Einschlafprobleme 😴

Viola

Liebi Mamis, min Sohn isch ez bald 2 Jahr. Er isch allgemein en guete Schlöfer. Mir hend aber eifach das Problem, dass er am Abig umsverrecke nöd wett ischlafe. Das gaht ez sit Endi Februar so und ich han eifach kei Lust und kei Nerve me. Ich hett keis Problem demit, ihn in Schlaf z begleite. ABER doch nöd jede Abig 45 Min bis 1 h und mengisch no me! Es endet immer demit, dass ich hässig wirde, wil er ständig wieder us sim Bettli chrücht und wieder ie gaht. Und ich weiss das er müed wer, aber er haltet sich selber ständig wach! Weiss echt nüm was mache. Ich wett doch au nöd ständig müese schimpfe 😔

JennyHelin

Das hämmer au gha ... und ich ha nümm mögä .. ha au mal "Fiirabig" welle und mini wird im Januar 2i

Ich ha jetzt de Mittagschlaf usglah ... und jetzt gat sie am 7ni halb 8i am Abig is Bett (brucht ihschlaf hilf) aber nur na 10min ..

Und schlaft bis am 8i halb 9i 👍 durrä ..

Bi üs gats so am beschte ... klar uf die 5i isch sie mängisch echt "KNARTSCHIG" aber de dueni mit ihre chli seich mache... versteckis oder so ...

Aber dänks sie hät so gnueg ah Stunde schlaf ide Nacht...

aber wehe sie pfusst am Nami au nur ½ stund 🤣 de hani am Abig Party hoch 10

JennyHelin

Hoffe es leit sich de bald ... verstahn dich guet ...
Wünsche euch sBeschte