Habe ich genug Milch? 😞🙄

Renata

Hoi zämme mini chli wird am 24.12 genau 3 monet alt. Ich stille sie voll aber weis eifach ned obs ehre langet. Fläsche geh weti eifach ned. Sie trinkt megaaaa schnell aber mängisch au gar ned. Den brüellt sie brust mängisch voll a und nimmt sie ned. Letzt nacht het ehre mage knurret also glaub ich zumindest aber sie het gschlafe und ned gschroue. Ich weis ned witer han en mega psychische stress welli unbedingt stille wet aber angst han das sie ned satt wird. Sie nimmt au ned guet zue het aber immer nassi windle und au gross. Oh man😞😞😞

SHAYENNE

Zerst mal tüf dureschnufe! De Stress isch gar ned guet für eu. Sie wird scho satt kei Angst und solang d Windle nass sind mach dir kei Sorge. Due viel a setzte, due dir öpis guets und kuschle viel mit ihre. Und hol dir hilf binere Stillberaterin. Es chönti au die Bruschtschimpfphase sii. Es chunt wieder guet 🍀

Tanja87

Wenn sie zunimmt denn bechund sie sicher gnueg. Hesch denn du s Gfühl hesch zwei Milch?

AnDu88

Lueg das am beste mitere Stillberaterin (IBCLC) a, will die cha am beste beurteile was los isch. De gseht si dis Baby und cha au e Anamnese stelle. Heiter bi euch im Spital es Stillambulatorium? Jedi Stillbeziehig isch sooo individuell und es git eifach keis Patentrezept defür. Es chönne do 20 Mamis schribe und bi jedere isches andersch. Mi gross hani 3,5 johr lang gstillt obwohl ig ihn am ab 8 wuche ha müesse zueschöppele will er vill zwenig het zuegno (trotz gnueg nasse windle).
Und dänk dra, entspannts Mami - entspannts Baby ❤️ wünsche dir alles gueti und hoffe es wird gli besser 😘

Renata

@SHAYENNE Ich bin ebe leider psychisch sehr gstresst😞 binere stillberaterin bini gsi die het nedemol welle luege wie ich ahsetzte oder sie gwöget. Isch für chatz gsi. Hüt hani bide muetterberaterin termin. Weis eifach ned ob ich ehre de shoppe sell geh und guet isch

Renata

@Tanja87 Sie nimmt leider ned so zue wie sie sett das chunt no dezue

Juli88

Nei hör uf... muesch ihre doch ned de Schope geh. I dem Alter isch oft no so, dass sie d'Brust aschreiet. I ha da Problem au gha.
Us wellere Region chonsch denn du? Frög doch d'Müettereberatig, öb sie dir en gueti Stillberatig IBCL chan empfehle. Ond sust La Leche League afroge. Die hend en Liste vo Fraue wo dir sofort chönd Helfe und wenn sie ned wiiter wössed au gueti IBCL Stillberaterinne kenned.

Chunt alles guet ❤️

NRM

@Renata Heyy renata💋mach das nit, probier es bitz geduld ha wenns iwie goht. Ich weiss es isch eifacher gseit als gmacht, mich hets immer gnärvt wenn mini hebamme gseit het ‘geduld!!’ Aber es isch wirklig so das die ‘brust-aschrei-phase’ nit ewigs aduuret und das ihre mage knurrt het kani mr wirklig fast nit vorstelle, das isch sicher en blähig odr so gsi. By minere tochter ghöri ständig öpis im büchli abgoh, sy het no kolike momentan (15 wuche alt). Ich weiss nit was du genau meinsch mitem
Psychische stress und woher de kunnt, will dich do au nit vor allne froge, wennd magsch kasch mr gärn en privat nochricht schriebe aber sunst kani dr nur sage gib nit allzu schnäll uff au wenns nit immer eifach isch. Ich hilf dr gärn wyter wenn immer ich ka. Ich stille au voll und es isch au nit immer alles easy gsi bis jetzte.
Lg nina❤️

Happy*

Hoi Renata 🧡
Du machsch das super. Mach wiiter so! 🤗
Bi mier ischs im moment so dass ich wirkli z wenig milch ha, will mini chlini muus z wenig effizient trunke hed und ich das nid gmerkt ha. Jetzt bini dra, midere tolle STIBE vo de La Leche League, mini Milchproduktion azkurble und mini Muus bim trinke z understütze. Es gid anderi Möglichkeite als de Schoppe. Und ier schaffed das.
Ich cha dier nur au empfehle zunere STIBE LLL kontakt ufzneh. Sie sind menschlich, kompetent und ifühlsam 💕
Glaub a üch, ich packed das 💪🥰

Miette

Hey renata.

Ich kennes nur zu güet! Gidanke uber gedanke. Und die angst, dass sie zwenig zuenähme!
Was heisst für die zwenig zuenä? Mine chli het phasewiis ganz schlecht zuegnu & denn uf zmal en riese gump gnu. Er het teilwis max. 2 nassi windle am tag gha... Ich han mi so la stresse. Ver nüt. Jetzt ischer 11 mt. han ihn 5.5 vollgstillt & er isch tip top fam gwicht, obwohler au phasewiis chli abgno het.

Isch si aktiv & ufmerksam, het sie appetit? De muesch der gar kei sorge mache! Git babys wo eifach chli langsamer zuenehme. So lang sie zuenimmt (au nur 10g) isch alles guet.

Und das wo du verzellsch, tönt chli nach brustschimpfphase. Minem hets gholfe, dasi ime dunkle ruehige zimmer gstillt han.

Renata

Hallo ihr liebe danke euch allne für euchi Texte. Da het mi ufgmunterent. Bin gester bide muetterberatig gsi und tatsächlich sie isch bez „liechter“ als sie sett sie. Ich gib ehre jetzt jede morge und abig de shoppe 100ml und beobachte mol gwicht. Tag und nacht bechunt sie brust. Hoffentlich klappt da. Danke euch allne ehr sind all toll ❤️❤️❤️

AnDu88

@Renata Du machsch das super ❤️ du gisch Tag für Tag s beste für di chli Schatz. Wünsche euch ganz schöni Wiehnachte und blibet gsund 😍