Impfung - Eure Erfahrung

aleksandra

Hallo fraue, han hüt min chline wo 8wuche isch impfe lah, wie sind eui erfahrige und was halter ihr defo,? Wie hend eui chind das vertreit und hender öpis gmerkt koplikatione oder süst öpis?

Miette

Heyhey. Han min chlin au grat mit 12 wuche z1. mal müesse lo impfe. Für mich der horror gsi, für de chli ganz easy 😂. Er het nur chli zuckt. Het aber am abig chli fieber gmacht & isch öppe 2 tag ziemli am jammere gsi & het immer körperkontakt gsuecht.
Was mich verwundret, isch dass du scho mit 2 mönet hesch müesse impfe lo. Min KiA het mier gseit, dass es en apassig vom impfplan 2019 gä het & me nöi nur nu am 03. & 05. monat & denn 12. monat tüet impfe?

Babyboy

Mi chli isch o mit 8 Wuche geimpft worde. Het am Abe Temperatur gha und ish au Stund cho, zum trinke. Er ish ner e Wuche ni guet druf gsi, ner ish aus wieder gange. Znächste mau gani ne mit 4 Mönet ga Impfe u gloub mit 6Mönet nomau u ner 12 Mönet?? Irgendöpis e so. @miette ah ja würklech? Das Hani nid gwüsst, wenn mi bi ga Informiere hets bi mir fast au 2 Mönet abständ anzeigt bis gloub 6Mönet 🙈

Miette

Das wäri der aktuelli plan fo 2020 wa mier der chinderarzt gä het. Mini kollegin tuet ebe au nu nachem alte plan impfe. Im neue tuet me 1x weniger, aber dafür due 3. impfig chli früecher.

Miette

Im gsundheitsbüechli isch ja nu der alt impfplan dri. Min KiA het eifach empfohle mit 3 & 5 mt. Anstatt mit 2,3 & 6 mt. Zimpfe.

Babyboy

Guet ja das macht o Sinn ersch ab 3 Mönet zimpfe.. I gloub zunächst mau wirdis o so mache, erscht ab 3mönet zimpfe

aleksandra

Mini kia het mir empfole je früener desto besser weil de vergesse chinder schnell, mine isch scho vo geburt ah nöd gern allei im bettli, er bliebt mengisch 30min de wacht er brüelend uf darum isch er meistwns mit mir plus dezue het er kolike, jetzt chlameret er meh sit de impfig, er tuet mir so leid, bis jetzt hani nur gmerkt das er schlfer isch und müed er schloft zimmli lang😔😔

Daki

mir hend en au nach impfplan gimpft. am afang het er au chli tempi gha und isch sehr sehr ahhänglich / quängelig xsi. und ez je älter er wird (16mnt) merki impfig gar nümme. weder fieber no anderi verhaltensenderige 😊 mag mich aber erinnere wo er ganz chli xsi isch hets mi richtig graust go impfe 😤

Tanja87

Üsi Chliini hed nach de Impfige immer roti, gschwulleni Stelle gha bi de Istichstell und es hed ihre dert au mega fest weh gmacht öbbe, 2 Tag lang. Han mängisch ned mol chönne Hösli alegge😓 tempi hed sie nur nach em 1. Mal impfe gha

Füxli

mir hend erst mit 6 mönet serst mol gimpft und hepatitis weg lo. au MMR hemr erdt mit jöhrig di erst gmacht. Pneumokokke hetr gsrnie toll gfunde und den amel au 2 täg fiebr ka. bi da MMR het immer genau 10 täg spöter kli Fiebr ka und wies die andere sägen aifach meh sürelig und ahenglicher und meh gschlofe am Tag

arijeta

Mine esch au mit 8 Woche geimpft worde. Ha mer zimli Sorge gmacht, vorallem falls er würd Fieber becho. Aber esch super glaufe. Hed natürli brüellt, aber ehm esch es super gange. Als wär nüd gse.
Bi de 2 Impfig mit 4 Mönet heder am Obig biz Fieber gha. Aber am nöchste Tag nüd meh.

Moonpie87

Ha au nach Impflan gimpft und nie öbis gsi ussert bim 1.mol het er u viel gschlofä. Er brüelt au nie bi de Spritze 👍

NRM

Ich impfe erst nacheme joor.. ich sälber by gimpft, mini wird voll gstillt und ich gib se niene aane.... momentan simmer eh alli dahei blockert darum findis rächt unnötig mini jetzt scho z’impfe..

mommytobe30

Ig impfe ou ersch nacheme jahr! cha z buech „massvoll impfen“ empfehle!

AnDu88

Ig impfe nach Impfplan vom BAG. Bi beidne hani bis jetz nur bitz erhöhti Temperatur gmerkt.

