Kündigung nach Mueätterschutz

Saco87

Trotz das mir zuegsicheret worde isch, dass ich wieder chan schaffe im Januar isch mir hüt kündet worde 🙄😡 wie sind euri Erfahrig mit de Stellesuechi als Mami? Machts das schwärer? Ich ha unbezahlt gno, da ich 1. nöd so früeh wieder han wele schaffe und 2. erst ab Januar än Kitaplatz han.

Saco87

Mutterschutz sött da heisse i de Überschrift 😂

Goldlöckli

Stellesuechi als Mami isch meistens schwierig, well dä Arbeitgeber lieber Lüt istellt wo Flexibel sind.
Müettere sind das halt weg dä Chind nid, drum kassiersch meistens ä Absag, au wenn du dim Arbeitgeber versicherisch das dini Chind guet betreut werdet.

Saco87

Aber ich mues jo weder im Lebeslauf no suscht sägä dass ich äs Kind han oder? Scho truurig so Züg oder.

Frauenmantel

Ich wünsch dir dass du defür jetz en Arbeitgeber findsch wo ufd Familiesituation Rücksicht nimmt. I würds ehrlich gseit ageh weg em Chind, nur scho wels sich nid guet afühlt das z verleugne. Es isch scho schad, gsehnd die meiste Arbeitgeber null positive Aspekt am Mami si.
I welem Bereich suechsch?

Saco87

Jo do häsch au wieder Recht. Danke viel mol 😊 ich ha i de Finanze gschaffet als Sachbearbeiterin Rechnigswese inere Privatklinik. 40% Stell hani gha, me chani au nöd.

Summer2018

Agäh muesches nöd dassd Chind häsch, aber d‘HR lüt sind au nöd doof, bi gwüsse Stelleprozent gahsch ja fast dävo us dass sich Mamis werdet bewerbe. Ich find ehrlich si besser als verheimliche.
Vie Glück bi de Suechi! Es git würklich au arbetgeber wo das nöd ‚stört‘ 🍀

Saco87

Jo do häsch scho Recht @Summer äh ich wirde mi eifach bewerbe, viel häts im Moment grad nöd aber do findet sich scho öbis. Isch eifach müehsam das ganze Bewerbigszüg, ich hasse das 😏

Pinny

Also falls es chlises Sackgeld verdiene wetsch...sind mir en Betrieb wo Kleinstpense ahhbüütet für Mamis mit kliine Kinder - d kind dörfsch mitneh gratis während de arbetsziit im ruum Züri

Pinny

Eifach bis e 40% stell findsch

Saco87

Isch lieb dank @Pinny aber Züri isch grad chli chli wit weg für chli Sackgeld, denke das rendiert nöd würkli vo Biel us 🙄