Wachphase nach stillen in der Nacht

Peach

Hallo zusamnen

Meine kleine ist nun 3 Wochen alt. Wir hatten sie bisher zum schlafen in unserem Bett in der Mitte in einem Schlafnest. Seit einigen Tagen ist sie nun im gleichen Nest im Beistellbett. Ich habe nun das Problem, dass die Kleine wenn ich sie gestillt habe und ins Bettchen lege wacht sie nach 5 Minuten wieder auf und dann ist nicht mehr an Schlaf zu denken und wir sind über eine Stunden wach. Kennt das jemand? Oder hat sonst jemand einen Tipp wie die Kleinen nach dem stillen gut einschlafen? Hin und her schaukeln macht sie zwar ruhiger, lässt sie jedoch in dem Moment auch nicht einschlafen.

JennyHelin

Also mit 3 Wochen kann man noch nicht erwarten das sie schläft wenn es nacht ist 😁 sie hat noch gar kein rytmus... meine war in den 1ten 2 monaten auch immer mal wach in der Nacht und solange Sie nicht höllisch weinen ist doch das halb so schlimm 😆 da gibt es dann noch ganz andere Zeiten. Ich würde Sie lassen, das pendelt sich dan schon ein

Füxli

schlüss mi do da JennyHelin a. so kli kennens no kein rhytmus was schlofe agot. abr solang si zfriede isch odr dini nöchi brucht würi si aifach si lo. si pfüselet den scho i. und falls si uf die pfüsele will und du a tragtuech odr traghilf hesch aufach si det dri tue fals du verschlofsch musch kai angst ha das si aberutscht. mir hend si erste Woche ab da 2 nachthelfti viel so gschlofe

Peach

Mer isch scho klar das sie no kein rhytmus händ 😂 sie isch ebe ned z frede i dere zit sondern mega quengelig und brüelet zwüschet dure au immer chli. Klar isches ned so schlimm und wird sich ipendle. Mich hät eifach wundergnoh eb öpert das kennt und velecht no en tipp hät wo ned ufere 0815 internetsite staht.. vorallem well sie amig es paar minute zfrede isch und denn fangs a, isch die letzte nächt immer genau glich abglofe. Aber danke für de tipp mitm tragtuech.. probieri nögst nacht velecht mal us 😊

Füxli

Fals es vorwurfsvoll übere cho isch tuts mr leid isch kai absicht gsi. seinzige wo bi üs gholfe het isch nöchi. entweder uf mir odr mim maa heter di 2 nachthälfti gschlofe. meh vergisst ebe recht schnell das si jo so lang bi eim im buch gsi sind und immer nöchi sicherheit und geborgeheit ka hend. und jetzt fehlt neh das. ho testes mol us. so halb sitzend lige schlofe got den ganz guet wel du beuchsch au din schlof

Mimi89

Ich ha mis Kind am ahfang au immer gstillt,denn isch es ihgschlofe und denn ins Beistellbett gleggt. Nach 5-10 min isches wieder hellwach gse. Ha mit minere Hebamme drüber gredet,sie het gseit so kleini Kinder bruche no ganz viel Körperkontakt zu de Eltere,ich söll s kind doch nachem stille bi mir im Bett bhalte... jetzt 6 monet spöter isch es immerno bi uns im Bett und für uns alli stimmts eso,da ich ihn au no still in dr Nacht😊

JennyHelin

Ich hans au ned bös gmeint 😘 hoffe es isch ned falsch übere cho ... aber die chli isch so lang bi dir gsi und jetzt plötzlich nümm 😩 filicht würdi sie bi dir im Bett ha bis sie schlaft und de vorsichtig is Bistellbett legge 🙈 das hani au so gmacht ... jetzt schlaft sie wider bi eus im Bett und isch 15 mönät alt .. und ich muess Sie in schlaf begleite .. und mir beidi gnüsset das 🥰 aber da mir nur es 160 Bett händ wirds mängisch rächt äng und min Mah gat de meischtens is GäschteZimmer 🤔

Moonpie87

Ich würd sie direkt bi dir schlofe lo a dinere Brust und wenn sie abdockt bi dir am Körper....ich denke und wette fascht, dass sie denn nöd so schnell ufwacht. Es ligt i de Natur vom Baby nöch bim Mami zschlofe 😊 ich mach das sit Geburt so vor 11 Monet uns er het eigentli nie Wachphasene.

Peach

Merci für euchi Tipps! Bin wohl hüt am morge no liecht reizbar gsi 😂Wahrschindli händ ihr recht, dass sie eifach wot bi mer blibe.. wirde die nacht mal versueche sie länger bi mer z ha bevor ich sie is bistellbett due oder susch bhalte ich sie ganz bi mer! Ich hoffe das so mir beidi zu chli meh schlof chömet die Nacht 😁🤗

Moonpie87

Das dönt doch super. Weisch es wird no mängi Phasene gä wo dis Kind viellicht plötzlich i de Nacht wach isch, wot spiele oder weiss ich was...das gits viel. Es isch sicher u wichtig Nöchi gä, das brucht es Baby immer und vermittlet Sicherheit und Geborgeheit. Wenn mä akzeptiert ischs eifacher au die mpehsame Phasene wos no mängi wird gä...Schlofe will gelernt sein, das brucht Zit und bi teil Kind es paar Johr 😉 aber irgendwenn schlofet sie all dure.

Mimi89

@Peach,wie isch die Nacht gsi?

Peach

Ich han sie die ganz nacht bi mer gha und im legge gstillt demit sie grad hät chöne witer schlofe wenn sie fertig trunke hät.. es isch super gange, sie hät die ganz nacht ned brüelet 🤗 min schlof isch allerdings sehr unruhig gsi, mue mich no dra gwöhne 😁Danke für euchi tipps, ich ha ned gseh das d „nöchi“ vom bistellbettli wohl ned langet für sie..

Mimi89

Das isch doch super🤗🤗🤗 das mit em unruhig schlofe isch normal,das isch dr Muetterinstinkt😉

Moonpie87

Hey mega toll 😊😊 das leit sich imfal mitem unruhige Schlofä, mä gwöhnt sich dra und het au irgendwenn kei Angst me am Baby weh zdue, es verdrucke oder suscht öbis 🤣 ha au es Bistellbett aber nur als Schutz wegem Usä gheie. Minä cha gar nöd schlofe wenn er nöd a mir chlebt 🤣🤣🤣

rahel3590

Ich würd mich da auch nicht großartig wundern. Mein kleiner Junge war in dem Alter auch nie zum Schlafen zu kriegen, weil ihm der Rhythmus gefehlt hat. Ist dann nach einer Zeit besser geworden...

Peach

Merci vell mal für euri Antworte! Sit ich mini Chlini eifach nebe mer pfuuse lah funktionierts ganz guet und ich han mich au schl dra gwohnt 😊 wirds aber nögst Wuche de nomol einisch mitm Bettli probiere. Mini Hebamme hät gseit ich sell es treits T-Shirt vo mer inelegge. Wenns denn ned gaht weissi jez wenigstens a was dases liet und ich han sie denn ganz schnell weder bi mer 🤗

Moonpie87

Super 👍 glaub aber nöd dass sie miteme Shirt chasch abspiese 🤣🤣 die sind nöd blöd. Isch jo au dini Wärmi, dis Schnuufä und alles wo ihre Geborgeheit git. Babys sind ebe nöd gmacht zum allei schlofe, nur wenigi mache das. Aber gnüss es, es goht schneller umä als dänksch und denn wirsch die Zit sehr vermisse.