NRM

Ich ha ‘impfen pro und contra’ gläse vo martin hirte. Für en individuelli impfentscheidig😊

aleksandra

Hoi zemme, ich het da no chlini frog weg em impfe villicht hets ja au schö per kah

Min chline het mums masere rötle impfig kah oder so uf jede fall das isch vo überem monet gsi öpe 6 oder 7 wuche her, jetzt het er aber so trochni hut oder usschlag am rechte bei becho, isch zwar nöd schlimm glaubi er chrazt sich nöd und tuet nüt de glieche tuen in eifach meh ihcreme und nachem bädele ihöle

Chan das vode impfig cho oder eifach vom wetter?? Er het au öfters strumpfhose ah kah jetzt ide chalte teg

Hender das au scho erlebt ?

NRM

Also ebe ich han jo nonig gimpft by minere aber ich by gnueg informiert und kenn vieli müettere mit ginpfte kinder dasi ka sage es KA sehr guet vom impfe ko, MUES aber nit. Aber huutreizige/ irritatione , neurodermitis und anderi huutkrankheite wärde oft in verbinding mitem impfe gse.

Miette

Ne, das chont nit vom impfe. Wenn, de hätti ers sicher am ganze körper. Lokali reaktione entstehe meist innerhalb de erste 24-48h.

Adorable

Aso mine hed das au. ( Usschlag vorallem ad Oberschenkel/Füdlihöchi) Heds aber scho vor d 9 MönetImpfig gha.
Ha d Arzt gfrogt und jetzt im Winter esch d Babyhuut vell affälliger.
I muess jetzt medere Fettsalbi ( Linola Fett) icreme und mol luege öbs bessered.
Aber wenn bedenke hesch, gahs doch gah zeige, d weisch meh.

aleksandra

Jaaa, ich tues jetzz immer ihöle und ihcreme isch chli besser, ich denke ebe au das es chönt vom wetter cho trochni luft und so, aber ebe chönt mir au vorstelle das er eventuell chli uf impfig chönt reagiere, solangs besseret findi dasi chan abwarte isch würkli nur uf ei site, aber mega lieb das ihr mir da erfahrige sege findi mega toll

aleksandra

so gsehts us nachem bade

Adorable

Jo genau so gsehds be mim Sohn au us. ( nur a beidne Oberschenkel aber weniger) aber es gsehd för mi als nicht-arzt au wie trochni Huut us.
Wie gschrebe, i bis schnell gah zeige bzw. ha chönne mim KiA Föteli schicke und sie hed d gmeint bi jedem Wickle icreme mitere Fettsalbi und luege öbs bessered. Das esch vor gued 2 Woche gse, aso i cha der leider no nüd gnaus säge.

aleksandra

Ja mine hets ebe au uf beidne rechts meh als lings, ich tues jetzt immer wider ihcreme mal luege obs besseret

Tanja87

Das isch zimli sicher Neurodermitis... Het jedefalls recht ähnlikeit mit dem was üsi chlini hed... Hend ihr au Problem (oder ide Kindheit gha) mit de Huut? Ich han das drum dummerwis wiiter vererbt😣
Ich behandle sie etzt mit Antidry (calm, wenn sie kratzt, nimmt drum de juckreiz) und bin mega z friede👍

dina

Mini Chind hend au Neurodermitis, gseht bi ihne genau eso us wenns ide "Hochphase " sind. Hani au als chind kah, bis zum 12.lebesjahr 😕

Füxli

Dexeryl creme hrt üs sehr gholfe bi üsem kli. er het lest johr brudt und hals so ka zum teil au rissig und offe. mir chönd si bi da kinderärztin aifach hole. i find si eh super creme

dina

Dexeryl creme het bi eus leider gar nöd viel gholfe. Mir cremed i mit de neue Bepanthen creme ( extra für Neurodermitis ) und wenns ganz schlimm wird hemer no elocreme, die wird aber selte bi eus benutzt.

Adorable

Be üs hed d Dexeryl au nüd gnützt, drum hemmer Linola Fett becho.

I weiss nüd das is gha han, aber jo jetzt chömers ned ändere

Tanja87

Dexeryl hed bi eus au ned soo guet ghulfe😣

aleksandra

Also ich han dexeryl au becho, und mues sege es het ghulfe, aber han au zuesetzlich no mitpurelan crem gmacht die isch uf naturbasis und bi sehr zfride, de chline het nüt meh ade bei drfür jetzt bizeli am hals e chlini stell aber nöd tragisch

irina11

Ja das sieht nach Neurodermitis aus.Meine Impferfahrungen sind generell ganz normal.Ich hab keine Angst davor.