Unterleib Schmerze

mrsxrizzo

Hallo Fraue 👋 ,
Bi in de 6 ssw (5+1) und ha fast täglich aber immer am obe spot so uf die 11-12 unterleib schmerze wo ca. 15min goht und den sind sie weg. Het das au öper? Oder ka? ha viel im internet glese dases normal isch aber ich wird zur sicherheit am Zistig trotzdem no es minere FÄ verzelle und froge.

Yul

Also ich has am afang au ksh.. Zwar hani nöd uf uhr gluegt wenn...
Aber es het sich so ahgfühlt als würdet mini täg jetzt denn cho. 😁 Han am afang au angst kah bis mini FA mich beruhigt het

Yul

Ist es normal, in der Schwangerschaft Unterleibsschmerzen zu haben? Die kurze Antwort: Ja. Schwanger sein bedeutet nämlich auch Dehnungsschmerzen zu haben. Am Anfang können sich die Einnistung der Eizelle oder die Dehnung der Mutterbänder mit leichten Schmerzen im Unterbauch bemerkbar machen.

linskyy

Ich han imfall au immer mal wider chli schmerze und irgendwie so en druck im unterliib. au vor allem am abiig oder weni länger nüt gässe han und hunger han. ich druck dir fest d dume dass dini untersuechig bi dinere FA guet verlauft und alles in bester Ordnig isch:)

mrsxrizzo

Ah okei guet! Ich han morn scho die ersti untersuechig bi minere FÄ und wirds ihre sicher mol sage 😊

mrsxrizzo

Meinet ihr das me öpis gseht morn? @Yul @Miette @Thea au wenn ich erst 6ssw bi? (5+3 morn)

Yul

Also ich denke en chline pünktli gsehtmer sicher.. Öpe eso (isch es bild. Vom google)

Yul

Aber sherzli wirsch glaubi nonig chöne gseh da isches eifach no viel zchli

Thea

Ich denke au, dassd öpis chlises gsehsch, aber s Herzli pöpperle gseht resp. ghört mer glaubs ersch ab Ahfangs 7. SSW. Aber trotzdem wirds ufregend und ich wünsch der ganz e schöni Erfahrig morn und dass alles sowiit guet usgseht 😊🥰

mrsxrizzo

@Yul Ah okei danke ich gib euch den bscheid 🥰

@Thea Danke 🙏🏼 freu mi sehr!! Und bi au mega ufgreggt! 😍🥰

Miette

Isch no chli früe ver zherzli zghöre. Aber den gsehsch din chli wurm zerst mal 🥰🥰🥰. Wunderschöni erfahrig. Viiil freud wünsch ich dier 🌈❤️🥰😍

mrsxrizzo

Hallo Fraue ich wieder 😂 aber ihr sind eifach mini rettig! @Miette @Thea @Yul
Ich han euch jo verzellt das ich regelmässig die unterleib schmerze ka han (was jetzt nüm regelmässig isch sonder nur no jede 2te / 3te tag). Mini FÄ het au gseit isch normal und isch alles ok.
Jetzt mini frog! 😂: ab welleri SSW gönd sie weg? Oder besser gseit wie lang muess ich mir die schmerze mit schleppe? (Ich han ebe immer an starki Menstruations schmerze glitte und hass de schmerz so!! jetzt han ich wieder so schmerze eifach vo de schwangerschaft 😅🤦🏻‍♀️ und zum glück nit so stark wie frühner

Miette

Hmm. Bi mier is glaubi so bis öppe wuche 16 gange... denn we der chli en wachstumsschub gmacht het, denn hets wieder agfange zieh. Aber das isch kei schmärz gsi, eifach unangnähm. Aber ebe, das isch fo schwangerschaft zu schwangerschaft verschiede.

Yul

Ja isch wie miette seit isch glaubs zu schwangerschaft anderscht 😁👀 bi mir isches irgendwenn zwüsche 12 und 16 ssw weg gange, han aber ahgfange magnesium trinke. Frögsch dini FA, weg de mengi. Es chan Durchfall als nebewürkig geh 👀 (hilft au wenn versropfige häsch, hoffes aber nöd das die häsch)

mrsxrizzo

Doch verstopfige hani au 😅 und mini FÄ het mir gseit ich söll Magnesium trinke und allgemein meh trinke oder mit Femibion ufhöre und nur Folsüre neh. (Will Femibion au isse enthaltet).

