Weinendes Baby im Auto

reni

@Avenira merci, has grad bi exlibris bstellt 😁 au wenn sis jetz noni verstoht, da isch sicher ä gueti investition

Avenira

Min Sohn liebt sie immerno. 😅 Han sie au no ufeme Tonie für Toniebox. So chaners immerno lose.

Saco87

Ich mues afang Oktober 2.5 Stund Autofahre mit mim Sohn (denn 5 Monet). Wie machet ihr das bi sonere langä Fahrt. 1x Pause däzwüsche oder me? Er isch eigentli oft ruhig bim Autofahre aber 2.5 Stund (ohni Stau iberechnet) het er no nie im Auto müese si. Glaub so äs Maxicosy isch au nöd so gsund für längers oder?

LoSo

Saco87 schrieb: »

Ich mues afang Oktober 2.5 Stund Autofahre mit mim Sohn (denn 5 Monet). Wie machet ihr das bi sonere langä Fahrt. 1x Pause däzwüsche oder me? Er isch eigentli oft ruhig bim Autofahre aber 2.5 Stund (ohni Stau iberechnet) het er no nie im Auto müese si. Glaub so äs Maxicosy isch au nöd so gsund für längers oder?

Ich gange da ufs Chind ih, isch es z fride oder schlafts, wür ech die 2.5h durezieh. Isch aber au scho vorcho dasmer all 30min Pause gmachd hend. Aber glaubs meh als 2.5h am stuck würi ned, den würi e Pause ilegge.

Saco87

Ich plane mol me Zit i...ich denk 2.5 Stund schloft er nöd. Nimä ä Decki mit und lo ihn chli lo strample und dreihe däzwüsche 😊 damit er sini Knoche chli chan strecke vo de Babyschale obwohl ich extra gluegt ha das ich eini nimm wo chasch in Liegeposition verstelle, also fascht. Stau wirds e ha, fahre vo Biel uf Romanshorn 🙄 allei Auto gfahre keis Problem, mit Baby machi mir immer Sorge über alles 😑🤣

Stöpseli

Ha hüt grad d horrorfahrt gha. Di chlini hunger, am gross isch öbbis a bode gheit. Und stau. Juhuiii das isch lustig gsi 😵😵😵😵😭😭

reni

@Stöpseli ooooh nei 😫 tönt grauevoll 😭 respekt, i trau mi garnit allei z fahre 🙈 janu, bald muss min maa au no dä füererschii abgeh... 🙄 das wird lustig 😨🤣

Stöpseli

Es isch würklech d höu gsi 😵😵. Ha när rächt chopf weh gha 🙈. Des klapet sicher bi dir

Avenira

Oha ich find 2,5 h easy... das isch überhaupt keis Problem. Das würd ich am Stück fahre ussert mini Chli heti hunger oder e volli Windle...🤷‍♀️😅

fuchs

Den chasch die glücklichschätze das dis kind so gern und easy autofahrt