Schoppen🍼Baby

sunny83

Bi wem klappet stille ou nid😞 was gänd ehr för en schoppe? Wie gohts üch debi?

tami_

Bi üs hets o nid klappet. Ha fescht dranne knabberet aber är wird o mit PuMi gross u isch gsung u zwäg. Ha MAM Schoppe.

Miette

Bi mier hets lang nit klappet. Dank dem, dasi en tolli hebamma mit sehr vil erfahrig (sie isch au stillberateri) hanis denn nach 2 wuche gschafft vollzstille. Han aber die erste wuche müesse züeshöppele. Und da het mer thebamma empfohle usschliesslich MAM produkti zverwende (nuggi wie au shoppe). Bin seeeehr zfride. Han den aptamil pre zuegfüetret und fo zit zu zit chönne reduziere. Min chli (jetzt den 3 monat alt), chunt sehr guet tschlag mit dene shöppeli. 👍🏻👍🏻👍🏻

sunny83

@Miette Wie hesch das gschafft das es glich klappet hed mit stille? Esch es dis erste kind? Mini pfuused äbe sofort a de Brust ih😞

Miette

Das isch en kampft gsi... phu. Chli en langi gschicht. Churz gfasst: tramatischi 1. geburt wa eme sek. KS gendet het, will der chli sehr schlächt zwäg isch gsi. Denn milchischuss erst 7d nach OP. Und kei milch isch use cho. Der chli isch halt so am ende fa der chräft gsi, daser dauern ipfuset isch.

Miette

Sorry hans nu nit welle abschicke 🙊.
Han den nachem stille, pumpt und 2-4x täglich powerpumping gmacht, stilltee und alkoholfris bier trunke... wirkli fasch alles probiert. Thebamma und ich hei fasch am 7. tad dehei welle üfhere. Han den alls letschti option motilium ustestet & zmal isch die milch nur nu gflosse. Han denn glichzitig der chli immer nur in windle gstillt und immer tfüessli massiert. Dank sinem durchhaltevermöge heiwers jetzt gschafft. Also han falsch gseit. 2 wuche nachem heicho hani endli chänne vollstille.

sunny83

Wow @Miette so super ...motilium esch doch gäge durchfall und erbreche oder

Miette

Genau. Aber zmotilium isch gägs übelkeit & het domperidon dri. Und per zuefall het me entdeckt, dass das milchfördernd wirkt. Das wäri min letscht versuech gsi & wes denn nit gange wäri, hätti ufgä. Wie alt isch denn dini chli?

sunny83

@Miette Wie oft hesch de das gno? Mini muus esch 2woche alt...

Miette

Das het mer eifach tstillberatig verordnet. Han mit 3x2 à 10 mg gstartet und denn alli zwei täg reduziert (also 3x1, denn 2x1, denn 1x1). Han denn es rezäpt becho (motilium isch ja sit januar 2020 rezäptpflichtig). Und ab dem 2. tag nach start hani den uf zmal sehr vil milch gha. Han den au grat aptamil gstoppt & nur nu gstillt & der chli het den rasant zue gnu & au sehr gut trunke & isch nimme igschlafe. Aber äbe.
Oh jö. Nu en ganz chlini🥰. Hesch denn milch? Oder an was schitrets?
Hesch du en stillberateri? So wit ich weiss, si nit alli so begeistret fo motilium (wills halt es medikament isch).

sunny83

Ech en super Hebamme wo mich mega unterstützt hed...ha aber wel ech no en sohn han mösse säge es goht nid so witer mit stille abpumpe ect. wel ech gar kei ziit meh för mi sohn gha han...

Miette

Völlig verständlich!! Hän ich mier au dänkt. Wär da no es 2., hätti das definitiv nit gschafft. Nur nu am sterilisiere, stille, abpumpe & pumi zwäg mache.😬😞Muess säge, dasi mit de mam produkt wirkli am beste gfahre bi (aber hä halt kei verglich 😉).

sunny83

Ech ha ou mam produkt ond sie akzeptiert de schoppe super

sunny83

Ech stille eifach no 2 mol am tag wenigstens no chli öpis😊 ech hät sehr gärn voll gstillt aber ergendwie gohts bi mir eifach nid...scho bi mim sohn heds nid klappet de det ha ech aber ou kei gueti Hebamme gha....aber sie wärdid ou mit pumi gross

Miette

Genau. Immerhin hesches versuecht 👍🏻

crazymum

Ich ha wägeme notks 3 monat vor et nit könne stille ha zwar gnueg milch ka aber de klei isch viel zu klei gsi er isch sondiert worde am afange er het den im spital und au zerst no dehei beba frühchen griegt aber nit verdreiht denn hani uf beba sensitiv umgstellt und im kleine isch guet gange.
Hanem das au könne geh bis zum schluss mittlerwiele drinkt er kei schoppe me.
Ah und schöppe hämer nur avent könne geh bi de anderne hetter immer nachem drinke kolike griegt.