März Baby‘s 2021 🥰

PaMi

Das denki ez au das d bluetig nüd viel für s gschlecht tuet😅 aber es git ja scho so verschiedeni theorie...öb die stimmed?
Hend ihr es gspühri was es chönnt sii... mengmol het mer ja we s gfühl... ich han bi miner tochter immer denkt es git en bueb😂 wild isch sie ämel worde😂😂
Und das mol lustigerwiis au🙄

NaMe

@JasEli So schön, de ❤-Schlag z erschtmau z ghöre isch so schln u berührend. Das tuet mir leid wäg däm Doc, dass är dir dä schön Momänt chlei vermieset het. Zum Glück isches nid dini FA. I ha bi mir erschte Schwangerschaft o schlächti Erfahrige gmacht, richtig schlimm isches zwar ersch im Wuchebett gsi. När hani de FA gwächslet. Höffe bi där ss wirds nid so.

I gseh churzum miner Fründinne u ha o zgföuh di merke de öpis, wenni gar ke Wi oder öpis trinke. Muess mir no e gueti Usred la ifalle...😎

Bi mim Sohn hani grad em Afang sones Gföuh gha, dasses e Bueb chönt gä. Jetz hani no kes Gföuh, aber i gloube i muess eifach de 1. Ultraschall abwarte. Chami no grad zweni druf ilah, wäg mir Vorgschicht.

Bi gspannt, wis bi euch aune witer geiht!

Rebs👑

Huhu zäme. So has ou no zom FA gschafft.🥰 mim chnopf goz guet. Nome net so günstig gläge das sie hät gnau chöne säge wie wit dasi be, daher darfu i 2 woche no einisch es Foti vom chnopf go mache🥰
Mehr macht im momänt hitz ächt zschaffe. Wie möget er dHitz verträge?

Laurii

Hooi zäme
I gsöue mi do au mau drzue☺️ isch mini 1. SS und mir hei lang güebt. Luut App bini 7+3 und Geburtstermin wär ca. am 12. März 2021 😍Mini Schwoscht het vor 3 Mönet e Abgang gha öbbe ir 10 Wuche u jetz si mir natürlich chli besorgt as üs das au chönnt passiere😫 mir hoffes haut nid🤷🏻‍♀️Mi erscht Termin ha ig aber erscht am 10. Auguscht, auso Afangs 10. Wuche! Si het gfunde, vorhär gsäch me eh no nüt🤔🤷🏻‍♀️bi gad chli erstuunt, dass dir aui so früeh scho sit gsi🤭Fröie mi hie uf chli Uustuusch mit euch🥰

Janili🌿

Hallo zämä

Ich bin ih de 6ssw und mis chnöpfli sett ändi März cho🥰🥰 bin hütt grad bim husarzt gsi da mini fraueärztin ih de Ferie isch um d Schwangerschaft z bestätige🤩🤩
Es isch mini ersti Schwangerschaft mier freuet üs riesig 🤩🤩🤩

Und die Hitz macht mr scho au zschaffe..

Laurii

Gratuliere😍😍

Janili🌿

Danke vielmal ich gratuliere au allne herzlich🤩

Ha grad gmerkt dassis falsch gschriebe ha bin 5 3 ssw🥰🥰😆 bin da nunit so güebt

Janili🌿

5 3 ssw

JasEli

Hoi zäme u härzleche glückwunsch 😍😍😍🤗 jo die hitz macht mir o mega z schaffe...😅
Vo wo chömit dir @Janili🌿 @Laurii ?

Liebs Grüesslii 🌻🌻🌻

Laurii

I chume vo Nöchi Solothurn ☺️

Janili🌿

Ich chume vo Uri😊

Laurii

Und wie geits euch so? I ha ehrlich gseid fasch keini Symptom🤭 sett ja froh si, aber es verunsicheret haut scho. Mini Brüscht spanne rächt und i bi schnäu usser Atem uuund i h ke Luscht meh uf Süesses, obwou i das aube ha gliebt.😂 aber süsch nüt🤷🏻‍♀️

Und bi euch so?

