Rosa Ausfluss

mrsxrizzo

Hoi zämme 😊,

Ich han am 30.1 mini letzti Pille gno und ha sie ab den abgsetzt. (kinderwunsch)
han den vom 03.02-07.02 mini "Täg" becho und lut App's woni abeglade ha, wär ich vom 13 - 18.2 (also hüt) fruchtbar gsi & hätt am 17.2 (also gestert) dr Eisprung sötte ha.

Sit 3 täg hani aber e rosa usfluss sehr schleimig.. cha mir öper helfe? Oder weiss öper wases chönnt sii? GV hani an alli fruchtbari täg ka.

Miette

Vili en inistigsblüetig?😊 düme sind drückt 🍀

mrsxrizzo

@Miette Danke! 🙈 ich bins ebe im internet au überall am lese das es inistigsblüetig chönnt sii.. und drzue hani no es zieh ka bi de eierstöck währendem rosa-schleim.

Thea

Ich han das im erste Zyklus nachem Absetze au gha. Es isch aber kei Ihnistigsbluetig gsi, sondern vo de Hormonumstellig cho. Ich druck der d Düme, dass es klappt het.. 🥰✊🏼 aber nöd enttüscht sii wänn nöd. Wenns nöd jetzt klappt hät, denn chönders ja sofort wieder probiere im nögste Zyklus,

mrsxrizzo

@Thea Ah okei guet ich wart mol ab! 🙈 cha lut App am 01.03 teste. Mini dume sind au druckt und süst probiere mirs halt bim nögste Zyklus☺️💪🏻

mrsxrizzo

@Thea , @Miette Fraue han sit hüt e mega starks zieh im unterleib (rechts) wo immer wieder weg goht und chunnt ... und lut App sött ich mini täg erst am 03.03 becho (was ich nit hoff) cha das e schwangerschafts Symptome sii?

Miette

Genau die gliche symptom hani am afang au gha (ebe au rechts). Aber ich bi nit wirkli en referänz 😂 (ha mini ss erst ir 11. wuche entdeckt). Aber an das zieh rächts chani mi guet erinnre 😊.

mrsxrizzo

@Miette okei grad eso 11. Wuche 😂 .. ich lies ebe viel im internet und überall stoht echli öpis anderst aber ebe typisch internet.. ich will dra glaube, aber mir keini hoffnige mache 🙈 hesch du sie den au stark ka? Ich cha gar nüm ligge blibe wenns chunnt muess ufstoh und den gohts weg und die schmerze gönd ca. 10-15sek.

Thea

Ich han jewiils au es starchs Zieh rächts gha, aber immer ide Nacht, so dass ich ufgwacht bin devo. Isch aber höchstens 2-3mal churz vorcho und nöd durchgehend (bi mir). Also chöntis scho es Zeiche sii 😊

Miette

Ha grat abschlussprüfige kä & de hani alli symptom ufe stress bezoge. 🤭😂Ha der schmärz rächts gha & het sich so zrugg bis i rügge zoge. Eher chrampfartig & ja, ha mi denn miesse bewege & so si si weggange. Und han denn au so rüggeschmärze gha in der zit.
Lis nit zvil nah! Mich het das dauerndi nahläse verruckt gmacht. Ha eifach eis buech kauft & weni eppis ha welle wisse hani das entweder i dem buech nahgluegt oder bi swissmom.ch.

corina

Din schliemige usfluss chan guet vom eisprung cho, dete chan de usfluss schliemig sie und die rosa farb chan au guet vomene äderli sie vo viellicht plstzt isch und so de usfluss verfärbt gha, chas nachem sex no gern emal geh, dass so mikro verletzige git, aso chas guet sie dass de eisprung breicht häsch und schwanger bisch😊

mrsxrizzo

@Thea @Miette danke euch! Ich weis sött weniger ins internet lese und eifach geduld ha und abwarte dasis teste cha! 🙈

Miette

Ich drücke dier düme 👍🏻. Schrib denn, wies use cho isch 🥰🥰🥰 (fiebre ganz fesch mit dier mit)

mrsxrizzo

Wirdi ufjedefall mache oba positiv oder negativ 👍🏻💪🏻

Thea

Jaa, gib eus denn Bscheid! D Düme sind druckt 😍✊🏼

mrsxrizzo

Hoi Mädels, @Miette @Thea also ich ha vorgestert negativ testet und gester zobe/ hüt am morge mini täg becho. Es isch dr ersti Zyklus gsi nachdem ich d Pille abgsetzt ha wege dem het uns nach nit demotiviert! 💪🏻

Miette

Drücke witterhin die dume! 👍🏻😊. Ebe isch ja erst der 1. zyklus gsi.

Thea

Genau. Ihr chönd ja direkt wiiter mache! Ich drucke d Düme au wiiterhin 🤗✊🏼