Yul

Ohh die versropfige sind de horror gsk die erst paar mönet, aber andreamag magnesium 300mg hilft super.. Frög mal dineri FÄ nach Natalben plus. De isch super het slles dine wo bruchsch. (ich chan zbsp kei fish esse ohni dassi muess erbreche 👀😂, aber natalben het omega 3 fettsüri.)

Derfsch magnesium und Natalben plus eifach nld glichzitig ine will suscht de ise vom natalben nöd richtig ufgnoh wird wegem magnesium.

Yul

mrsxrizzo

@Yul Oh sorry! ha di betrag irgendwie überseh und vergässe zrug schriebe!
Ok danke 🙏🏼 wird ich nögst wuche minere FÄ froge ..

Bi am samstig in Ssw 8 inne cho und ha sit gestert extrem Übelkeit 🤢 ha fast nüm chönne esse will mir scho nur bim esse ahluege schlecht worde isch. Was händ ihr fraue während so täg gesse? Ich ha au gar kei hunger .. @Yul @Thea @Miette @linskyy

linskyy

Ich mach mer amigs fasch chli sorge well s mer immerna so guet gaht. (hüt ide SSW 7 plus 3) Han fasch kei Übelkeit. Ab und zue nur ganz liecht oder en flaue Mage. Aber so richtig übel isches mir bisher nanig gsii. Isch da es schlechts zeiche??😕 so doof, ich wür mer fasch wünsche dases mer schlecht isch well mer ja seit dases em Baby ja denn guet gaht. 🤣
Bin so droh weni am Donstig eeendli min erste Termin bide FÄ han.
@mrsxrizzo ich han irgendwie nie was zmorge gesse vorher und merk jetz dasi am Morge doch was bruch weli susch wür zemeklappe. Mach mer jetz oft früschi Fruchtsäft us Orange/Kiwi/Banane usw. Denn mueni dennoch nüt esse und han viel Vitamin und Nährstoff wo Energie gehnd. Susch chani leider ned wiiterhelfe in Sache Übelkeit🙈

mrsxrizzo

@linskyy Nei! Übelkeit seit über d schwangerschaft nüt also grad gestert han ich glese das 3 vo 4 fraue hend Übelkeit. Sig froh das sie nit hesch!
Mir sind demfall glich witt bi hüt (7+2) isch ebe die 8Ssw. 😅🤢

linskyy

@mrsxrizzo bin eigentli u froh dases mir guet gaht. ebe ab und zue mal bläht oder ganz liecht übel oder eifach chli es unwohlsii. Aber würkli alles vollig im grüene Bereich. Aber ebe, mer macht sich Gedanke wenn mer s ned gspürt und wenns denn doch mal zwickt hed mer au Angst🤣🙈 und filich chund d Übelkeit ja doch na cho verbiiluege. Ich probier dankbar z sii solang ich na kei allzu grossi Beschwerde han.
Ja voll, mer sind fasch glich wiit. Han aber s gfühl dasi na es paar Täg zrugggstuft wird nachem erste Termin. Luut de Temperaturagabe hed sich min ES es paar Täg nach hindere verschobe gha. Am Do weissi denn meh🙃 ich hoff du bechunsch na paar gueti Tipps geg d Übelkeit (han mal ghört anere Zitroneschiibe schmöcke hilft)

Miette

Ich han nie übelkeit gha. Aber en kollegin het sogar wägs dehydratation ins spital miesse, will si dauern kötzlet het Sie het den eifach miesse alli 1-2h öbbis esse & denn is dra guet gange (het den immer es darvida im hosesack gha 😂). Susch nu itinerol kapsle, di wirke bi gwüsse nu sehr guet. Chasch derfoder FA lo verschriebe. Und natürli Ingwertee & chaugummi chaue 😉.

Mini FA het mier gseit, dass bi einige Fraue zproblem si, dass si fasch echli zwenig regelmässig esse & darum halt der blutdruck nu meh sinkt & dass den übelkeit uslöst. Si het mer empfohle eifach alli 2-3h zesse, so dass der mage immer chli am schaffe isch (natürli gsund).