PaMi

Herzliche Gratulation au vo mir. Schön, wenns chli meh werdet;-))

Laurii ich bin gliich uf we du🤪ich han (noni definitiv) g‘rechnete ET am 13.März und gang au am 10. August zum Arzt... er het imfall scho recht, me chan sicher frühener go, viel gseht mer nüd.. aber me isch hald meistens soo gspannt uf jedes dings🙃

Rebs... cool das alles guet usgseht... wieso isch d position nüd optimal?

Weg de Hitze... ich bin enorm erschlage und mag null Sache mache.. bin hüt morge ganz frühe mit miner Tochter an Bach und will ich mich nüd han möge bewege hani aagfange Stein -Reihe uf ihri Bein und Arme legge😅zum glück het sis cool gfunde🤪

Wünsche euch en guete obig und e erholsami Nacht

Janili🌿

Viele Dank.

Ja mier gahts sowit guet ha eifach extrem fiine gruchssinn 🙈🙈 und ab und zue so buchkrämpf/rüggeweh🙈🙈

Brineli

Hallo zeme, miis zweite wunder sötti am 12.3. cho! Han scho eh Tochter wo jetzt 18 Mönet alt isch.

Freu mi mega, han aber au mega respekt devor! 🙈

FräuleinS

Hoi zäme

Bin hütt 8+7 und han letscht Fritig de ersti Termin bi minere FA gha. S'Herzli hät gschlage Isch scho mega berührend gsi... Termin wäri de 4.3.21

Sust hani scho öppe Symptom: Übelkeit (vor allem am Mittag bis Abig), zum Glück ohni Erbreche, sitt ca. ere Wuche starchi Müedigkeit und mängisch chli es Zieh im Buch. Sust gahts mir sehr guet...

Lg, freu mich uf de Ustusch

Rebs👑

Hei alli. Gratuliere euch ou härzlech🍀 beni froh goz euch met de hitz ou so... hoffe es loot langsam noche. Be ave müed vom nüt mache und müed si🙈@PaMi plazenta esch grad so blöd vor dra gsi. Ligge duets guet unds ❤️ schlot super🥰

Laurii

Hey zäme☺️I hoffe dir heit aui es chüeus Plätzli gfunde💦🌊💦

@PaMi So cool 😁 de chöi mir zäme uf dä 10. fiebere☺️ mi dünkts es geit no eeeewigs!

I ha jetz sit gester widr chli bruune Uusfluss (hani die erschte zwöi Wuche au gha) verunsicheret mi chli, aber i glaube bruun heisst auts Bluet, was glaubs nid schlimm isch. Het öbber Erfahrige drmit?

Fraue, i wünsche euch e tolle erscht Auguscht und es schöns Weekend!☺️🙋🏻‍♀️

PaMi

Hey so schön neui Mama‘s sind debii.. freu mich grad drüber.

Rebs... aha ja das hani bi miner tochter au gha...aso vorderwand meinsch gell? Nimmt mi wunder wo si das mol isch... ha s gfühl nüm vorderwand...

Laurii... säg nix ich han s gfühl es goht no eewikeite🤪

En guete erste August euch allne... nüd zu heiss😝

Rebs👑

@Laurii wörd mer net all zu grossi sorge mache. Was eifach dra muesch dänke das wenn Rhesusfaktor negativ besch das das ou dbluetige chönt uslöse und den en roohylacspritze bruchsch.
Hei gnüssets glich sofern er schatte gfonde hend🥵Schöne 1. ouguscht euch🇨🇭

Laurii

@Rebs👑;
Danke viu mau!😘 das het mi scho chli berueigt und jetz ischs schowidr fasch normau!🙃I ha gottlob au ke negative Rhesusfaktor🙂Heit aui e schöne Tag!🙋🏻‍♀️

leli

Weiss ächt öppert vo öich obme hagebuttetee dörf trinke wärend schwangerschaft?

Füxli

i waiss nu das meh Ingwertee spöter nüme trinke sött dos wehefördernd isch. Hagebutte sött go hets au i jedem fruchttee dine. was meint Google?

