Septämberli 21

Speedilein

Positiv 🥰 han so froid und chans garnonig so richtig glaube. Wie gahts eu so afangs Schwangerschaft. Was händ ihr so für symptom?
Wür mi gern chli ustusche.

nessa33

Huhu
Ich han de Test vore Wuche gmacht und be au ganz freudig 🥰 mir gohts relativ guet bis jetzt. Ha immer chli e empfindliche Buch ka, viel müed und es spanne ide Brüst aber suscht nonig viel meh. Allerdings hani sit zwoi täg praktisch kei Symptom meh usser es liechts zieh (was mi bitz beunruhigt das plötzlich nix meh ume isch). Aber hoff isch alles guet.

Mimar

Huhuu zäme🤗 ich han leider scho so ziemlich alles... müedigkeit, übelkeit fast de ganz tag, schmerzendi brüst...🙈 janu da muni dure. Wenn hend ihr et?

nessa33

@Mimar
Herzliche Glückwunsch uf jede Fall 😊 ohjee du armi jo do mue mer wohl oder übel dure. 🙈
Ich ha min Arzttermin erst no aber lut em Rechner im Internet seter so am 5.9. sii und dine?

Mimar

@nessa33 Danke viel mal, dir natürlich au herzlichi gratulation 🤗 ich bin au nonid bide FA gsi, gmäss app ischs de 3.9.

nessa33

@Mimar danke dir 🥰 schön. Hoffe es goht dir bald weder besser oder dases sicher nit schlimmer wird mit de Symptom 😊

Mimar

@nessa33 danke😊 bi minre erste ss ischs leider bis zude 13. Wuche gange drum gahni devo us das es wieder so wird si... ischs dini erst ss oder hesch scho kind?

nessa33

@Mimar ah isch dis zwoite so schön 🥰 jo wer weiss vellicht gohts jo nüm so lang 😊
Es isch mini erst SS und be drum no sehr ängstlich und be glaub erst mol beruhigt wenni weiss das sHerzli schloht. 🙈

Mimar

@nessa33 ich verstahn dich voll, au ich bin froh wenn ich zude FA chan und denn au alles guet usgseht. 🥰Chasch au morn ahlüte?

nessa33

@Mimar ja ich wird morn mol alüte und nochefroge. Vellicht het sie au was beruhigends für mich. Mol luege 😊🙈

Speedilein

Gratulierä eu. Min et isch lut app am 12.9😍 i han eifach immer es rächts zieh mal uf de einte site dä uf de andere schlächt is mer afangs wuche mal chli liecht gi aber bi froh das bis etz so super lauft. Seinzige isch dasi eifach rächt schnäll immer müed bin wenni was mache und mini brüst 🙈 die sind so richtig empfintlich u biissed richtig, nur chanis chum alange zum chraze 🤣🤣

nessa33

@Speedilein Gratuliere dir au herzlich. 🍀🥰 ja bi mir gohts au noch wie vor relativ guet und wär natürlich schön wenn da so bliebt. Mit schlofe hani chli mühe welli ame ufwach ide Nacht. Be jetzt gspannt uf nächste Donnstig, min erst FA Termin 🙈

Speedilein

@nessa33 so schön das du bald chasch ga. Musch dä verzelle wies gsi isch. I chans au chum erwahrte aber muss na chli geduld ha 🙈

nessa33

@Speedilein jo das mach ich 😊
Das glaub ich dir das chum magsch warte. Isch würkli wahnsinnig wie lang die Zit goht wenn mer uf was wartet 🙈

Speedilein

@nessa33 ja isch so 🙈 i hoffe so das alles guet isch und alles so isch wies muss si.

Speedilein

@nessa33 wie isch gester gsi?

nessa33

@Speedilein ooh ganz vergesse zschriebe 🙈 es isch alles guet bis jetzt und sHerzli schloht schön stark. Isch en mega schöne Moment gsi de chlini Chnopf zgseh 🥰
Wie gohts dir?

Speedilein

@nessa33 so schön das froit mi 😍 wie ghts der susch so mit de schwangerschaft.