JennyHelin

Min läbensretter isch de Ingwer Zitrone Icetea gsi vom Coop 👍👍 hät mer megga gholfä bi übelkeit .. und de na erfrischend gsi

mrsxrizzo

@linskyy Ja luegsch mol was dir d FÄ seit am Donnstig wegem ES isch aber sicher au es Dezember Baby 😍🙏🏼 . Seht meh bi dir scho echli s Büchli? Oder erkennsch scho öpis am Buch?

@Miette Ou oje 🤢 also ich trink viel egal ob Wasser / Caprisonne oder Zitronewasser, cha also nit dehydriere zum glück 🙏🏼 aber esse isch schwer und ich ha mir jetxt vorgno wenig aber immer wieder esse also so 5/6 mol am tag aber kleini portione. Anschienend sött Lakritze helfe und Ingwer tee hol ich nacher grad beides ind Apotheke 😅

linskyy

@mrsxrizzo also direkt es Büchli gseht mer nani. Obwohl d Hose langsam unbequem sind. Filich ganz minim.Chönt je nachdem aber au nur ibildet sii will de Buch ab und zue bläht isch. Ade Oberwiiti hed sich uf jedefall scho viel gändered🙈
Gseht mer bi diir scho es Büchli? Han mal ghört dases bide erste Schwangerschaft oft spöter z gseh isch als binere druffolgende Schwangerschaft.

mrsxrizzo

@linskyy Also bi mir seht meh au nit viel und ich bi au immer ufbläht vorallem nachem esse😅 aber drfür mini oberwitti nimmt irgenwie jede tag zueh 😂 und ich ha scho recht Brüst ka vor de schwangerschaft 🤦🏻‍♀️🤷🏻‍♀️😂

Thea

Bi mir hät d Übelkeit i beidne SS vo SSW 8-13 ahghalte. Ha zum Glück nie müese erbräche, aber mir isch 24/7 schlächt gsi.. nix mit Morgeübelkeit 😄. Mir hät - isch no Winter gsi - Ingwertee sehr ghulfe und ich han regelmässig müese chlini Portione ässe. Das beschäftigt de Mage.

mrsxrizzo

@Thea Ja voll bi mir hets ebe au erst jetzt ahgfange in ssw8🤷🏻‍♀️ hoff dases au bi mir nur bis ssw13 goht und nit meh 🤢. Ich ha Ingwer nit gärn trink defür Minze tee han glese duet au guet.

Yul

Also tönt vlt komisch abeeeer... 😁 Ich han immer grüeni suuri öpfel in schiebe gschnitte und mit biiitzli salz gässe.. Das het mer meeega ghulfe.. Machi hüt no eso.. Nüm weg übelkeite aber willichs liebe haha.. Aber ladys freu mich nega für eu ihr sibd no gaaaanz am afang.. 😍 Mir fehlet nur no 5 wuche und 4 täg... Und ich vermissses jetzt scho schwanger zsie.. Die zit isch soo extrem schnell verbi gange..

mrsxrizzo

@Yul hahah ich han grüeni öpfer au gern! Aber nonie mit Salz probiert 😅.
Ahjä? Hör das no mega oft z letzt grad vo minere kollegin wo s Kind in Februar uf d welt brocht het. S erste was sie gseit het isch gsi "vermisses schwanger zsii" 😅😍 wieso denn? Wer weiss vilt wird ich das au mol sage 😍🥰🙏🏼

Thea

Also ich hans leider nöd vermisst und ich wirds au dasmal nöd vermisse 🤷🏼‍♀️😄. Aber das gaht jedere Frau wohl andersch. Kulinarisch isch d SS so was vo blöd, me chan nüme guet Sport mache (va am Schluss isch mer so ihgschränkt), de Schlaf wo fehlt, ständig ufs Klo..
s Einzig woni vermisst han, sind d Bewegige vom Baby im Buch. Das hani ez wieder 😃

mrsxrizzo

Isch es normal das sit ich übelkeit ha, nur no süesses cha ässe? Süsses goht aber sobald ich salzigs ahlueg , schmöck oder due esse wirds mir grad schlecht. 🤢 @Thea @Miette @Yul

Jra_

Das isch gschmack/gluschtsach... mit süssem muesch mir grad nöd cho 🤣

mrsxrizzo

Ah okei 😅 ich mach mir eifach extrem sorge will ich ebe salzigs nüt abe bechum 🤢😣

Yul

Chan schoo sii 😁 probiersch eifach frücht esse und nid zviel süeßi kram.. Ich han extrem Heiss hunger ka uf mango.. Und mango isch gsund ha täglich 1 bis 2 gässe 😁

Yul

Ich ha fisch eig meeega gern, aber sit ich schwanger bin chani das nöd schmöcke es verdreiht mer de mage.. Genau so wie mite nüss hassi überalles.. Und fisch isch guet wegem Omega 3.. Han dafür avocado gässe wie verrückt 😁.

