Kaiserschnitt - Ja oder Nei?

Stärndli ✨

Ich ha 3 ks gha...
de erst esch e Not ks gsi met eme schrekleche endi (di chli esch bereits tod gsi) esch aber ned vorusschau bar gsi..

Bi de zwöite ss hani welle norm gebäre (das hend vell ned verstande ond mier welle usrede) ond s hed aus guet usgseh bes de Arzt nochegrächnet hed ond gmerkt hed dases keini 6 monet si wo verlangt werd..... De heds de zwöit ks ge, well ech bereits nach 4,5 Monet weder onplant ss worde ben (wär risiko gsi dass d narbe gresse weri) hät aber gern normal gebore. Esch e agnähme ks gsi au met Bonding no während em op. Bi dem ks heds de e zgrossi Hämatombeldig gä ond i ha nach 3 Tag nomol müesse operiert werde (ks esch ned emmer s secherste )

Ond ez de drett ks welli haut scho zwe gha ha ( risiko dass d noht risst, ond nochem Tod vo minere Bohne hani kei risiko Gebort me welle) bim 3. Esch ez aues eifach guet cho. Ohni komplikatione...
e wonder schön erlebte ks. Met Bonding no während em ks.


E ha au emmer angst gha dass de Arzt s Chliine met em skalpell verwötscht ond schniit🙈 das esch so mini Horror virstellig gsi. Ha emmer meh angst vor ks komplikatione gha aus vor normale Geborte🤷🏻‍♀️

Susha

@Stärndli ✨ Ui das du das hesch müesse erlebe,tuet mir schrecklich leid, chan mir gar nöd vorstelle was du da hesch müesse dure mache,
Es chunt ja au gar nöd druf a ob spontan oder KS hauptsach Baby isch gsund. Ich hett genauso angscht vomene KS wennibeine müesst mache, und dini Horrorvorstellig het mir sogar mal en arzt gseit das im das passiert isch🙊
Wünsch dir und dinere Family alles gueti.

Saco87

crazymum schrieb: »

Mich würd mol euri meinig zum Thema kaiserschnitt interessiere
Es git hüt zu tag anschienend ganz viel wo das wünsche was meine dir dezue?

Ich ha beides scho erläbt...normal vor bald 15 Johr und leider Kaiserschnitt vor 4 Monet. Ich ha unbedingt wieder normal wele gebäre au wenn die erst Geburt saftigi 48 Stund gange isch 🤭 aber ich find de ganz Ablauf ghört däzue, es isch ä Vorbereitig und Geburt bzw wenns denn do isch, isch wundervoll und alles vergässä. dRückbildig goht schneller, i bi schnell wieder fit gsi, dNöchi zum Baby häsch sofort und fürs Baby ischs natürlich au u viel schönner. Bim 2. Bini 36 Stund i de Wehe gsi, leider hät er sich kein Milimeter bewegt und denn isch än Not-Kaiserschnitt drus worde, es isch alles guet gloffe und schö hani ne glich grad uf Brust übercho und chöne Stille und lang dNöchi gnüsse (je nach Spitol mache sie das also es Bonding trotz Kaiserschnitt) aber und jetzt mis grosse ABER, dNarbe duet mega weh kurz druf ab, ich ha chum möge laufe, jedi Bewegig hät gschmärtzt, Rückbildig im Schnecketempo, Kuschle mitem Baby die ersti Zit schmerzhaft, Än Ops isch nie toll, hells Liecht, kalt ect, Schock fürs Baby 5 Lüt und keine kensch, es Geruckle und Geschauckle uf dem OP Tisch, richtig unagnähm...das sind mini Erfahrige. Freiwillig? Würdi nie mache. Es isch und blibt ä OP und genau so isch zGanze um Geburt, kalt und ich ha gfunde so lieblos und das obwohl ich äs super Team ha gha und min Gynäkolog wo ich au suscht ha.