Baby schläft immer ein an der Brust

sunny83

Wer kennt es auch und habt ihr Tipps um sie zu animieren? Meine kleine schläft immer ein an meiner Brust. So bin ich momentan gezwungen ihr nach dem stillen noch die Flasche zu geben. Würde gerne einfach nur stillen. Die Flasche ist innert einer Minute leer getrunken (30 ml).

SHAYENNE

Wieso lasch sie nöd eifach schlafe und stillsch wieder wenn sie wach und hunger het? Isch d Gwichtzuenahm ned guet? Das wär für mich en Grund suscht nöd. Bin kei Expertin. Ich ha mini Tochter schlafe la und es het sich von elei ipändlet.

Moonpie87

Glicher meinig wie Shayenne, Fläschä würdi weg lo das isch än Tüüfelskreis und dini Milch wird immer weniger. Es isch normal dass sie die erste Monate oft ischlofe. Chasch sie wickle damit sie wach wird oder Brust wechsle aber zueschöppele isch kontraprosuktiv. Ich ha minä eifach ischlofä lo und denn wueder gstillt wenn ee het wele. Ich bi die erste Monate praktisch nur am stille gsi 😂

sunny83

S problem esch sie nimmt ned zue...ond ech cha nid de ganz tag stille do ech no es kind ha...

Moonpie87

Denn würd ich unbedingt än Termim binere Stillberaterin mache. Wil Zuefüettere machts eher schlimmer und irgendwenn isch dMilch ganz weg. Wickle wenn sie igschlofä isch häsch versuecht?

sunny83

Jo mach ech immer...zwöschewickle...

Miette

Oh nei. Kenni nur zu gut. Bi mier nützt zchitzle (büchli, rügge, nacke, füessli) & der hinnerchopf strichle😉. Und ich stille der chli immer nur i de windle. Das het sehr gnützt. Het mer mini stillberateri empfohle.

Moonpie87

Okay 🤷‍♀️ denn würdi würkli ä Stibe kontaktiere. Do mues me evt mol gnauer luege, zahlt Kasse 3x.

SHAYENNE

Id Tragi neh und stille gaht nöd? D FB Gruppe Stillen Schweiz chani dir suscht empfehle. Det hets au StiBe dinne.