Miette

Ich denke nit, dass das die ganz SS über wird ga. Ich han e zit lang au kei kaffe chönne gseh & uf zmal hani mega luscht uf kaffe bercho. Iss eifach, was dier schmeckt (het mer mini FA au grate). Dine Körper seit dier de scho, weder eppis brucht 😉.

mrsxrizzo

Fraue e frog ,

Wie isches so mitm Partnerschaft-Stress , Stritt? Ich han in letzter zit oft stritt mit mim Partner er blibt zwar immer ruhig aber ich gang grad uf 200 😣 cha das ganze s Kind im buch schade? Mach mir grad mega sorge? Ich wird den au grad immer so warm und mir wirds schlecht vor ufregig ..

mrsxrizzo

@Miette @Thea @Yul

Jra_

Ja das sind d Hormon, ich bin au viel ungeduldiger, isch leider ganz normal i de Schwangerschaft

mrsxrizzo

@Jra_ aber gföhrlich fürs kind ischs nit oder?

Miette

Glaub nit dasses gfährlich isch. Isch ja eppis total normals, dass me mal strittet 😉. Bin au e richtigi dramaqueen gsi & han wege allem welle stritte 🤪. Isch denn irgendwenn verbi gange.
Went aber durchgehend zimli gstresst bisch, würdis mit der FA aluege.

Yul

Lueg da wirds guet erklärt findi.. https://www.vaeter-zeit.de/vaeter-schwangerschaft/was-spuert-das-baby-im-mutterleib.php

Ich bi au schnell vo 0 uf 100. Zum mich abrege gahni is zimmer und ließe en buech über Schwangerschaft oder wasi grad luscht han .. iss chli Früchte... Einfach ablenken und wusaaa mache 😁 redsch mitem Baby streichlisch din babybauch... Und bevor es wieder stritt git redsch mit dim Partner drüber dass dir Sorge machsch..
Haha aber ich verstahn dich guet.. 😁

mrsxrizzo

Ja isch scho durch gehen und mir wirds nachdem au immer schlecht .. ich frog morn mini FÄ han nähmlichfr zweiti termin.

Thea

Mir striited ständig! Isch au ide erste SS so gsi, aber es gaht wieder weg 😄 Ich glaube würkli, dass es grössteteils d Hormon sind!

JennyHelin

Bi eus isch es umgekehrt gsi 😁🤭 ide Schwangerschaft hämmer gar nie gstrittä ... ich bin so wuuuusa gsi 🤭
Bin aber eh zicke hoch 100% und chan ned uf sMuhl hocke aber ide Schwangerschaft bini en Engel gsi 🙈

linskyy

Ich bin glaub amigs au chli en Zicke. aber so Afäll hani au vor de Schwangerschaft scho gha🙃 Da nimmt min maa zum Glück ganz locker
Han momentan meh so
Gfühlsuusbrüch dasi vo eim uf de ander Moment chönt loshüüle und denn plötzli wider total happy bin. kei ahnig😆
@mrsxrizzo wie isch din Termin gsi? Druck fest Dume dass alles Bestens isch unds dem chliine Knirps guet gaht:)

mrsxrizzo

😅, bin ich erlichteret dases anderne Fraue au eso goht han denkt bin en kleine Psycho 🙈. Scho krass was mit unsere Körper passiert ich merk jede Tag verändrige, vorallem durch d'Hormone.

@linskyy Danke fürs froge 😊 hanen aber nonig ka erst am 15:45. Freu mi au sehr druff!! 😍 freu mi vorallem uf e neus Ultraschall foti.

mrsxrizzo

Also isch alles ok!! 🙏🏼 s fötus isch 2cm (8+3) und s herzli het me au gseh schloh 😍😍

Yul

Jöööööö 2 cm 😍😍😍😍❤️ und sherzliiii ich erinnere mich au wie fescht ich mich freut han uf min chline ihn szerstemal gseh 😍s muesch mal de App Schwangerschaft probiere.. De isch super 😁

Yul

Schwangerschaft plus