Gemeinsam Hibbeln

AnnaZH

@Elefäntli ui nei sorry. Has erst jetzt glesä😢 Schade... Dotmr mega leid❤️😢

Annic

@elefäntli duet ner leid.

•Elefäntli•

I nimms sehr locker. bi dem Zyklus machemer e Isemination, wenn bidä Durchlässigkeit alles guet isch 💪🏻

AnnaZH

@Elefäntli Okey, dänn klappts bestimmt im nechstä Monet. Druggä dir wiiterhii ganz fest Duumä✊

•Elefäntli•

Danke ☀️

Annic

daumendrück feeeeeest. ❤️

Moowgli

Oh das tuet mir leid.. und hoffe ganz fest das es im nögste Alauf mit dä Iui klappet..🥰

•Elefäntli•

Danke eu es chunt so wies muess cho 💪🏻👍🏻

minggi

@•Elefäntli• oh nei duet mr ai leid. Ha scho dänkt äs gäb da mal än positivi nachricht. Hät üs glaub allne guet ta. Hoffe fest de nächst isch diin glückszyklus🍀

Annic

Ja mir hocked alli im gliche Boot. Hoffe ner dörfed bald öper an land bringe.. ❤️😂

Moowgli

Ja das wünsch ich au jedem vo eus das da mol öber chli ss vire verstreut..

Wer chan nögstens Teste?
Ich chan die Wuche spötestens am Fritig en Test mache gemäss Kiwupraxis.. mal luege obis erscht am Fritig mache.. aktuell denki eher ned das es klappet het.. han absolut null Azeiche..

wickie

Oh @Elefäntli das duet mir leid. Auf in ein neues. Au i hoffe, dass bald mol öppert dörf positiv teste und den de afang macht für üs alli.

Annic

Ja also da hoffi au für alli.

Ich bi grad voll um de eisprung ume... also bi mir duureds nochli bis zur mens oder teste chan.

Moowgli

Dä Versuech nummer 2 isch au nix, bin hüt ES+12 und hanen früehtest gmacht dä isch Blüetewiss (bi mim Sohn hani ES+11 positiv testet) also warte bis dä Drache chunt und in Versuech nummer 3 starte.. und wenn dä nix bringt gömmer wohl en Schritt wieter..🤷‍♀️

•Elefäntli•

Phu Moowgli duetmer leid hoff das bim 3 versuech besser usgseht.

Gid mir grad chli z denked i hoff mir bruched denn nö 3 versüech🥺

Moowgli

Bim Sohn hets bim erstemol klappet.. das gits au.. eifach ned druf verstiefe.. mer sind eus scho bewusst gsi das mer sicher ned namal soviel Glück hend das gad wieder bim erstemol klappet..🙈 ich denk bim 3 Versuech schlahts dänn i.. aller guten Dinge sind 3 🤣🙈

minggi

Oje tuet mr leid, hoffe fest klappet bim 3 mal 🙏

Ich han mal churz e frag, vilicht kännt das öpper. Han mini mens becho letsch samstig nach 30 täg🤦‍♀️ sit gester eig meh oder weniger verbii. Ha jetz aber unterliebsschmerze we bide mens. Känn das so niid, isch ächt das normal oder muessi das abkläre?

AnnaZH

Ou nei Moowgli, abr bim drittä Mal klappts bestimmt. Wahrschindli klappts dä bi üs allnä fast glichziitig😅 dänn machemer nechstä Früälig äs Babytreffä😉

bimir gahtz au nuch äs ziitli bisi chu testä...ha das Weekend ES... und Geduld isch aso au nüd mini sterchi😅

@minggi das chu natürli viili Gründ ha. Ich ha das aber fast jedesmal. Au nach dr Mens nuch Unterliibsschmerzä und bimir isch alles idr ordnig was das abelangt. Abr ich würs trozdem mal im Aug phaltä...

Zireael

Hey ich bin au wieder bi eu am mitHibble☺️ han jetzt mini 2 Mönet Zwangspause weg de RöteleImpfig ume und chan de Zyklus Starte🎉Ich bin aktuell bi ZT4 und am Dienstag ZT10 chani zu de Kiwu mich wieder go zeige. De ES wird bi mir usglöst und den bechum ich Progesteron über. Wünsch eu allne gaaanz viel Glück 🍀 🤗

Moowgli

Hey Zireal

Welcome Back.. 🙃 schön das Zwangspause dure hesch.. unds ets wieder chan losgah.. druck eu Dume das es glii klappet..

Wie gsehts bi eu dänn us welle Weg werdet ihr ischlah gemäss KIWU?

Zireael

@Moowgli Hey Hoii 🤗 wie gahts Dir?
Ich muess bis jetzt nur weg de GKS behandlet werde, paar Ultraschal weg de Follikel riefig ES uslöse mit sprütze und den muessi nur Utrogestan neh. Glaub ich muess na dä Monat no luege ob Spermie dur de Zervix chömed (Postkoitaltest). Deuck eu allne au Dume🥰

Annic

@AnnaZH Segs ned nögstjohr mschemer es treffe. Sind su viel öpe glichzitig mit de zyklä😍

wickie

@Moowgli oje das duet mir leid. Hoffe ganz fest, dass es bim 3. Versuech klappet. Wie seit me so schön, alle guten dinge sind drei. Das mit em babytreffe isch e cooli idee. Das müemer üs vorneh den schlohts sicher bald bi allne i 😆

Moowgli

So min Drache isch scho glandet hüt am Morge eili hätti mini Täg erst am Sunntig sölle becho..🤷‍♀️ ja nu los gahts direkt mitem neue zyklus..

