Gemeinsam Hibbeln

Moowgli

Oh wickie das sgfühl kenn ich sehr guet.. bi mir wird rundume au gad wieder einiges schwanger.. aber ich bin sicher das es ned bi allne so easy peasy isch wies dargstellt wird.. leider redet die meiste ned drüber.. es duet mer sehr leid das ihr es sternli hend müesse ziehlah.. aber es isch eifach nani parat gsi für eu, dass dreht ets en extra rundi.. lahn dich drucke.. eusi Zit wird au na cho womer chönd chugele..

wickie

Ou jo das verstohni da wür mi au nerve... i chum mengmol eifach s gfühl über alles isch gege mi... das mit em hus lauft nöd rund den das mit em schwanger werde au nöd. Wür hüt sunne schine würs mi glaub nöd so belaste... i denk halt au dass i de zyklus chan abschriebe.

wickie

Moowgli ja i denk viel a mini 2 sternli und seg mir es het en grund gha dass nöd ghebet hend aber glich machts eim au trurig.

•Elefäntli•

Weiss nö ob das chli passend isch aber i denk viel bidä Sternmamis Evt isch besser wenn das Sternli gange isch wie es häd ä behinderig oder susch was, meistens sind die wach und möged wäg dem nö blibe 😬

•Elefäntli•

schwach.

wickie

Jo do hesch recht da isch für mi au da wo mi tröstet. I seg mir da chind isch nöd gsund gsi oder het sogsr gspürt dass für üs happig worde wer i mein da wer am 14.juni uf d welt cho juhui mit eme baby im wohnwage wer glob scho nöd so lustig.

•Elefäntli•

Also s Schicksal häd eigentlech „richtig“ entschiede es gid doch immer en grund warum.
aber i säg immer au das währi gange 😅😀

wickie

Jo definitiv es het richtig entschiede. Jo klar wers irgendwie gange... hend jo no eltere mit ere rechte wohnig 😉 naja mi cha au niemert verstoh, dass i glich wöt schwanger werde trotz dere situation. Aber i wöt de abstand zwüschet em baby und em chline nöd no grösser mache bzw. I weiss jo nöd wie lang, dass es goht bis i schlot

•Elefäntli•

Ich verstoh di aber ganz guet. Das han ich au nie wele und es isch abdersch cho üse Bueb isch leider nö ganz gsund uf d Wält cho und ich bin dur das nie bereit gsi für s zweite kind do mini angst z gross gsi isch es chönd au wieder was ha. Jetzt woni bereit bi bereuis dasmer nö gad gstartet händ do üse bueb scho 3 wird und s au nö wet funktioniere.

A jo au bi dene wos grad i schlot die händ defür anderi sorge.

Moowgli

Oh Elefäntli.. mängisch isch es extrem ungerecht.. aber Kinderkriege chamer ned plane.. und wer weiss obs würklich gad sofort wieder bim erstemol ischlaht.. aber ich weiss wies dir goht..

Ich bin sicher und glaube fescht dra das mir alli im 21 es chlises wunder dörfet Willkomme heisse in eusne Arme.. es goht bi eus halt es bizz länger.. ich drück dich ganz fescht..

•Elefäntli•

Do bini au zueversichtlich das mir dörfed bald schwanger si 👍🏻💪🏻

Moowgli

Du bisch aktuell idä warteschleife?

•Elefäntli•

Jo genau am 6. Juli hämmer s gspröch für s witeri vorgehe

Moowgli

Ah ja stimmt hesch mer mal gschriebe..sorry mis hirni im Moment ganz schlimm..🙈 wenn söttsch dini Täg becho?

•Elefäntli•

Jo genau, isch jo glich me häd wichtigers im kopf 🤣Dä Fritig söti mini Täg öber cho

wickie

Jo gel i het eigli ger nöd s recht zum jommere... schliesslich hani zwei gsundi jungs. De gross wird nöchst monet 5i und de chli isch im märz 2 worde eigli sötti jo nöd jommere... i ha noch de fehlgeburte au immer ziit brucht bis i mi wieder druf i loh han und grad jetzt bi de letschte fg hani extrem ziit brucht do die fg mit so viel angst verbunde gsi isch. ich denk jetzt au positiv und hoffe dass mir alli im 21 es baby hend 😊 positiv denke und überzügt si dass nöchst zyklus klappet.

