Eiseninfusion Schwangerschaft

sunny83 · 15. 01. 2020, 12:38

Hed vo üch ou i de Schwangerschaft mösse go en iiseinfusion mache? Was hend ehr för wärt gha, dass ehr eini hend mösse mache?

Dina02 · 16. 01. 2020, 21:59

Das würde mich auch Wunder nehmen, da meine Ärztin nicht viel von Infusionen hält. Ich habe im Moment (noch) einen Wert von 18.

SHAYENNE · 17. 01. 2020, 19:18

Ich ha keini gmacht. Mini FA het abgrate, wills doch no oft Komplikatione git. Und wenns nöd anderst gaht, nur im Spital mache 🤷‍♀️ Sie isch e dütschi Ärztin xi, in DE isch mer anschiinend viel vorsichtiger demit, als da bi eus i de Schwiiz. Känn mi aber nöd us. Und has denn au ned wiiter hinterfrögt.

Sälber ha ich au mal e sehr intressanti Studie gläse gha über de Zämehang vo Isemange und Weheuslösig. Darum hani denn au sälber d Isetablette abgsetzt, damit mis Baby het chöne cho 🙈

Yul · 17. 01. 2020, 20:36

Han mal en ise ifusion ka.. Zwar nöd währen schwangerschaft aber ha denkt seg gli mal mini erfahrig..
Die iseifusion wird in 3 teil gmacht.. Erste mal ischs guet gange, bin 2te Termin nachdem ich fertig gsi bin und de Arzt verlah han, hani unterwegs zruck is bruefsschuel (isch während mittagspause gsi) überall roti flecke am körper becho, bi bleich worde.. Mir isch chotzübel gsi bi grad zruck glofe zum arzt da ich zum glück nöd wit weg gsi bin..
Han unterwegs atemnot ka, jede schnuff isch en steche gsi i de brust..
Schlussendlich hends de krankewage müesse alüte und mich is spital bringe für 3 täg..
Ich wot dir kei angst mache ha denkt zerscht abklöre obs din Körper akzeptiert oder nöd...

sonnenblume · 18. 01. 2020, 04:01

Also ich ha au scho es paarmal Iseinfusione gha (zwar au nid ide Schwangerschaft) aber isch immer tip top gange.

Steffi1989 · 20. 01. 2020, 06:33

Ech han vor Wiehnachte en Wärt vo 9 gha ond chum meh es Glas chönne hebe. Ebe sehr froh gsi wo ech denn d Infusion becho han. Ech ha mech vorher au no met de Hebamme omd de Ärztin ustuscht ond es händ beid gseid das es em Baby nüd macht. Ech ha zemlech höchi Dosis becho, ben aschlüssend no en Stund öberwacht worde aber ech han absolut kei Beschwerde gha. Im Gägeteil, han scho am öbernöchste Tag weder rechtig Energie gha. Jetzt fühl ech mech au parat för di baldig Geburt. Wösst ned wie echs ohni hät selle schaffe. Öbrigens han ech au im Vorfäld onderschätzt wie schnell min Speicher ufbrucht gsi esch: im August hani en Wärt vo knapp 100 gha, im Oktober 39 ond im Dezember 9...

Masha110693 · 20. 01. 2020, 08:24

Ich han au e Iseinfussion müesse mache weiss aber nümme was Ich für Wärt kha han weiss nur das Ich gar kei gueti Wärt kha han mir isches nach de Iseinfussion besser gange

tarom · 20. 01. 2020, 10:36

I ha i bednä SS ä Infusion becho. Immer problemlos. Jetzt i dä 3.SS (24 SSW mit Zwillinge) han i en Wert vo nur no 4 und mos morn grad di 1. - und i 2 Wuche di 2 - Infusion go mache. Han aber nie Problem gha nach de Infusione.

ww_4 · 21. 01. 2020, 09:04

I ha au eini bercho ider SS, weiss aber mi Wärt nid woni denn ha gha. I hase übercho wöu Tablette nid glängt hei, sie hei mir aber oh gseit dases am Baby nüt macht. Ha aber när ehrlechgseit kei Umterschied gmerkt 🤷‍♀️