Mimar

@nessa33 so schön das alles guet usgseh het🤗 gell de mom3nt isch so schöön🥰

Ich han gester au chöne zude FA, gseht au alles guet us und sHerzli schlaht🥰 de ET het sie no füre korrigiert uf de 29.8. Hoff darf trotzdem bi eu bliebe 😊

Mimar

@Speedilein Wenn chasch du zude FA?

nessa33

@Speedilein @Mimar jo es isch mega schön gsi de Moment 🥰
Mir gohts sowit immer no guet. Be eifach müed und ab und zue chli buchweh aber suscht muessi würkli sege gohts mer sehr guet. Aber das cha sich jo alles no ändere schins 🙈 aber hoff es blibt so.
Und Mimar natürlich darfsch bi eus blibe 😊 ich be jo au nur knapp im September 😊

Mimar

@nessa33 so schön das es dir immerno so guet gaht, gnüss es! Hoff fest dases au so bliebt🍀🐞
Mir gahts leider nöd würkli guet, han übelkeit de ganz tag und die müedigkeit... lieg amel halbtot ume aber han ja au no eh chlini Tochter womi brucht und schaffe... janu hoff es isch bald besser🙈
Wenn hesch de negscht FA Termin?

nessa33

@Mimar ou nei du armi! Das isch echt nit toll so. 😔 hesch wahrschinlich au scho vieles usprobiert nimmi a?
Die nächste Termin sind scho am 3.2. und den am 22.2. 😊 be froh den muessi nit so lang warte.

Speedilein

@Mimar ah so schön dad alles guet isch. Froi mi so uf de momänt.
Natürli dörfsch blibe 😉
I han am 26.1. De termin. Muss no chli geduld ha.

Speedilein

I chans zum glück au richtig gnüsse. Han nur immer wieder mal es liechts zieh. Mini brüst dönt eifach rächt weh u bi rächt müed immer aber susch alles super. Hoffe au das so blibt.

Mimar

@nessa33 ja genau, han scho viel probiert aber irgendwie hilft nüt... hoff ab wuche 13 isch denn besser 👍 so guet das bald wieder en Termin hesch, ich chan leider erst am 23.2. Wieder gah...gaht no eeeewig 😪

Mimar

@Speedilein hoff au fest das es dir wieterhin so guet gaht🐞🍀
Die Geduld zum warte lohnt sich aber sehr🥰

nessa33

@Mimar ou nei jo den muessi dir jo kei Tipps geh vo Kolleginne wos au schlecht gsi isch 🙁 hoff es goht dir bald besser! Bisch den Endi vom 3. Monet am 23.2.? Ich ha am 22.2. de gross 3 Monet Untersuech.
@Speedilein oh mega schön jo hoff au dases dir witerhin guet goht 🍀😊

Speedilein

Han nur mega zkämpfe mit de müedikeit. U die isch imomänt ganz schlimm. Ich chönt nur no schlafe. 😴 händer da irgend en trick? 🙈 will idch hächt müesahm bim schaffe und i wots ja au no niemertem säge.

nessa33

@Speedilein hey sorry für die verspöteti Antwort. 🙈 ja ich ha au mega zkämpfe mit de müedigkeit. Ich mach eifach langsam und versuech mich nit zstresse lo. Dehei liggi immermol weder here. Aber ame chli go spaziere oder früschi Luft duet sicher guet. Aber verstohs dases natürlich nit willsch sege bim schaffe. Ich has leider grad müesse sege weli im Spital schaffe. Aber glaub dMüedigkeit wird immer bliebe 🙈

Speedilein

@nessa ja es isch immer mal chli besser mal chli schlächter. Aber wänn dä is würkli schlimm. Aber etz gahts grad zum glück. Ja frischi luft duet mer au mega guet.

Han am di. min 1. Termin gha 😍 es isch alles super. Sherzli schlat. Bin au scho 5 täg wiiter. ET idch etz am 7.9.🥰

Sunny244

Halli Hallo zämä. Ich han ET am 23.09. und mir freued eus sehr! Am 21.01. hani en erste Termin gha bi de FA will ich links immer starki Schmerze gha han und Angst gha ha vorere Eileiterschwangerschaft. Sie hät mir dänn zum Glück gseit das alles am richtige Ort und alles guet isch. Am 11.02. hani de erst richtig Termin wo mer hoffentli au s'Herzli ghört. Wie isches bi eu, därf eue Maa mitcho wäg Covid-19?