•Elefäntli•

Au du dörfsch jommere mit zwei gsundä Kind 👍🏻

wickie

Elefäntli danke 😘

minggi

Ohh jammere findi im momänt ai grad super. Verstah üch all total. Tuät mr leid das ier üchi stärnli hend müesse lah zieh... ich find im momänt z läbä isch nid würklich fair und ich frag mich obi ächt scho alles glück verbrucht ha wo mier zuestaht... kollege fu mier hend scho 2i und ich bin no nid mal ahsatzwiis schwanger gsi. Usser i mine gedanke🙈... jetzt en erfolglosi iui woni doch soo fest positiv dänkt han. Weiss nid obi numal eini söll ahänke oder mal chli uf TCM und es wunder hoffe... bin planlos, han gester grad mini läbensträum gseh devoo schwimme...

wickie

Minggi oje ich verstoh di voll und ganz... es isch im moment eifach unfair... mir liedet alli mitenand den isch es chli eifacher zum neh

Moowgli

Minggi du stahsch na ganz am Afang vo dine Möglichkeite. Ihr hend fang ein iui gha das isch na nüt.. klar ihr versuechets scho es Momentli aber ohni unterstützig.. ich verstah das gfrustet bisch das es ned gad bim erstemol klappet het aber es isch dä ersti Versuech gsi.. fang doch mol mit tcm a, als Begleitig und dänn versuechet ihrs eifach nomol mit iui.. 🍀🙏🏻✊🏻🤞

•Elefäntli•

Jetzt muessi schnell froge TCM isch Akkupunktur oder?

Ich gohn au sit 2 Monet id Akkupunktur und es häd sich was due a mim Körper ich han fast kei Mittelschmerz me ka plus ich bin viel meh uf energie gsi a mim erst Tag vo mine Täg süsch wäri am liebste nume ume gläge und nüt gmacht alles hed mi ah gschisse. ich werd bestimmt witerhin id Akkupunktur goh

wickie

Jo TCM beinhaltet Akkupunktur... isch aber traditionelli chinesischi medizin... i bi au gange ha aber müesse höre wege ziit mangel... het mir aber au u guet due

Moowgli

Hey mini Liebe wie gohts eu??

wickie

Hoooi, jo sowiet ganz guet... min nmt chunt immer nöcher und i due mi achli ablenke mit werkstatt usrume(git üsi provisorisch stube/kuchi) und wie gohts dir?

•Elefäntli•

Bi mir söts morn sowit si 🙈 söt mini Täg öber ch irgendwie gspüri was aber sit dä Akkupuntur muessi min Körper wieder neu kenne lerne 😬

wickie

Oh jo da glaubi... i gspür au chli was globes mini täg kündet sich a. S einzige wo mi chli stutzig macht isch, dass mir brüscht so weh düend da hani sust immer bi allne ss gha.

•Elefäntli•

Wär weiss druck dir dumme 👍🏻

wickie

Danke

Moowgli

Oh das tönt vielversprechend bi allne.. hoffe das bim keim dä Drache itrifft.🤞✊🏻🙏🏻Mir gohts guet.. bin echt sehr glasse im Moment.. und chan mich mehrheitlich guet ablenke.. ab und zue en liechte druck im undere Buch aber das düti als nix.. bin im moment gad sehr realistisch und denke das es fast ned chan sie das gad wieder so schnell klapper het und stellt mich eili au ufen 2/3 Versuech i.. drum isch gad alles recht ok.. und ich nimme wies chunt

