Positiv gestested! 😍

mrsxrizzo

Ah ebe den hanis richtig verstande die App isch super verwirrt aber echli 😅 danke euch! Ja voll ab morn bini den in de 6 ssw 😍@Yul

linskyy

Wie gahts euch allne so? Was hend ehr so für Symptom?
Ich han extrems Spanne ide Brust. Und han ab und zue es Zieh im Unterliib oder es liechts Druckgfühl. Wie gsehts bi euch so us?

mrsxrizzo

@linskyy Hallo 👋, sowitt alles guet und bi dir? Han imfall die gliche symptome.. unterleib schmerze , brust zieh / spannig. Han hüt am 16:00 mini ersti Untersuechig bim FÄ und bi mega nervös!! 😊

linskyy

@mrsxrizzo oh wie toll! viel Freud bim erste Ultraschall! Ich druck fest d Dume dass alles passt und du glücklich mitem erste Ultraschallbildli hei chasch. Ich chan ersch endi April go. Da isch na eeewigs🙈
aber mer alli bruched ja na viel geduld bis zur 12te Wuche..🙃

livjona

❤️-liche Glückwunsch üch allne.

Hoffe be Der @mrsxrizzo esch alles guet gange höt.

Ech han vor fascht 6 Jahr positiv testet und min Dezember-Wiehnachts Bueb esch bereits scho 5-i. En wahnsinns ufregendi Ziit gsi damals, ech chan grad met üch nachefühle.

Hebed üch Sorg, bliebed gsund und dass ehr hoffentlich en möglichst beschwärdefreii Schwangerschaft wärded ha 🍀 Alles Gueti

mrsxrizzo

Hallo Fraue 👋,
Also gestert ischs super gange! Mini FÄ isch sehr s friede gsi! Han au es bild becho aber isch no z klei zum erkenne 😍 het au gseit isch alles am richtige platz und das de klei au die richtigi grössi het für mini wuche 😊 cha jetzt endi April wieder goh will ich den in wuche 9 fast (10) bin. Und bluet abneh muess ich den au no 😊 . Isch mega ufregend gsi aber schön 😍🥰🙏🏼

linskyy

@mrsxrizzo das freut mi sehr, dass alles guet usgseht und am rechte platz isch! isch sicher sehr beruhigend z wüsse! 🤗

Thea

@mrsxrizzo Super, das freut mich 😃👍🏼. Ich ha min nägste Termin au Endi April, denn bini scho ide SSW 22.. nach de erste 12 Wuche vergahts wie im Flug, wirsch gseh 😊

mrsxrizzo

@Thea Ah schön!😍 weisch scho wases wird? Ja das glaubi dir scho jetzt vergoht zit schnell.

mrsxrizzo

Wenn händ ihr alli eigentlich ahgfange mitm buch ihöle ? Um dähnigsstreife z'verhindere?

Yul

Ich han ab 17 ssw ahgfange 👀

Miette

Ich han fo afang a cremt. Het trotzdem ss-strife gä 🥺. (T‘schlimmsti isch aber gsi: mine ET wär am 27.12 gsi und tstrife si am 29.12 ufträte 😂😂😂).

Freya

Gratuliere oi ganz herzlich! 😊
Ich bin hüt bi 4 plus 4, ET isch gemäss Berechnig 12.12.20

mrsxrizzo

@Freya Danke dir demfall au! 😊 Ich bi hüt 5+6 und ha dr ET am 05.12.2020.

Fraue e frog, chame eigentlich scharf esse? (Nit pferrer gmeint) ?

Freya

Danke villmal 😊.
Ich meinti, dass scharfs ässe nüt macht.

Sti

Scharf ässä macht nüt. Hani i beidä SS gmacht. Villich masches de aber nüme verlidä, äs cha Sodbrönnä uslösä. Ä Guetä 😊

Thea

Scharf ässe chasch uf jedefall. Usser, Du würsch plötzlich merke, dass es nöd vertreisch (ich han ez z. B. oft Sodbrenne und isse darum chli basischer).

