Intuition Schwanger

babyn

Hallo liebi Mamis 🤗
Wie isch das bi eu gsi, händ ihr bevor ihr de positivi schwangerschaftstest vor eu gha hend gwüsst das ihrs sind? Wenn ja wie?

Bi eusem erste Wunder hani öppe 1 wuche nach em Eisprung so es Zieh im Unterliib gha und chli sensibli Brüst.. Ich hans ab det innerlich gwüsst dasis bin.. Eifach so es Buchgfühl gsie und het sich denn au bestätigt.. 😂 Jetzt hani wieder sitt paar Täg nach em Eisprung so es ziieh und es gspür, dass ichs bin.. Hmm mir wärdet gseh 🤔🥰

lille_havfrue

salut babyn

ja, ich has au gwüsst i de erste Wuche scho. Ha vorher e Intuition gha, dass ich i üsne Flitterwuche schwanger werde (weils au bi de 1. ss (aber denn FG) sofort und überraschend iigschlage het), weil mirs sit de Hochzit zueloh hend und ich min Körper mit sine Zykle relativ guet kenne. I de Flitterwuche (1. SSW) sind mir inen Schiesskeller go schüsse mitere Kollegin und det hani ase Ruckeschmerze gha im untere Bereich. S glich hani au i de 1. ss erlebt (und ich ha sus nie Ruckeschmerze). Und au weil ich a dem Tag absolut Schiesshemmig und überempfindlich gsi bi, hani denn d Gwissheit gha.

Es isch mir denn ewig vorcho, bis ich en Test ha chöne mache. De erst isch no negativ gsi (zu früh), aber i ha nöd zwiiflet. 1.5 Wuche später isch er denn positiv gsi. Hanis doch im Urin gha

Au hani bis zur 6. ssw immer wieder so es "Chrose" gha i de Gebärmutter, ha richtig gmerkt dass was vorgoht. Leider spüri im Moment nüt :-/ Aber ha letzt Wuche s erste Screening gha, und da gedeiht tatsächlich was <br>
weisch denn i de Zwüscheziit meh?

Enri

Hallo babyn
Ich has nöd intuitiv gwüsst. Bin zwei wuuche drüber gsi und han denn en test gmacht. Da mers erst es paar mönet lang versuecht gha händ, bini nöd devo usgange, dass es so schnell klappt 😅

babyn

@lille_havfrue so schön 🥰 finds uh krass, dass mer sin Körper so kenne chan und devo überzoge isch und denn stimmts eifach 😊 leider nanig, sött erst endi wuche/ ahfangs nöchst mini täg becho.. Bin gspannt ✨

@Enri das chan natürli immer si, jedi frau und jedi schwangerschaft isch anderst aber isch au öppis schöns nöd demit grechned und denn überrascht z'werde 🥰

Enri

@babyn Ja voll! Hauptsach es hät klappet und mer isch glücklich. Alles andere isch zweitrangig 😊