Annic

Hallo Ladys, ha fast alli kommis glese🙈
Ich ha en sohn 2006 und e Tochter 2009 ha zwüsched dene zwoi, 2 kind verlore churz vor de 12 Wuche und sie im 2009 währ en zwilling wo ich den leider au verlore ha.
Ich ha immer nu ein zyklus gha und be immer grad wieder schwanger worde. Es isch sehr e trurigi ziit gsi do weli eifach ned meh weder 3 johr ha welle zwüsched mine kind. Hormonspiegel au voll ufe und abe gsi. Ich bin bim erste 24 gsi und bi de zwoite 27🤪 ja jetz zum thema ich ha jetz en neuie andere partner😂 (na doof zum schriebe) und ich ha sit im 2009 mit spirale verhütet wels für mich abgschlosse gsi isch mit kind, ich ha vor 2 monet so schnell zue gno en buch becho we im 4-5 monet schwanger, somit bini vor 4 wuche bim frauearzt gsi weli sgfühl gha ha das ein schwümmer vom schatz eifach sou stark gsi isch. Ich ha fast 2 wuche uf termin gwartet und i dere ziit hani mega demit beschäftigt und au demit agfunde dases so isch.

De arzt seit nöö isch nix aber er heg gfühl das spirale nümm richtige verhüetigs mittel seg( da ich öpe chli müeh gha ha mit bluetige brust schmerze usw) somit het mer die spirale use gno und mir hend euis jetz geinigt das mir doch na zäme es baby wend und somit simer au fest am hoffe😍

Jetz hani mega viel gschriebe chönt na meh😂😂 Aber schüüchd eui ned frage stelle wenner was wend wüsse. Liebi grüess

Moowgli

Herzlich Willkomme Annic. 🤗 din Verlust tuet mir sehr leid.. ich hoffe für eu das es wieder so schnell klappet und das es damol au alles blibt und guet lauft.. 🤞 sinder ets im 1 ÜZ?

Annic

Ja genau. Ich ha am 11.märz spirale entfernt, und am 30.3 hani mini Täg serste mol becho. Und jetz simer am üebe 😂😂 somit gsämer was passiert. Bi natürli einiges elter weder bi mine 2 andere Kind😬

Annic

Seich ned märz MAI

Annic

Jöö danke viel mal. Immer sehr spannend anderi „Fäll“ zghöre.

•Elefäntli•

Willkomme Annica
Sehr ä spannendi gschicht und druck au dir ganz fest dumme ✊🏻✊🏻✊🏻

Annic

Danke @Elefäntli

wickie

Herzlich Willkomme Anic, duet mir sehr leid wa du hesch müesse dure mache... drucke dir ganz fest dume, dass nöd lang muesch warte bis eues glück i trifft.

Annic

Danke eui viel mal.

Dörfi froge we alt ihr mädels sind??

•Elefäntli•

ich bi grad 29 worde 😅

Moowgli

Ich wirde nögscht Sunntig 39 🥺😩

Annic

@Moowgli Willkommen im club ha scho denkt obi da die einzig Seniorin bin😂😂 allerdingts erst im november.
We viel Kind hesch du?! Und sind su in planig oder?!

softy

Ich au im november🙈

softy

Hallo übrigens, bin au scho länger am probiere. Tochter isch 3,5. letscht joor gets endlich mol klappt gha und denn aber e missed abortion gsi. Im märz mit hormon stimulation versuecht, het aber nit klappt und mega de zyklus gschrittet und no zyste geh. Versueche momentan tcm. Het mer mit mim allgemeine befinde scho sehr ghulfe.
Hets bi öpperem mit tcm klappet?

Annic

@softy Ihr au no in planig?!!

softy

Ja wenns das joor nüt meh wird denn muesis wohl abhoke😕

Annic

Das hani mir au gseit.

softy

Ah sorry han mi jünger gmacht😂, im nov wirdi 40😓 schisst mi chli ah😝

•Elefäntli•

demfall bin ich dä Jung schnuffer under üs 🤪😂

wickie

I bin 32. Hend mir üs ger nie vorgstellt? I weiss das gar nüm 😆

Herzlich Willkomme softy au dir ganz viel Glück