Wäg em Icreme: ich han ide erste SS und au i dere zweite öppe ide 5./6. SSW ahgfange und han bisher kei übercho. Weiss aber nöd, inwiefern dass es mit em Icreme ztue hät.. vllt isches au eifach Verahlagig? 🤷🏼‍♀️😊

Freya

Wie gahts oi, Dezember Mamis?

linskyy

@Freya mer gahts guet. Han gester de erst Termin bide FÄ gha. s gseht sowiit alles super us. das Chliine hed sich am richtige Ort ignistet und mer hend s Herzli gseh schlah😍 Eventuell wird denn mit Termin chli hindere verschobe. Luut Berechnige vode FÄ isch de ET am 5.12. aber warschindli wirds eher so um de 10.12.sii. da wird aber luut minere FÄ nur apasst, wenn sich de ET um meh als en Wuche wür verschiebe.
Ansonste hani öfters en flaue Mage und minimi Übelkeit und siit es paar täg hani au so richtigi Müedigkeitsafäll. Ansonste chani mi ned beklage🙃
Und wie gahts diir und allne anderne?:)

mrsxrizzo

@Freya Guet und dir?

@linskyy Super isch das toll! 😊 ich has no denkt das mir dr glichi ET hend am 05.12.2020 will mir jo glichwitt sind 😅. (Du bisch entweder 1 tag vor oder nach mir witt) 😊. Am Zistig hani mis 2te Termin freu mi scho sehr druff!! Bi den 9ssw (8+3) und hoff das me meh gseht als s'erste mol 😍🙏🏼🤰🏻

Freya

@linskyy und @mrsxrizzo das froit mi , han am Zischtig US gha, gseht au alles guet us, s'Herzli hemmer au gseh schla. Min ET isch au uf dä 10.12 korrigiert worde 😊. Mir isch leider dä ganz Tag schlecht. Bringe chum öpis abe.

mrsxrizzo

@Freya Mir isch ahfang wuche eso gsi han chum chönne esse mir isch vo morge bis zobe schlecht gsi (übel) jetzt goht echli besser aber ich cha s'esse immernonig gseh/ahluege oder gwūrz schmöcke es lüpft mi grad. Ah okei wieso wird den dr ET verschobe?

linskyy

@mrsxrizzo han ebe vetschiedeni apps und han tempi gmesse. darum weissi dass min eisprung eher chli verspötet gsi ischm darum isches nach Berechnig vode letschde Periode de 5.12. aber das Chliine isch vode grössi es paar Täg hindedrii. Darum wirds warschindli eher chli spöter si. Das wür nach Berechnig vom Eisprung (wo es Paar Täg verspötet gsi isch) ja au Sinn mache. Aber bisher isch na nüt korrigiert wurde. de ET isch immerna am 5.12.. Bim Untersuech ide 12./13.SSW wirds denn namal gnauer aglueged und gmesse und falls notwendig apasst. Aber ebe mini FÄ hed au gseit dass es paar Täg eigentli kei Rolle spieled well s ja eh nie am Termin chömed. Aber ich hetti lieber de 5.12. denn wäri schneller endi 12.Wuche🤣🙈

Freya

@mrsxrizzo has falsch gschribe, gem. Berechnig vom FA ischs dä 10.12, statt 12.12, wo ich berechnet han.
Ja, isch ächt schlimm mit dä Übelkeit, isse susch soo gern .

Freya

Liebi Dezember 2020 Mamis, sind ihr scho inere Gruppe? Ihr chönd mir susch gern per PN eui handynr. schicke wänn ihr id whatsapp Gruppe möchted. Sind bis jetzt z4t.

mrsxrizzo

@Freya Gern 😊 schrieb dir grad PN

linskyy

@freya das wär toll! Schriib dir au grad en PN

Salina

@freya gern

Anna Zormpas

Hey ihr Lieben
Ich würd auch gerne in eure gruppe😍 hab vor 3 Wochen positiv getestet😊Mitte Dezember sollte mein ET sein😊