Annic

Ou duet mer leid @Moowgli auf ufs neue

Zireael

@Moowgli Oww nei😖Wünsch der viel Glück für de nöchsti Zyklus🍀🍀

Moowgli

Danke mich nervts vorallem willi morn für 2 Täg is Wellness gahne 😫 ja nu so isch es halt.. chan eifach ned id Praxis morn das isch chli doof hoffe chan dasmol ohni Ultraschall afange sprütze..

•Elefäntli•

Ojee, dä seich. druck witerhin allne dumme ✊🏻

Ich han am Mäntig ä Eileiterdurchlässigkeit und bizeli angst wel sie gseit hegi es cha scho biz weh due u d söll 2h vorher e schmerztablette neh 😅

Annic

Uiuiui bi gspanne. Isch sie verkläbed?!

•Elefäntli•

Das wüssemer äbä nö 😄 lueged jetzt mol obs a dem liit

Zireael

@Elefäntli ich has au voreme Monat müesse mache ,es isch halt vom Gfühl her wie wen Periode überchunsch aber nur ganz schwach und churzi moment. Aber würklich nöd so schlimm, au de Katheter ine due het mir nöd weh da. Ich has nacher nur biz mit em Kreislauf gha ha aber zum Glück Trubezucker und Wasser dabi gha. Wünsch der viel viel Glück🍀

•Elefäntli•

I hoff es chunt alles guet 💪🏻

minggi

Hallo zäme. Ich han grad sone idee gha, weiss nid rächt was ier devo haltet🙈 doch ha dänkt frage eifach mal😂 aso ich finds mega intressant was bi üüch allne so abgaht und find de ustuusch nu wärtvoll. Was haltet ier funere Whatsapp gruppe? Mä chönt sich chli imene nid so öffentliche rahme unterhalte🤔 obwohl ja de sinn fum forum isch dases öffentlich isch😂🙈 isch mr nur so grad i sinn cho und ha dänkt frage mal was ier so dänket? Ha da nid so erfahrig beträff forum und was da so alles debii cha usecho🙈

Zireael

@minggi Das wär e mega cooli idee🥳wär gern dabi

Annic

Cooli idee

Zireael

@minggi Sölled mir dir eifach eusi nummere per Privatnachricht schicke😅

•Elefäntli•

Das hani imfall hüt morge au fast wele schriebe aber has denn si loh aso i bi sehr gärn debii 😉

minggi

Oh supr. Ja schicket mr doch üchi nummere mim name mal de machi das den hüt nu 😁

wickie

@minggi i ha da au scho lang denkt aber ha nöd recht gwüsst ob ihr da au guet findet 😊 i bi au gern debie

AnnaZH

findi au ä super idee😊 bini au gern drbi

Moowgli

Super idee wemm muni nummere schicke?

AnnaZH

An minggi😊

livjona

😅 jetzt husched ehr denn alli ab ond so erfahri nömme öb öbber dörf juble 😂 han emmer weder gläse be üch wells eifach so spannend esch, trotz de ganze enttüschige.

ech wönsche üch allne gaaaaanz vel glöck 🍀 dass ehr bald dörfed schwanger si oder söscht üche inneri freud ond friede finde, söttis us ergend emne grund ned (oder nömme) klappe. aber ech hoffe natürli uf ganz vel positivi schwangerschaftstest i üchere whatsapp gruppe. ech hibble nömme, aber han damals au lang brucht zum schwanger wärde. hebeds guet ❤️

•Elefäntli•

Oh livjona chasch jo au id gruppe cho 😂
aber danke viel viel mol mir hoffeds alli ganz fest

Moowgli

Hey Livjona danke vielmol 🙏🏻 das isch sehr lieb vo dir..

Füxli

i han au immer still mit oi mit ghibbelet und mi immer „gfroit“ zum lese wie ihr alli zeme im gliche boot sitzen. i wünsche oi vo herze viel kraft und glück das ihr oiri Familie vergrössere chönd. lönd üs doch wüsse wens bi da eint odr abder klapt het 😘

minggi

Hey Füxli und livjona
Danke üch vielmal, bi ganz überrascht weviel da mithibblet😃 mier sind dankbar für jede drückti dume😘

Miette

Da muesi mi der füxli und livjona aschlüsse 😊. Han immer mitghibblet mit euch & bi jedes mal mit-trurig gsi, wes nit klappet het. Dume si drückt 👍🏻. Alles liebe und gueti wünsch ich euch 🍀🌈☀️

TiMay

Ich schliesse mich au a. Ich ha immer mit üch mit ghibbled ond immer weder ghofft das mal öper cha positiv brichte😍Schad cha ich üch nöm mitfolge, es isch sehr interessant gsi. Ich ha bi minere 1. ss au lang gha bis es klapped hed.
Ich wönsche üch uf jedefall alles glöck vo dere welt ond das es glii klapped. Ich dröcke i jedere einzelne vo üch düme. Ich wörds üch vo herze möge gönne❤️

Annic

@livjona und @Füxli und @Miette und @TiMay viele herzliche dank. Mir werdet sicher alli bricht ge..