Schwangerschaft

linarex

Hallo liebi Fraue.
Ich bi so froh hani die App gfunde. Han mi mega lang duregläse und jetzt hani selber no öpis welle schriebe. Sit ich schwanger bin (jetzt 16 Ssw) gahts mir sehr schlecht. Ich han immer wieder sehr starke bluetusfluss gha (wegeme hämatom 5cm) und die Angscht ischmer jetzt eifach blibe. Bin lang im Spital gsie und ha Bettruhe gha. Jetzt bini dihei aber es gaht mer glich nöd guet will ich immer wieder Angscht han dass ichs verlür. Ich han immer so schmerze und fühl mi garnöd guet. Und wenn ich denn anderi schwangeri gsehn wo garkei beschwerde hend isches nurno schwieriger für mich will ich mich immer frögä ob ich die einzig bin wo so öpis dure macht. Lg 🙏💞

Thea

Hallo! Herzlich willkomme!
Ich chan di sehr guet verstah. Ich han ide Früeh-SS immer wieder mal chlineri Bluetige gha, will mini Plazenta bitzli über de Muetermundöffnig gläge isch. Denn isches plötzli weg gsi - defür händ ab de SSW 29 früehziitigi Wehe ahgfange. Cho isch sie denn bi 34+6 und sie machts sehr guet.
Ich wünsch Dir, dass alles guet gaht und dass Du doch no einigi unbeschwerti Wuche als Schwangeri gnüsse dörfsch. Du bisch scho wiit cho und häsch drum müese kämpfe - Du häsch au es chlises Kämpferli i dir inne, das dörfsch nöd vergässe. Ich druck der fest d Düme ✊🏼✊🏼✊🏼