Juni Baby 2021 🥰🐾🐛🦋

landmäädchen

@FabL danke für de tipp. Werde mich im neue johr mol drum kümmere 😊

Mir händs letscht wucheend de family verzehlt & sie sind alli überwältigt gsii 🤗😍 so shöön gsi.. jetzt chömet vorzue kollege dra wos dörfet wüsse & die wuche machemers im Gschäft offiziell.
Min chef hät gester gseit, er hegi nacher ganz sicher en job für mi, mönd den aber wen de wiehnachtsstress dure isch gnauer ahluege, bin jetzt ebe au inere füehrigsposition 🙃

Wiie gotz eu so? 🤰

TamaraNova

Ja hallo Zäme🎊Ig denke i meude mi o mau i dere gruppe, obwohl mi ET 30.05.2021 wär abr cha ja o gued im Juni sie. Wie geitz öich so?
Ig bi sitem sunti i der 16 SSW & mir hei scho mehrere düregmacht i dere Zyt (d‘Nackefalti isch zdick gsi, mir hei wiederi untersüechige müesse mache) gseht aber sowiet aues gued us. Iz heimr nechst wuche widr eh Ultraschall & i chas chum erwarte, obwou immer o eh chlini Angst drbi isch 🙈Heitr eigentlech eh WhatsappGruppe oh? ♥️

simi99

Hallo Zämmä 😊 So luschtig min Geburtstermin isch au 30.5.21 aber das chan sich alles nochli variere natürli🙈 Mir gahts sit dere Wuche viel besser han oft müeh gha mit übelkeit eimal ide wuche.. aber das isch jetzt besser worde😊 bin au ide 16 Wuche hnd morn hanich min nexte Termin bin megga gspannt! Derfed ihr bi eurne ärzt im moment de partner mitneh oder ned? ( weg corona)

TamaraNova

Bi mir darf dr Partner mit 😍🥳

landmäädchen

Bi mir dörf de partner bi wuche 12 & 22 mitcho 😊

landmäädchen

Whats up-gruppe hämer kei, öpert hät abr mol ahgmolde eh facebook z'mache.. 🤷‍♀️

Herzlich willkomme @TamaraNova & @simi99 🤗

Viola

Huhu ihr liebe, wie gahts eu? Wie wit sinder? Henders am gschäft scho gseit? Ha gester kontrolle gha, isch alles guet 🥰 bin ez bi 12+5 und weiss nöd so recht, obs z früeh isch?

simi99

Guguseli ☺️ Ja danke mir gahts super und eu? Ich bin ja scho bitz wiiter als ihr sets ja endi mai becho ich hans scho gseit ich hans imfall au grad gseit ide 12 Wuche aso für mich hets gstume aber wenn du dich nochli unsicher fühlsch chasch sicher au nochli warte☺️ ich finds hald eifach eufachher zum offe drüber rede und en arzttermin abmache etc😇

landmäädchen

Hoi mitenand 😊
Ich bin jetzt ide 14. Wuche & nebst müedigkeit gotz mir ganz guet.
Mir händ ide 12. Wuche de termin bide fraueärztin gha & womer gseh händ, das sowit alles guet ish, hämers endlich de family gseit 😍 ide 13. wuche fründe & im gschäft 😊 am chef hanis bereit ide 8. Wuche gseit, nachem 1. Termin. Ich bin sehr froh, das es jetzt endlich alli wüsset & mir keis gheimnis meh mönd drum mache..

FabL

so, i melde mi au mal wieder.
Mir gahts im Moment guet und langsam aber sicher gsehtmers au. am morge eher weniger und gege abig gseht us als wäri im 7te monet hend ihr das au so?

I bin ab morn ide 15te Wuche und han am 29te min nechschte Termin bide Fraueärztin. Bin gspannt ebmers denn scho gseht ebs es Meitli oder Bueb isch.

Im Moment beschäftige ich mich gad chli mit Kinderwäge, aber das überforderet mi fasch echli, haha... Wahnsinn das Agebot

I hans im Gschäft scho ganz am Afang gseit, aber min Job isch da en Sonderfall (schaffe binrer Airline), drum het sich die Frag bi mir erübrigt.

Macht öpert vo eu scho es Onlineschwangerschaftssportprogramm (Beckebode, Yoga etc.) und chan öpis empfehle? Wirde da mal verschiedeni usprobiere...

Wünsch euch allne ganz schöni Feschttäg und hoffe es goht allne guet <br>

landmäädchen

Hoi mitenand ❄☃️

Ich han mittlerwile au chli es büüchli 🤰
Sit 2 wuche han ich jetzt au umstandshose, was mir sehr guet tuet, wil die normale jeans truckt händ..

Nögst termin hani ahfangs januar, bin au gspannt, öb mer s'gschlecht scho gseht 👶

Kinderwage mues ich zum glück keine uswähle us so viel uswahl 😅 dörf de vo minere schwöster übernäh. Kollegin hät mir aber letschti empfohle eine z'kaufe wo baby grad chönd drin liege & nöd eine mit "maxicosii"-schale, damits nöd all so krümmt drin lieget..
Abr ish sicher nöd eifach.. & den no die lang lieferfrischt.. 🙈

@FabL falls scho es guets training entdeckt häsch, wär ich au froh für de tipp 😉

JessyMelii

Hallo mitenand😊 min ET isch am 10.06.21 und jetzt hani denkt ich muen mich au mal imene Forum amelde demit mer sich ustusche chan. Hettet es paar interesse anere Whatsapp gruppe oder ähnlichem? Lg

landmäädchen

Herzlich willkomme & herzlichi gratulation 🤗 @JessyMelii
Öpert hät enart mol gseit, sie machi e gruppe im Facebook, isch bis jetzt abr nonüt drus worde. Whats up wär eh chli eifacher 😉

Lindenglanz

Hallo zäme bin neu da und min ET isch endi juni.. 🥰

🦋Farfalla

Hallo. Bin au neu da 🙋🏼‍♀️. ET hani afangs Juni 🥰 i wär au für ä whatsapp gruppä.. chönt eini erstelle wenn ihr möchtet... chöntet mir eui nummere via Privatnachricht sende ..lg

landmäädchen

Hallo mitenand @Farfalla @Lindenglanz

Wie gotz eu so ide shwangershaft? Alles guet? 😊🤰

@Farfalla ich schick dir nacher nummere 😉

Viola

Huhu ☺️ wie gahts eu so? Het mer bi eu s gschlecht scho gse? 🤗

landmäädchen

Danke, alles tip top 😊 & selber?

Ja sie häts bim letschte untersuech gseh, lohs mir den nögst mol aber nomol bestätige 😉

simi99

Ja danke bi eus alles super bi eus hendes au gseh dases es meitli git☺️🙊 sind aber nonig 100% sicher sie het beinli fescht azoge gha aber wahrschindli 😇 Jetzt am Mäntig hani den de Zuckertest bin gespannt dede machter den nomal en Schall🙊

simi99

und wie gsehts bi dir us?☺️

🦋Farfalla

Hallo 🙋🏼‍♀️ alle guet dankä. Dir? Ja hends am Mäntig nomel bestätig becho. Mer hend ä Whatssapp Gruppe .. falls magsch bitrete afach ä PN mit dinere Nummere schickä lg

Viola

Oh wie cool ☺️ meld mich grad bi dir