Speedilein

Sali @Sunny244 so schön i gratulierä. 😍 schön das alles guet isch. Ja min schatz hät dörfe mitcho zum glück. Er häts unbedingt au welle gseh und miterläbe wie sherzli schlaht🥰 dörfer bi dir nöd mit?

nessa33

@Sunny244 hey ich gratuliere au ganz herzlich! 🥰 so schön! Jo serst molde herzschlag zgseh isch mega toll 😊 min maa het bimerste untersuech dörfe mitcho aber nocher hemer e brief becho das ab sofort kei begleitpersone me dörfe mitcho leider 😞

Sunny244

Hoi zämä. Euses chline Sternli hät sich leider entschiede zum nöd uf die Welt cho. Am vergangene Dunnstig ischs 2 Täg chliner gsi wie's het müesse was bedütet, dass s'Herzli churz vorher ufghört hät schla. Mir sind immerno gschockt und unfassbar truurig. Es isch eusi erscht Schwangerschaft gsi. Ich wird die Gruppe drum nüme kommentiere und wünsch eu alles erdenklich Gueti, e schöni Schwangerschaft und das eui Babys gsund uf die Welt chömed.

•Elefäntli•

Liebi Sunny244 Es duet mir unheimlech leid und chan sehr mitfühle wie du di fühlsch han im Okt. au e FG ka i weiss die wort bringed nö viel aber wünsch eu unheimlech viel kraft zum das verarbeite, bin zwor nume e stilli mitleserin do min Bueb im Sep 17 uf d welt cho isch

Speedilein

@Sunny244 es duet mer so unäntlich leid. 😔 ich wünsch eu gaaanz viel chraft zum das zverarbeite.

nessa33

@Sunny244 😔 duet mir mega fescht leid! Wünsch euch au ganz viel Chraft und trotzdem viel Liebi zunenand um das durezstoh und zverarbeite.

Speedilein

Morgä zäme. Wie gahts eu allne so? Lauft alles guet? Händer no viel symptom?
I han letstmal ETT gha und es isch alles tiptop mit mim wunderli. U mir gahts au meeega guet

Adorable

I ha üchi Gruppe do grad entdeckt.
I bi höt 10+4 und ga nöchscht Woche ETT.
Mer esch ab und zue nochli schlecht, ha halt komische Gschmack im Muul und gege Mittag beni ame froh wenn i mit mim Sohn nochli cha änne legge. 😂

Speedilein

@Adorable so schön. Wenn häsch dä ET? Ja das mit de müedikeit känn i aber isch zum glück nüm so schlimm wie die 1. 3 Mönet. Etz is eigendli nur no am abig, sobald i ufs sofa lige u was im fernseh luege oder so dä schlafts.🙈🤣 oder dä bini amel scho am halbi 9, 9 im bett 🙈

Speedilein

I hät interesse anere whatsappgruppe für all wo ET im septämber händ. Gits das scho oder gits lüt wo interesse händ?

Adorable

I han d ET luut App am 27.9. und nöchscht Zischtig hani d ETT mol luege wie d use chunnd, hoffe esch alles gued.

I wär schoscht binere Whatsapp gruppe debi. 😊

Speedilein

@Adorable ah würkli. Für all wo ET im septämber händ?
Wie bisch uf die cho?

Speedilein

@Adorable isch sicher alles guet bim ETT
Druck der ganz fest dume🐞🍀

Adorable

Nei wenn ehr eini möched wär i schoscht debi.. so hanis gmeint. 🙈
Danke der.. werd d secher brechte.

Adorable

Vo wo sender d so?

Speedilein

@Adorable ja i wür sofort eini mache wenn es paar debi wäred. Mal luegä vielicht schribed ja no es paar dä machi dä eini.

I bi vo langnau am Albis ZH du?

Adorable

Luzern.

Jo evt. meldet sech ko no öpper. 👍🏻 Wär cool

Speedilein

Ja wer würkki kuul.

nessa33

@Adorable hello und herzlich willkomme 🥰 wie isch gsi gestert bim ETT? Hoff alles guet?

@Speedilein bi mir isch au alles guet. Mir gohts beschtens ha nach wie vor kei schlimmi symptom ka ussert verstopfig und blähige.

Min ETT isch super schön gsi. Es isch au alles guet zum Glück 🥰

Ich wär au debi binere whats app gruppe 😊 und ich chum usem fricktal (aargau)