Verischerung für Mami vor der Schwangerschaft

Tanzmuus

Hoi Zäme
Ich bi noi do debii. Ich bin Tanzlehreri und studiere no näbebii. Ech ben scho überemen Johr i de Kinderplanig, aber konkret werds denn abem September. jetzt hani aber scho en ersti frog, woni gärn mol paar Meinige wörd ghöre. Ech weiss, dass be de Versecherige en Karenzfrist giltet, dorom do ech mech jetzt scho mit dem usenand setzte. Ich froge mech, wie er das so gmacht händ. Send er allgemein versicheret för die Ziit i de Schwangerschaft und Geburt, oder sender Halbprivat? Lohnt sech Halbprivat? Was wördid er so empfähle. Ech ben be de CSS versicheret und momentan hani en KOBE (kostenbeteiligung) för Halbprivat vo 40% und das esch sehr vell. Was för Köste chömid uf eim zue be de Geburt? Wie momer sech das vorstelle? Esches empfählenswert sech för Schwangerschaft und Geburt halbprivat z'versichere?
Danke schomol för üchi Antworte

brixNZ

Karenzfrist isch 12 Mönet (vor Geburt). Wasi der bi CSS cha empfehle z mache wenn du vor häsch im Spital z gebäre: Spitaltaggeld Versicherig. Da chunsch pauschal für d Geburt en Betrag über, das lohnt sich sehr

Tanzmuus

Super danke för de Tipp. Frogi grad mol noche Hesch denn du (brixNZ) halbprivat, privat oder allgemein versicheret förd geburt?

brixNZ

Ich bi allgemein versicheret mitere Zuesatzversicherig (ambulant myflex) heisst glaub etz andersch mittlerwiile. Im Spital woni gsi bi go gebäre hätts nur 2er Zimmer und mer isch allei wenns nöd grad zvill Asturm hätt. Für s erschte Chind han ichs schön gfunde es Zimmer z ha wo dä Ma au hätt chöne bliibe. Etz bim zweite hätt er eh müese uf dä Gross luehe dihei

Miette

Ich bin allg. versichret gsi. Han au ime spital gebore wos nur 2er zimmer gä het. Und wier hei nu zfamily-zimmer gno & de het min fründ bi mier törfe im zimmer schlafe. Isch es schöns erläbnis gsi.