Füxli

bis jetzt bini nu stilli mitleserin gsi...hallo 👋🏻 i han ET am 10.03. und erwarte üses 2. Kind. ersti Untersuech hani erst am 13.08

JasEli

Guete Tag aui zäme 🤗 wie geits öich so i dere hitz? Cha sit 2 Nächt nümme guet schloofe u die nacht hani so ne art wie muskukater im buuch gha...kennt das süsch no öpper?
Liebs Grüessli

Laurii

Hey zäme

Es geit eig. rächt guet. Ha zwar au heiss, aber bi viu am Bädle💦

Das mitm Muskukater hani au scho gspürt, aber eher i de obere Buuchmuskle unger dr Bruscht. Weli sis bi dir? Bi hüt au widr mau im Training (Pilates Body Reformer) gsi u ha mega gmerkt, asi scho nümme die Leischtig anebringe wie vorhär😆

No 2 mau pfuuse bis zum 1. Kontrolltermin.🤩🤩 hoffe so fescht as aues guet isch!💪🏼

Liebi Grüessli a aui!

JasEli

Jo bi mir o eher obe aber i mache momentan gar kei sport... hüt nacht wider s gliiche mega komisch 😅 villech dräie i mi so vieu ir nacht dasis gspüre🤣
Jöö so cool jetz nur no einisch schloofe wie wiit bisch?
Schöne sunnti u liebs grüessli

PaMi

Hey wie gohts so...

Mir hend hüt endlich (nach 4 Woche) de 2. Ultraschall gha... es isch alles zeitgerecht 🥰10. Wuche.... so schön gsi zum gseh wie min Untermieter gmüetlich hin und her schwappt und mit Händ und Beinli zapplet🥰...
S 💓Herz het au gschlage... mega schöön würklich...
Sie hend mich druf ufmerksam gmacht, dass mer ez neu au Keuchhusten und Grippe-Impfungen macht...
Was haltet ihr devo?
Grüessli 🥰

Brineli

Schön, gratuliere! 🥰

Ich hans ide erste gmacht (min maah au) und wirds au bide zweite mache! 👍🏼

PaMi

Danke brineli... hesch nebewirkige gha? Aso me seit ja das es we Symptome uslöse chan noch de impfig...

Mimi89

Ich has au gmacht,mi partner au und d grosseltere au😊 kei näbewürkige kha😊

Brineli

Han au kei Problem gha!
Jede reagiert anderscht druf, aber lieber bitzli verchältet als wenns denn nachher richtig hesch. Und da vertrau ich minere fraueärztin!

leli

@PaMi Ich bi eigentlech gäge impfige, aber die keuchhueste impfig würdi dir empfähle.. has letscht jahr gmacht mit mim maa zämme.. ha vo mire kollegin erläbt das sie das gar nid gmacht het und wo dr sohn uf dwäud isch cho hetter keuchhueschte becho daser 1 monet im spital het müesse bliebe..
vo ganzem❤️ machs🙏🏼

leli

Näbewürkige hei mir ou nid gha 😃

Laurii

Hoi zäme
I ha gester nach langem Warte die erschti Kontroue gha! 🥰 bi 9+3 und am Chliine geits guet. Voruussichtliche ET am 12. März!💕 Aues so wies sett si und es het sich sogar „zu üs“ dräit! Wunderbar gsi!♥️Das vor Impfig het si mir au gseid gha, wirdi äuä au mache😊

Liebi Grüess a aui🙋🏻‍♀️

Janili🌿

Hallo zämä

Ich ha hütt au de ersti Ultraschall bir Fraueärztin gha.. Am chline gahts guät und z herz hett ganz kräftig und stark gschlage🥰 es isch richtig emotional gsi!
Schöne Abig allne

di-di

Huhu

17. März Geburtstermin 🥳🥳

Laurii

Herzliche Gratulation 🥰

Sti

@Rebs👑;
Hätsch Du evt. Interässä arä Winterumstandsjaggä vo MamaLicious? Grössi L (gross gschaffä). Mis Mami het mir dert d'Ärmel verlengeret wüu mir schüsch aui z'churz gsi si. Bi am Mischtä u ha grad a Di dänkt wüu Du ja geit hesch, dass Du gross bisch.

leli

Hallooo märzlis🙋🏻‍♀️ hoffe es geit öich aune guet.. wie henders so, wie loufts? Hets übelkeite usw.. nacheglah? Wenn isch öie nächste termin?

