Beissen beim Stillen

Moonpie87

Wie sind ihr dämit umgange? Minä hät jetzt 2 Zäh und hät mich hüt scho 2x bissä 🙄 das es nöd agnähm isch mueni glaub nöd sägä...wie oft händ euri bissä, i welne Situatione, au i dä Nacht? Und wie händ ihr das reduziere chöne?

Füxli

joo das kenni han vor 2 mönet sgliche problem ka und au do um rot gfröget. 😏an brüst drucke wener bisst het sehr gholfe han den au immer ruhig abr bestimmt nei gsait. da tag dure haani da kli finger parat ka uumen grad is muulwinkeli tue. hetr öbe 1 woche gmacht und nocher nüme. in da nacht wenigr bis nie.

Moonpie87

Ah de Post hani nöd gseh @Füxli de Finger hani au parad 😂 a Brust drucke lüchtet i aber mä verschreckt so und denn reagier ich glaub eher so das ich ne wot weg ha. I de Nacht het ers nöd gmacht zum Glück. Bi aber jetzt amigs scho sehr agspannt wenns geg de Schluss vo de Stillmahlzit goht 🙄

Füxli

joo das kenni mit em agspannt si isch mr glich gange. han sogar mol no wele abstille 😏😣 weli scho fast panik ha han. am schlimmste isch vorem is bett go gsi weler den smel kli blöd tut und liebr spiele wet drum heter mi aifach amel bisse. wenen weg zoge han vor schreck ischer mir ebe uh verschrocke het brölet und nüme trunke 🙈 wie alt isch din kline maa?

Moonpie87

Panik hani zum Glück nöd, ich beobachte ihn eifach sehr guet und reagier sofort weni merke es goht vom Trinke is Spiele übere. Aber bitz müehsam ischs scho ä so, hoffe das hört denn mol uf. Er isch 5.5 Monet und het erst jetzt agfange sit er 2 Zäh hät 🙄

Füxli

also bi üs isches wüekli nu a phase gsi zum glück und i stille da tag due nüme nu evt. am obet wener zmüed isch zum esse. abr er isch jetzt au scho 9.5 mönet alt. er het erdt mit 7.5 mönet agfange wel den erst di erste zäh cho sind. i hoffe dini phase got au schnell dure abr muss säge er hets nu öbe 1 woche gmacht nocher nüme. vor 2 woche hetr mol mol am morge paar mol bisse abr meh welsem zlangwilig worde isch 🤷🏻‍♀️

Moonpie87

Ich denk bi üs hangets mitem Zahnä zämä...ha glese das gits. Er machts au nur wenn er eigentli trunke hät und denn so chli Langewilä hät 🙄 danke viel mol, das hoffi au. Ich wirde sicher nöd ufhöre Stille wege däm aber es isch natürlich chli weniger schö wenn immer dä Finger zum abdocke muesch parad ha 😒 hät er bi dir fescht bissä? So das blüetez häsch? Bi mir zum Glück nöd, ha au kei Wunder oder so.

Füxli

mi hetr au nu wärend em zahne bisse. hoffe das machter den bi da nöchste rundi nüme.
phu nei zum glück nöd.