Babys wo spat und schlecht ischlafed....

Romadina

Wer hät au es Baby wo nöd am 20:00 is bett gaht und denn grad no vo selber ischlaft? Sueche Mamis wo au regelmässig spat am abig müend brüelendi Babys in schlaf träge/stille und wider träge und was weiss ich... ghöre i mim Umfeld nur vo Babys wo früeh is bett gönd und womögli no dureschlafed.
Chönt echt es paar wort ghöre vo eu wos ähnlich gaht 😅

MooM95

Also mini ersti tochter ish eso gsi wie i dim fründeskreis. Die hetmer ide erste nacht womer dihei gsi sind sho 5-6h duregshlafe. Und de shlaf recht shnell gfunde am obe.
Mini zweit tochter 1.5 mönet, shlaft sehr unruhig, chund ab 19.30 praktish all 30-60min, möcht treit wärde oder be mir generell sih. S früehste wo sie den wüekli 1.5-2.5h shlaft, ish ab 23.30/00.00.
Besh ned die einzig.

Romadina

Danke für dini antwort! Mega guet mit dinere erste tochter... und di zweit isch ja no ganz chlii 🥰
Also schlaft sie um die ziit scho, brucht eu aber all 30-60 minute no zum wider wiiterschlafe oder wie?
Eusi gaht überhaupt erst viel später is bett, sie isch de ganz abig wach mit eus... 🙈

Babyboy

Bi üs ishs o so. Er schlaft zwar ca am 8ti haubi 9ni. Aber o eher unruhig. Ir Nacht Stille ig ne sicher aui 1.5Std. Ha zgfüuhh er brucht das eue grad🙈 ah ja er schlaft ni mir im Bett. Wiu voremne Monet er nüme is Beistellbett het wöue u nur grännet het. Iz sigs e so🙈😊

sunny83

Mini muus 2 1/2 mönet schloft erst om die 21.30 uhr rechtig tüüf...mir legget sie am ca 20 Uhr is bett de gids no schoppe ond de moss mer sie x mol us em bett nä obd i schlof träge...

MooM95

@Romadina
Nenei sie ish wach mit mir vlt "shlafts" mal 5-10 min und ich denk mer so: jaaaah hüt früehner shlofe💪 nene nix mit shlafe. Shlafe dümer früehstens ab 23:30😅

arijeta

Mine schloft ame au erscht tüf ab 00.00 ha scho alles mögliche versuecht. Und das sit Geburt, ez escher 5.5 Mönet. Ha der leider kei Tipps, aber lose gern mit 😄 besch uf jedefall ned die einzig😌☺️

Maryon

Uiiii das sind Gschichte 🤤 cha mer daa gar ned vorstelle. Üsi schlaft sit sie 1.5 mönet isch 4 bis 5h und de ischs mit 6 mönet uf 7h 8h ufe und ir nacht nüt meh...und etz mit 1 jährig gaht sie 20.30h is Bett trinkt am 6i und staht 7.30h uf ca. Hand au sehr wenigi schlaflosi nächt erlebt. Sie isch fast emmer usser die erste wuchene allei im bett igschlofe. Nuggi amal 1 bis 2 x geh gits aber süs gross hemmmer nüt gha. So sinds verschiede. Wahnsinnig 🍀

Tanja87

Wie isch denn d Schlafsituation bi euch? Schlafid euchi baby's allei im Zimmer? Bi euch oder bi euch im Bett? Was sind denn euchi Erwartige a euchi Neugeborene? Es isch doch völlig natürlich das so chlini Schätzis d Nöchi und Wärmi vom Mami bruuched... Ich han grad letsti en Artikel gläse wo mier au meh Verständnis im Umgang mitem Schlaf vo Babys oder Chlikinder geh hed. Eusi Gesellschaft drängt üs immer wie meh ine Schiene em Grundinstinkt ned entspricht.
@Romadina das seged imfall viel au wenns ned stimmt. Setz euch ned under Druck und versuech au am Tag mit dim chliine Schatz echli go ligge.
Es isch sträng ich kennes.
Bin sid 15 Monet jede Abig eusi Tochter is Bett am tue😅 sie will eifach kuschele und brucht seeeeehr viel Nöchi zum ischlafe. Gniessed die churz Ziit😍💕

Babyboy

Tanja87 auso bi üs schlaft Dr Chly nebe mir I üsem Bett. Und ig erwarte rein gar nüt vom ne Baby Thema Schlafe etc. Sie bruche nähi und Körperkontakt. 🙈 Romadina ZBuech, Ich will bei euch schlafen, vo Sybille Lüpold ish super zläsä gsi.
Ah ja.. Es ish für d Chind gsünger wensi ir Nacht mehrmals chömme, Hirnentwicklig etc lut däm Buech. Chas sehr empfehle. 😀