Wünsche öich aune ä schöni wuchee

Laurii

Huhuu
Mir geits nach wie vor guet☺️👍🏼 negschte Termin am 31.08. u denn chunnt ja viu uus und mir chöi üsi (hoffentlich) guete News langsam au angerne afoh verzöue😍
Bi dir aues guet?
Liebi Grüess🙋🏻‍♀️

Rebs👑

Hei ihr liebe. Eus goz sowit guet hend ou de panoramatest met beavoir bestande. Dmüedigkeit loot sogar es bizeli noche. Ha aafangs sept. De nöchschti termin bem FA. Ha jetzt scho sgfüehl me gseht de buuch langsam. Wie ergot das euch? @Sti Ich hamer ehrlech gseit no gar kei grossi gedanke do dröber gmacht wäg de chleider före winter🙈

leli

Halloo mini liäbee❤️ i ha am 31.8 FA termin🥳 und ha grad nackefautig ungersuechig, und ehrläch gseit schissi so sehr it hosä😔 ha soo angst das öppis nid richtig isch..
und büchli gseht me bi mir o langsahm 🙈Müedigkeit laht bi mir ou chlei nache nume übelkeit isch bliebe und hoffe dä geit wäg..

Laurii

Hey zäme@leli Wie ischs bi dir gange? Ha au am 31. die 2. Kontrolle gha u bi au uufgregt gsi! Aber es isch aues bestens gsi!☺️ am Chliine geits guet, nume as es sich nid rächt het wöue dräie fürd Nackefaltemässig😌Dr negscht Termin hani i 4 Wuche, si meint me gseht denn evt. sogar scho s Gschlächt🤩 weit dirs wüsse?
Wünsche euch aune e schöne Sunntig!🙋🏻‍♀️💕

Rebs👑

Hei er alli. Ha am männti de 1.trimestertest gha. Alles guet gange und me het sogar scho gseh wases get🥳🥰😍

lachuli

Oooh so schön 😍 😍

leli

@Laurii isch aues guet gange😃 nackefautig isch guet zuM glück sorry dasi erst jetzt antworte, mir si id feriä gfloge a däm tag😆 und friti hani nomau kontroue gha ha diä abstrich wöue und luegä obs am baby guet geit. Är het nid viu gseh wägem gschlächt evt. Wirds ä bueb🤷🏻‍♀️ am 12.10 hani organ screening. Derd gsehtmes definitiv.

Wie geits öich? Wie sie öii termine so gange? Symptome? @Laurii Jaaa i wot wüsse😍😍😍😍

Laurii

@leli Yeah so schön zghöre!🥰 mir weis au wüsse u si meeega gwunderig! Es isch üs zwar egau was ases wird, Hauptsach gsund!😊Symptom hani nach wie vor nume mini Brüscht wo mega weh düe🙈 zudäm hani chli Magedarm gha die Täg, aber i glaube dasch ufgläse gsi...🙄 Buuch gseht me bi mir noni viu, am Oobe meh aus am Morge. Und bi euch so? Schöne Oobe euch aune🙋🏻‍♀️

leli

@Laurii Ohjeee i wünsche dir gueti besserig.. ja brüscht isch so äs thema😂 dräie düre wennmes scho ahluegt.😂😂 buch gsehtme bi mir scho chlei😃 am abe am meiste😂😂😂 symptome übelkeit ab und zue😫😞🤮 gloub das bliebt bi mir uff..

Wünsche öich ou ä schöne abe bis gliiii

Violeta

Hallo zämme 😍 ih bi 12+5 und mi ET isch 24.03.2021 .. es isch üses erste Chind..
wünsche allne e ganz schöni schwangerschaft🤰🏻🌸