Schlaf Baby 4 Monate

farfalla83 · 5. 07. 2020, 07:37

Wievel schlofed üchi babys i de nacht ond am tag? Mini macht am Tag nome 3 mol
3/4 h en schlof. Sie esch aber meistens rächt unzfrede ond sie muess mega beschäftigung ha.

Miette · 5. 07. 2020, 10:14

Mine chli (jetzt 6 mt.) het scho immer sehr vil gschlafe. Mit 4 mt. heder fo 19.30-8.00 Uhr durchgschlafe & jewils Morge und Namittag es schläfli fo 1-2h gmacht. Und er het vil im chinderwägeli pfüselet, weni mit em hund unnerwägs bi gsi. Zbaby fo miner Kollegin het au mega wenig gschlafe. Max 30 min am Stuck und vili 1-2 mal am tag. Si hets denn immer is tragtuech gnu & da het sie chli lenger chönne pfüsele. Dadurch isch di chli denn au dütlich zfridner gsi.

farfalla83 · 5. 07. 2020, 11:54

@Miette Vo 19.30-8.00 uhr ohne zu stillen oder schöppeli gä?!

Miette · 5. 07. 2020, 12:28

Ja genau. Är isch scho immer e supper schläfer gsi🙈. Fo geburt a diräkt 8h und meh am stuck gschlafe.
Schlaft de dini iner nacht guet?

farfalla83 · 5. 07. 2020, 12:42

Sie god ou am 19.30 is bett ond schloft meistens bes am 7ni 8i aber chond 2-3 mol för es schöppeli

Miette · 5. 07. 2020, 16:19

Ah das isch ja supper. De sis ja scho 12h iner nacht. Hesch vili e wipp (es dondolo?) das het miner kollegin au mega gholfe, dass zbaby chli lenger pfüselet.

farfalla83 · 5. 07. 2020, 16:55

Jo han ech alles aber sie schaffts eifach nid länger

JennyHelin · 5. 07. 2020, 17:00

Bi Babys gits na gern so Phasene .. isch sie gard imene Schub ?

Wie viel wuche alt isch sie genau ?

farfalla83 · 5. 07. 2020, 17:22

Sie esch 17 woche

JennyHelin · 5. 07. 2020, 17:36

De isch Sie grad imene richtige Schub

JennyHelin · 5. 07. 2020, 17:40

Ich chan die App bzw. Au sBuech sehr empfehle ... zum die chline besser zverstah und es hät bi eus immer 100% gstummä

Jeaninne · 5. 07. 2020, 20:16

Mini glai het au zu däm zyytpunggt nume no 2-3x so 45min gschloofe. Unzfriede gsy und gnörgelet die ganz zyyt. Wie JennyHelin schriebt wird das dr 4 Monetsschub sy. Dä isch bi uns gabzi 4 wuuche gabge und extrem astrengend gsy.

Mängmol hets gholfe wenni am nomidaag mitere ifem
Sofa glege bi, also sie uf dr brust ka ha resp dert schloofe glo ha. Denn het sie 2h könne schloofe. Ich ha halt in dere zyyt denn eifach tv gluegt.
Go spaziere het und au no gholfe zwüsche dri.

farfalla83 · 6. 07. 2020, 09:30

Ok danke üch mol luege öb sie noch dem sprung besser schloft🤪

Ari94 · 8. 07. 2020, 20:08

Eusi chli isch jetz 2 1/2 mönet alt. Sie het vo afang ah e mega guete tag/nachtrhytmus ka wo mi scho zemli eratund het. jedoch au scho ide schwangerschaft isch ide nacht immer ruhig gsi. dure tag macht sie powernaps 10 bis max. 20 min hahahah 🤣 mir gönd am 10ni is bett, de leggi sie in schlafsack tuet den trinke und i lise ihre epis vor mit nachtliechtli. Das isch so es ritual wurde demmit sie merke cha es isch nacht. So schlaf sie bis 07:00 morge mit usnahme wenn sie doch nomal trinke wil.