Mittagschlaf

JennyHelin

Hoi Zämme
Mini Tochter wird im Januar 2i
Jetzt hämmer sit 3 Mönät de Mittagschlaf abgsezt.. de Sie sust am Abig kei rueh gfunde hät ..
Aber jetzt hani wider sgfühl sie brucht de Mittagschlaf ?
Aber wenn Sie de schlaft de bini am Abig so kaputt de Sie de ned vor de 10ni ischlaft 😒
Mit mached immer die glich Routine..

Ohni Mittagschlaf gat sie öppe uf die 8i is Bett und schlaft bis am 9i durrä

Ab wenn händ euchi kei Mittagschlaf meh gmacht ? Oder wie mached ihr das ?

LoSo

Eusi gross jez 4i het bes 3.5 en Mittagspfuus gmachd. mängisch au jez na 😅

die chli esch jez 2 worde und machd mal so mal so. Eigendli hanen welle abschaffe will si so am abäg viel besser ipfused, aber es esch hald glich en lange tag da si am 5i meist scho wach esch 🤷🏽‍♀️ Jez machis nach gfühl 🤷🏽‍♀️ weni merke si bruchds den sell si pfuse, mängisch machd si e wuche kene und mängisch machd si den wider 3 täg eine ....