeti-ersatz finde muess innert de negste 10h -.- und schlussendli sind die einzige wo nüüt z tue hend sini eltere -.- 🤣🤷🏻‍♀️er hassts wenn sini mum lueget...sie isch so e helikopter grosi und kauft jedesmal 1000 sache für mini twins...und denn gits immer riese ärger...

Also ich empfehl dir aber au zum chli meh für di mache ich ha 5jahr lang zruggzoge glebt...nur für d family da gsi...und etz hets mi glupft....

Tanja87

Ja die Chliini isch ersch 6 Monet... Und Stille sie nebstem Brei wo sie isst. Chume de scho wieder zu meh, wenn sie älter isch👍

Aber um das gahds ja eigentlich ned I mim Post😉

Pinny

Joo stimmt...ich ha au demit gwartet bis mini 18mt gsi sind

Pinny

@Tanja87 joo verstoh di scho...s goht drum das wenn mer was abmacht, denn söll me sich dra halte...vorallem inere beziehig sött mer zemme rede chönne und alles direkt erfahre und nöd hinedure 🤣🙈vergesse zums dir sege heter minre meinig noch nöd 🤷🏻‍♀️wel er het ja s grosi scho organisiert zum hüete denn heter denn gad au dich chönne informiere

Tanja87

@Pinny gsehni ebe au eso😉 ach Männer mängisch🤷‍♀️

Saco87

@Tanja87 ich verstoh di guet. Es sind 2 Samstig Morgä und ich bi au dä Meinig, dass er die doch eifach cha freihalte für Kind und Punkt! Wenn er jo suscht scho viel Freiheitä hät, findi da nöd zviel verlangt. Schö händ ihr sis Mami aber um das gohts do findi gar nöd. Es goht um ä Abmachig wo jo nöd mol viel isch und ums Prinzip vom sich dra halte. Ich erwarte i somene Fall, dass min Ma seit er heigs zwor vergesse aber er cha das au absägä und luegt zu SINÄ Kind wie agmacht. So isch mini Meinig 😊

Tanja87

@Saco87 die Asicht han ich ebä au.. Aber ja nu... S gliiche wie wenn mer iglade wird a es fäscht wo ohni Chind isch, mer hed kein Babysitter aber als Maa chamer ja glich gah... Anstatt eifach solidarisch drufverzichte🤔 oder isch das au wieder eso gewertet das ich ihm nüt mag gönne?

Saco87

@Tanja87 nei ich find au das nöd ok. Warum söll Frau immer Dihai blibe? Es git Sache wo de Ma sowie au Frau ohni Kind chönd weg go, allei odee zämä. Aber das macht mä ab und besprichts! I somene Fall erwart ich, dass min Ma seit wenn Kind nöd erwünscht sind und mir kein Babysitter händ, chumi au nöd. Ussert Frau seit er söll go, es seig keis Problem aber oft füehlt me sich denn ebä scho mies wenn denn dä Ma goht. Es git eifach gwüssi Sache findi wo mä sich mues dra halte und verzichte, nöd nur für Kind sondern au für Frau.

Saco87

Und da het füe mi nüt mit nöd möge gönne zdue, mä isch zämä i glade, cha wäg dä gmeinsame Kind nöd go also waeum söll er denn go. Chasch jo au du und er blibt Dihai...wot jo denn nöd wüsse was er dänkt 🤭

Tanja87

@Saco87 Haha😂😂 tja ich weiss daser niemals wür dihei bliibe. Aber wenni ihm säge, du los Schatz eigetli wers ja nüt als fair wenn mier beid ned gönd... Denn heissts vo ihm ebe ich cha ja nüt de für das d Chind ned chönd mitcho, ich wür ja scho dihei bliibe aber cha ja ned stille bla bla bla🤷‍♀️🤷‍♀️🤷‍♀️ drum ich seg fang nüt meh... 😅😉

Saco87

@Tanja87 eigentli müesstisch au nüt sägä, er söts vo sich us wele mache. Es sött au keis Verzichte si i mine Aufe 🙄 jo er cha nöd Stille aber au er het Kind wele nimi a und für dich ischs schö wenn er de Obig mit dir verbringe cha und au für ihn sött das doch 1. Priorität ha. Ebä ich nime a er wird scho gnueg allei chöne mache drum findi da nöd so cool. Es Problem isch, gseht er das selber nöd bisch die Motzendi und seisch nüt, denkt er sis Verhalte isch jo völlig ok.

Saco87

Auge meini 😂

Annie

Tanja und Saco, wieso geht ihr denn davon aus, dass in so einem Fall (Party ohne Kinder, es gibt keinen Babysitter) die Frau Zuhause bleibt und der Mann drum auch verzichten soll?!? Wie wära mit Frau geht feiern und Mann kümmert sich um seine Kinder?!? Und wenn das öfters vorkommt wechselt man sich ab damit jeder mal mit freunden feiern kann? Und hin und wieder gönnt man sich den

Annie

Babysitter und macht gemeinsam was?

Saco87

@Annie es geht ja bei ihr drum dass der Mann ja dann immer geht und sie Zuhause bleibt was nicht ok ist. Das hat nichts mit Verzicht vom Mann zu tun. Es wäre auch schön wenn der Mann einfach mal SIE zur Priorität macht und bei ihr bleibt...man muss ja nicht jede Einladung auch wahrnehmen 😊