ISG Beschwerden / Rheuma?

Sabel89

Hallo Mitenand. Isch zwar kei Chinderfrog aber i ha denkt vilicht chamer glich öpper chli witerhelfe. Churzfassig: I ha sit ca. 3 Johr immer Schmerze im untere Rugge/ ISG. Es isch sonenen brennende,heiss afphlende, würklich ekelhafte Schmerz wo nüt würkli hilft. Bi scho x mol id physio,osteopathie etc. De Husarut hettmi nie ernscht gnoh drum hanis denn selber id Hand gnoh und bi zumene Orthopäd. Ha 3 mol infiltriert und es MRI gmacht det gsehtmer ganz klar e Entzündig bi de ISG beidsits. Im Moment hanis recht guet,so guet wie scho lang nüme. Aber de Orthopäd het etz gmeint es chönnti Rheuma si aber im Moment würer nünt mache wenis guet ha. De nöchst Schritt wer zumene Rheumatolog zgoh. Hät öpper öppis ähnlichs gha? Wa isch usecho? Wa hilft eu/hät eu gholfe? Ha afach mega Schiss dass dSchmerze wieder so extrem werded da isch echt nüme schön gsi. Und vor allem ide SS am Afang isches grausam gsi so schlimm dassi am Afang dSS gar nöd ha chöne gnüsse. Und mir wönd gern bald es 2. Chind aber ha afach Angst vor dene Schmerze. Sorry fürde lang Post und danke im Vorus fürs Zuelose.