Tipps für die Brustschimpfphase?

Miette

Hallo Mamis.

Langsam bini echt am verzwiefle... mine chlei Ma het grat die Brustschimpfphase (definitiv kei saugverwirrig!). Er isch 3 Mont alt. Ich chan am tag nur nu im mugsmüslistille, dunkle schlaftzimmer miteme t-shirt uberem chopf vom chli stille. Het jemand erfahrig damit? Chönnt ier mier tipps geh (han scho fasch alles probiert wa im internet staht). Wenn geit das verbi? Was het euch persönlich gholfe?

Muess derzue nu sege, dasi zimli problem gha han in letschter zit mim stille ... aber jetzt gahts ENDLI wieder. (& Mini stillberateri isch aktuell grat ine „ferie“ und der LLL traui mi langsam nimme azlüte 😂)

Füxli

Jooo die Phase hemr au ka und da Tag dur isch bi üs au nu no im abdunklete zimmer gange wos ruhig gsi isch. en tip hani dir ehrli gsait kaine i chan dr nu muet zuespreche und säge das wener wüekli würkli hunger het den au trinkt. min kli isch jetzt den 15 mönet alt und mir stillen immer no het nie denkt das mrs do lang schsfen. und er lot sich immer no schnell ablenke. in da nacht gots abr guet?

Miette

I der nacht isch supper. Sobalds hell wird han ich en chline gremling a der brust 😂🤣. Es richtigs gekreische & gejammer tagsuber. Han gmerkt weder richtig hunger het, is eher no schlimmer. Darum tueni jetzt bim chlinschte azeiche probiere stille 🤪. Ich weiss, dass das nit so toll isch, aber eis mal hani me müesse en Mumi-Shoppe gä, wiler sich heiser-gschrowe het 😣

Füxli

bi üs isch da supergau immer hunger mit schlofmangel gsi den isch garnüt meh gange.
lueg aifach das nöd afangsch zviel schoppe geh wel den hesch sgschenk. uf FB gits sus a Gruppe Stillen Schweiz die hend au sehr gueti tips

Füxli

oh und min trinkt besser und ruhiger wen er sis lieblingskuscheltierli hebe chan

Miette

Das isch en güeti idee. Mal probiere mim nuscheli. Hani nur eis mal geh kä, will wer wirkli soo verzwiflet si gsi. Han eifach zgfühl, dass er nimme „effizient“ trinkt, weder so iner schimpfphase isch... er isch denn so erschöpft und schlaft denn zmal ih...
Fb hani ebe keis 🤣.

Füxli

Wie gsehts us? ninter en Nuggi sus da Tag dur? evt. chönt das au no es problem si. min nint da Nuggi da Tagdur erst siter jöhrig isch vorher nu zum schlofe.
hoffe es klapt mit em nuscheli.
ligend stille chönt evt. au no helfe so hanis es zitli gmacht am obet.

Miette

Gaht langsam wieder bizli besser. Jetzt sie mer mit abgedunkeltem zimmer aglangt 😂. Hei zt-shirt uberem chopf und ganz dunkel hinter üs glo😂😱. Nuscheli interessiert ne leider während dum stille ganz und gar nit (er chan leider no nit so guet grife, als dass er znuscheli i der hand cha hebbe. Er umarmts eher). Nuggi nimmt er sit öppe 2-3 wuche nimme 😉. Liegend hani probiert, das gaht ganz und gar nit 😱. Nur iner wiegeposition. Wie lang is bi dier ca. gange?

Füxli

i und min bueb hend recht a astrengends ersts Stilljohr ka 🤦🏻‍♀️ 🤣 besseret hets erst mit 11 mönet woner Magedarm ka het und ich ihn nu no han chöne stille wel alles andre hetr nöd möge hebe und den isches so is extreme daser am liebstr

Füxli

oh hobla kli falsch druckt....das er am liebste nu gstillt hetti. ab ca. 5 mönet hani nu im dunkle und dahai chöne stille. dschreiphase hemr immer bi da schüb es biz ka und die sind immer ca. 1-2 Woche gange. hend immer wiedr kli so phasene ka. und wen nöd schreiphasecden hetr zahnet und mi bisse 🤷🏻‍♀️

Miette

Und de hesches soooo lang durchghalte??🙈 ich muess säge, dasi mier zstille viil eifacher vorgstellt ha 🥺

Füxli

jo 🤷🏻‍♀️ abr isch echt kai aifachi zit gsi und i han paar mol wölle abstille. abr im moment stimmts aifach grad no und solangs guet got und er no mit macht stilli no witer. jetzt isches vorallem no kuschel zit. han sus garkein kuschelbär

Miette

Kenni nur zu guet. Mine kuschlet au eher sälte (usser bim papa, da wirder zum kuschelbär). Ich hoffes, dasis bis zum 6. monat schaffe mit stille. Han eigentli mind. 12 mt. Welle stille... Er nimmt ebe leider nit so guet zue (er isch jetzt mit bald 3.5 mt. 6.2 kg aber scho 65.5cm)...

Füxli

han dr e PN gmacht