Kleidung Grösse

JennyHelin

Mini (Chli) 18 Mönät
Hät ahfa jetzt grossi 86 (h&m aber nachli zgross) 80i isch zchli...
Mini kollegin Ihri tochter isch 19 Mönät und hät grössi 98i (sind aber fascht glich gross)

Wie alt sind euchi und weli grössi händer ?

Mini isch scho immer schmal gsi ... aber chan das so en unterschied mache ?

Manuela🌻

also euse chlinst hät im moment grössi 80 und isch 16mt... euse mittler wird im september 4i und hät grössi 104.

Manuela🌻

chunt halt immer chli drufa wie kleider gschnitte sind 🤷‍♀️ c&a isch zbsp ja mega chli da händ mir au immer 1-2 nr. grösser als normal

dina

Mini 2 ( 9 mönet) hend grössi 80 (h&m) und c&a grössi 86.

JennyHelin

@dina was scho 80i ? Mini hät mit 9 Mönät na 68 gha 😆👌

Ja C&A isch chli gschnittä dert muessi au immer 1 nummer grösser neh ...

H&M isch degege grad Gross 😆

SHAYENNE

Mini isch zwei und het jetzt no s 86 vo letscht Jahr ah. Die churze Hose sind jetzt Hotpants 😂 Aber so langs passt chaufi nüt Neus 🙊 Langarm isches scho eher 92 😊

arijeta

Min chli bald 7 Mönet hed grössi 74. Aber es chond ame werkli durfab wie sie gschnitte sind. Bi gwössene Kleider esch 68 passend und mengmol au scho 80i.

dina

@JennyHelin mini sind au ca 12 kg schwer 🙈

Romiina

min Sohn isch 24 mönet und treit s 104 i

taniia

Min Sohn isch nonid ganz 7 mönet u hed s 74. Je nach schnitt längt aber o no s 68

igeli

Eusi kli esch 10 möne und het 86 i de hose (mues aber emmer en gummizug ine zieh wel sie dert vill vill z gross send) boday kurzarm hemmer 74 und langarm hemmer 80/86 aber au denne esh es halt well z logg sie esch 75cm het abe eigentli nor bei und arme wie so es chlises äffli🙈

amy88

es chunnt au sehr druffah was de mamis an ihrne chind besser gfallt / wichtig isch etc.
gwüssi häns lieber wenns zgross isch und sis denn „länger chönne azieh“ oder lieber richtig passend etc.
und wie guet baut / fiin es chind isch...

mir sin jez mit 21mt zwüsche 80 und 86...
viel passt ihre aber au no im 74, si isch eher e fiini chlini, aber s 74 isch halt alles langsam chli kurz... au s 80 wird langsam z kurz...
defür rutsche d hose im 86 abe und tshirt & röckli sin eifach extem „sackig“ an ihre, defür vo dr längi besser wie 74/80...
grösseri sache azieh als es „brucht“ goht immer 😉 mir persönlich gfallts halt nid, wenns so zgross usgseht und nid sitzt 😬

JennyHelin

Ja genau wie dir @amy88 gats mir au 👌😆
Aber was defür megga praktisch isch .. alli summerchleider vo letscht Jahr (68) chani Ihre na ah zie ( Hose sind eifacht chürzer und chlieder sind jetzt meh Tuikas)

Sie isch ebe au meh ziehrlicher als anderi 🤔 chind ...

amy88

hihi genau, mir hän letschtjoor im summer mit 74/80 agfange, dh sin ersch jez laaaangsam am wächsle uff 86...
bi gspannt wie lang mr bi 86 bliebe 😬

JennyHelin

Im H&M gits jetzt megga aktione ... han jetzt uf guet glück 92i kauft für de Winter .... hoffe sie gönd de

Jeaninne

Mini glai isch jez denn jöörig und hets jez grad mol ins 74ig gschafft. S problem isch abr, dass sie eher e schmali isch. Hose und bodys wäre im 68 perfeggt in dr breiti, abr d langi goht nyd. 74ig isch zwar super in dr längi abr oobe passts nyd so guet resp isch z gross.
Ich find es muess bitz passe, deerf chli zgroos sy zum dri wachse, abr nyd alles schlabbrig. So würd ich au nyd umelaufe🙈

Ha am donnschdig mitere kollegin znittag gässe. Ihre bueb isch 4 wuuche jünger wie mini und är het scho s 86 a🙈😉

dina

Wie mached Ihrs weg de Schuhe?
Mini chönd nonig laufe, also hani au no kei Schuhe kauft. Mis schwiegermami meinti aber das ich sie jetzt scho ad Schuhe dra gwöhne söll. Für mich würs sinn mache Schuhe kaufe wenns den afanged mit laufe. Diheime hends antirutsch Socke a oder eifach barfuß je nach zimmertemp.
Ich ha ihne amigs 2 paar Socke agzoge wenns kalt dusse gsi esch.
Schuhe jetzt scho ja oder nei ? Wie hend ihrs gmacht ?

Füxli

i han dSchueh erst kauft woner agfange het ersti Laufversüech zmache davor heter au nu söckli ka oder überschueh odr Lederfinkli.

Mimi89

@Jeaninne das isch oft so. D buebe sind tendenziell grösser und schwere als Meitli. Sehsch in dr Wachstumskurve wenn de Meitli und Bueb verglichsch😊

JennyHelin

@dina
Ich ha au kei schueh kauft gha ... wo sie de die 1te schritt gmacht hät hani de lederfinkli zerscht kauft ... und jetzt lauft sie supper und ich han mini lieblings schueh Marke entdeckt (Kangoroos) die chani megga empfehle

amy88

schueh unbedingt erscht kaufe wenn si laufe! mini het im herbscht afo alleige laufe, hän denn halbschueh kauft...
im summer isch si barfuess gseh odr mit läderfinkli dusse (wenn dr bode heiss gseh isch) zum an de händ laufe...

igeli

Schueh ers ab dem sie 1 monet frei lafed hani ich mal gläse

AnDu88

Ig ha üse chli so lang wie möglich barfuess/in söckli lo laufe. I bi so begeisteret gsi vo dene Nike Lauflernschüeli. Si komplett us weichem Leder und unde ade sohle nur e ganz dünni plastikschicht, si fast wie die lederfinkli. Richtigi Schueh hetter erst gha woner chli sicherer het chönne laufe. Und mir isch wichtig gsi das si e flexibli sohle hei gha wome guet het chönne biege und us leder, will er so schwitzigi füessli het. ☺️

Jeaninne

@dina: ich ha mini glai barfuess odr denn lederfinkli a. D antirutschsocke sin immer irgendwo und nyd dert wo sie sotte sy.

Ich wird ihre denn schueh kaufe wenn sie wirggli lauft und au mag e paar schritt laufe dusse.

dina

Danke allne fürd Antworte ❤