Romadina

Danke für euri bricht! Etz gahts mir grad biz besser! 😆 lueg mir das buech mal ah...
Aber ich chan fast nöd glaube dass die öpis verzelled wo nöd stimmt 🤔 und ich würd mi ja au nöd vergliche wenns mi nöd so fertig mache würd... 🙈 aber ziite werdet sich ändere, irgendwenn wird sie sicher besser schlafe! Hüt hät sie vom 22:00 bis am 4i duregschlafe! Mega 😄💪 wenn me so biz „usziite“ hät, mag me ja nachher au wider eher...

rahel3590

Also mein Sohn hat für auch immer erst sehr spät geschlafen...Ich schätze so 22:00, konnte dann auch länger nicht schlafen.

Romadina

@rahel3590 Und wie alt ischer jetzt? Und wenn ischer denn früener is bett gange? 😅

tinana

Üs hets gholfe eifach fix jede tag gliech is bett tue und nid warte bis sie so richtig müed wird. Und vorher immer dä gliechi Ablauf das sie gwüsst het jetzt gohts is bett. Also esse, denn no bitzli ruihg spiele oder kuschle singe und au alles chli abdunkle wills jo Nacht isch 😝

rahel3590

Romadina schrieb: »

@rahel3590 Und wie alt ischer jetzt? Und wenn ischer denn früener is bett gange? 😅

Sorry ha ersch jetzt gseh dass du mich ja mal öpis gfragt hesch. Üsen Sohn isch jetzt guet 2 Jahr, also denn ischer im Mai.... hmmm Rechne isch na nie mis ding gsi ;-)
Die Phase vo de Schlafstörige sind zum Glück dure. Mir gänd jetzt jede Abig vorem Ischlafe es warms Getränk und nämed öis Ziit um is Bett ztue.... Zuesätzlich hämer na e Ischlaafhilf womer uf dere Siite gfunde händ:
https://www.wearemoms.de/wann-schlaeft-mein-baby-durch/

Jetzt klappts super.

Und bi öi so?

NRM

Isch die syte no aktiv? Ha es 3 monet alts meitli, wo unseres ehebett übernoh het und nur uff mir schloft am daag🤣verbringe momentan mis läbe so zimlich nur vorem dampfabzug und uff de bei😅 hoffe do no ‘leidensgenossinne’ zfinde😅

Füxli

liebi N0390 also min tip bezüglich dampfabzug via youtube gits 8 stündigi dampfabzug grüsch wo üs slebe grettet hend die erste paar mönet. er isch so super schnell igschlofe und ruhig. mir bruchents jetzt no ab und zue ☺️

NRM

@FüxliJaaa ich weiss es aber mis baby loht sich ebe nit verarsche🤣🤣🤣ha en elektrischi wiege kauft, iischlofhilfe, ha apps mit sounds aabeglade und im YouTube gueti gsuecht aber nüt ersetzt ihre heissgeliebte dampfabzug und mich wenn ich sie dert vorne dra umme trage🤣🤣🤣

NRM

@Füxli Sorry voll din username verschandelt vorher😅

Thea

@N0390 häsch scho mal probiert, s Grüsch direkt ab euem Dampfabzug ufzneh?

NRM

@Thea Jä hani gmacht, funktioniert au nit🤣🤣 aber syt 2 daag het sy agfange en nuggi neh und syt denn ischs e bitz eifacher mitem schlofe:) vorussgsetzt sy het en gueti nacht ka, wenn nit isch sy dr ganzi daag uff mir am hänge🥵😅

Füxli

haha alles guet. ou naaai das isch streng. mir hend recht früeh usegfunde das da dampfabzug üse joker isch drum hemeren evt chöne überliste 😆🤷🏻‍♀️ juha das isch schwirig. hoffe dwiegi klapt. nuggi het bi üs au gholfe und halt stille und den is bettli lege abr jo gel bim mami isches halt aifach am schönste 🤷🏻‍♀️😄

Miette

Wie wärs mitere dondolo für ane türrahme? Kollegin het so eis, sithär schlaft ihre baby au elei.

fabienne91

joh unsere het am daag aau nie allai gshloofe und jetzt im dondolo gohts plötzlich 😊

NRM

Hmmmm grat mol go google🤣🤣

fabienne91

also ich muess dezue sage, mir hend uns jetzt none motor dezue kauft, will er shlooft genau solang wie meh das dondolo schauklet 😂🙈 hend eine vo swing2sleep ish super 🤩

NRM

Jo das wird denn by mir sicher au dr fall sy falls ich mr eins zuedue🤣🤣