Spital uster/ganz züri? 🏨✨

Yul

Sali Mädels!💞

Ha welle fröge ob öpert vo eu in Spital Uster sbaby uf dwelt bracht hed.. Und was hend ihr für erfahrige vo dem Spital?
Oder welle Spital vo zürich sind ihr gsi?

Mamsi

Ich bin zUster gsi. Ich hans ganz schrecklich gfunde. Ich würd niemeh uf Uster, aaaber vilicht han ich eifach Pech gha. Was ich trotz allem positiv gfunde han isch dFamilieabteilig gsi. Ha das super gfunde es einzelzimmer zha und dBetreuig isch au guet gsi.

Susha

Mir isch wichtig gsi dases ide nöchi isch. Da ich ide stadt wohn hani daher ziemli viel uswahl gha. Han mich bim erschte chind für es spital entschiede wo recht beliebt gsi isch, wo mini wehe den agfange hend, hani nöd chöne det go gebäre wills kei platz meh gha hend. Han den is USZ müesse. Han jetzt wuchebett gar nöd de hit gfunde. Und es isch wüki eifach glück oder pech wer den grad dienst het. Bim 2te chind ischs gliche szenario wieder passiert, das kei platz meh gha hend. Aber nöd gloche spital woe im erschte! Bin den is Limi und isch alles ok gsi.

Vane😊

Ich bin 1x zollikerberg gsi und hans schliim gfunde nie meee.... denn 2x wetzike isch supper gsi!! falls es 4te gitt würd ich wieder uf wetzike! Uster bini in de ss als notfall gsi und han au schrecklich gfunde derum nöd dött wölle gebäre... am beste gosch mal verbi

Sünneli30

Wetzikon 👍👍

Yul

Ooh ok.. Was hend ihr denn schlimm gfunde a uster?

Brineli

Ich bin in Uster gsi und han mich sehr guet ufghobe gfühlt! 👍🏼 es chan überall negativ oder positiv si..
lueg spitäler a und loos uf diis buchgfühl!

Manuela🌻

ich han serste mal in wetzikon gebore, bin zfriede gsi. zweite und dritte mal dänn in uster und hans also top gfunde. bin super betreut worde, alli sehr fründlich und kompetent. familienabteilig isch würklich mega isch wie im hotel und das ohni priisufschlag 👍🏻.

Veronika

Ich war in Uster und war ganz zufrieden.

Daki

zollikon war TOP. gah bi de 2 geburt nomal

Nelia

Ich bin zweimal im Zollikerberg gsii. Und wür immer wieder ga 😊