Mein Baby will nicht schlafen! 😳

MiKa

Hallo liebi Mamis...

Ich weiss langsam nüm wieter. Min chline isch etzt 5 mönet. Bis jetzt isch er amel zwüsched 7 und 9 go schlofe hät am 3 am morge de 1 shoppe becho und am 6i den de nögst.
Momentan aber, will er chum ischlofe. Und vom dureschlofe mueni gar nöd erst afange. Er stoht 100x uf ide Nacht, i mue en in Arm ne oder id Trage oder mengmol bliebt er sogar 1 bis 2 std wach😟😭
Tags dure schloft er amel aber au nöd so lang!

Isch das echt e Phase??

I weiss au nöd wenn i en söll afange i sim bett schlofe lo😅 wel er stoht so viel mol uf dasi nöd weiss ob er allei chönt scho sie. Wie macheds den ihr? Händer paae tipps,🤗

Avenira

Aso ich han erfahrig gmacht bi beidne Chind das i irem Bett besser und eher dureschlafed. 🤷‍♀️😅 Probiers doch eifach mal us. 😉

fuchs

Euse chan be eus em bett gar ned schlafe. De esch am liebste elleige e sim bett 😂

MiKa

Joo üsen isch im biestellbett🤗 allei gits all es theater😭

Nessa

Ich denke es sind eifach au Phasene wo sie hend.. Vlt het er en schuub oder zäh chömed.. ect ect.. be eus gitz au ziitewiis Horrornächt & den wider gueti

magr

auso ou mir hei super nächt u ner gitz die angere phase. Aber muess ou säge das mini Chlini viu ruhiger allei im zimmer het gschlofe. Lueg was für öich stimmt.

MiKa

Danke dir🤗 momenten hani beides probiert und beidesmol isch er öppe glich unruhig gsie😅 ab wenn wird den er ide nacht nix me trinke welle?

mischmiisch

Also mini Chlii werd nechst woche Jährig. Sie bechond alligs na en Schoppe i de Nacht, aber verdünnt (uf ahrote vo de Müetterberatig). Mer hend sett drü Woche Horrornächt. Fascht jedi Nacht esch sie zwei Stund lang munter.. 🤷
Mängisch schafft sie es aber au, vo 19.30 bis ca. 05.00 düre z'schlafe.
Wasi demet säge wett, mer chan ned säge, ab wenn es Baby/Chind kei Schoppe meh wett und dürre schlaft..

Saco87

Häsch scho mol probiert ihn zu dir is Bett znä? Viellicht het er im Moment ä Phase wo er bsunders viel Nöchi brucht wenn er wach wird und besser cha ischlofe wenn er ganz nöch bi dir dörf ligge 😊

SHAYENNE

Also ich weiss no das mir öpe au mit 5 Mönet so unruhigi Nächt gha händ. Wür uf e Phase tippe 🤪 Wenn du öpis am schlaf/a de Schlafsituation änderisch chas bis zu 2 Wuche gah bis es e Änderig/Gwönnig dra gitt. Nur so als Tipp. Die Ziit müesstisch eifach durehebe.

fuchs

Be eus esches gebau so gsi wie be der. Super duregschlafe und dene met ca 5 mlnet hets agfange. So huet wie am afabg esches leider nur no sporadisch. 2x cho esch jetzt normal. Aber mettlerwile chlnemer dflösche es bett lege ubd de müemer vll 1x ufstah um dfläsche zersetzte 😂Aber ja konstant guet esches jetzt knapp set nem monet. Ab 4 oder 5 mönet hend mer echt nur selte so gueti ohasene gha. Send au oft unzähligi mal ufgstande ubd emmer wens 3 tag weder guet gsi isch hani denkt yes es esch weder wie vorherne. Aber ja es esch nie meh so wie vorherne worde😂

MiKa

🤭😂😂 ajajaja guet zum wüsse das dass alli chli duremachet🤭
Also mine schloft jetzt i sim bettli aber au nöd immer. Er isch es extren fegnäst🙄😅 es git nächt wo er 2x verwacht und fläsche bechunt, und amigs verwacht er 10000🤔😅 i hoff das au die phasw verbie goht und sich alles i pendlet🙏

jara

Be eus het ez die ,,phase“ au agfange😴💤🤔 müed hoch 1000... do dänki a die mamis wos sitt geburt a so hend, das isch ja mal deftig😱🤯

Mangoo

Hend oii erste au schlechter gschlafe wos zweite ufd welt cho isch..? Mine wacht all 2h uf und brucht nöchi aso wett uf de arm und dete au iischlafe er isch erst 1,5j aber s macht eim scho fertig😅 hend oii lang gha zum sich as noie baby zgwöhne? Und wie hend ihr das gmacht wenns baby am abig brüelet und de grösser is bett söt? Er cha so natürlich no weniger ischlafe🙈

Saco87

@jara mä gwöhnt sich imfal dra 😊 ich stille sicher 5x i de Nacht, mues aber nöd ufsto da Familiebett.

MiKa

Kinderärztin seid das aben 9te Monet sött e Baby dureschlofe und kei Milch me ide Nacht trinke🙄🤔 und wa isch wenn mine all no e Fläsche will?😮

SHAYENNE

@MiKa so en Quatsch. Das isch glaubs chli alte Schule... Es git immer wieder Phase wos Baby Nahrig brucht i de Nacht. Mini het ez au grad mit 18 Mönet eini gah. Und im nachhinein isch au klar xi wieso. Sie isch mega gwachse.

MiKa

I bi schockiert gsie vo dere ussag🙄🤔😟 aber danke guet zum wüsse daa es nöd so isch

SHAYENNE

Machs am beste so wies für dich stimmt und lueg ufs Bedürfnis vom Chind. Ich fahre so am beste 😊

MiKa

Jo findi ebe au🤗 i cha em doch nöd verbüte de shoppe ide nacht🤔

Saco87

@MiKa jedes Kind isch anderst...lut Ärztin sötti mit Bikost afange aber er duet nüt dägliche und ich find vor 1 Jöhrig als Vollzitstillerin isch es kein Muss. Ich lose nöd druf...ich mach so wie ich denk es isch richtig.