Baby möcht kei Milch meh

patty · 24. 01. 2021, 03:57

Hallo zame
Mini chli wird nächst wuche 6mt alt. Sit paar wuche hat sie schoppemilch reduziert. Nur am obig nacht und ganz frühe am morge no en schoppe gha. Jetzt sit 2 täg nur no wann sie am schlafe isch trinkt sie no 2 schoppe. Hat das öpert gha, dass so jung scho kei milch meh hat welle trinke?

SHAYENNE · 24. 01. 2021, 08:19

Gisch den no Brei?

patty · 24. 01. 2021, 09:11

Ja mir gäbet brei. Dchinderärztin hat euis empfohle gha gas zgäh... ebe well sie kei milch wett. Aber das sind nonig wannsinns mengene

Claudia_yali · 24. 01. 2021, 09:48

Sofern sie sich wiiterhin guet entwicklet, also gnueg zue nimmt und wachst, würdi druf vertraue, dass es baby scho weiss was es brucht ☺️

Nagalii · 24. 01. 2021, 10:00

Mini het mit 5,5 Mönet jede Shoppe verweigerert 🤦🏻‍♀️ si isst 4x Brei und trink bitz Wasser und fertig 🙈 si isch aber eini wo schlächt zuenimmt und sehr liecht isch 😕

patty · 24. 01. 2021, 13:31

Nagalii und wie viel brei isst sie? Wie alt isch jetzt dini chli? Wie schwer und wie gross?
Mir macht das recht sorge, dass ihre öpis mot dä ziit fehle chönnt 🙈

Nagalii · 24. 01. 2021, 14:06

@patty si isst 7:30, 11:30, 15:00 und 18:00 Getreide Gmües oder Hirsebrei. Pro Mahlziit ca 230g
Si isch itz 70cm und 7 Kg schwer. Si dörft dütlich schwerer si aber i cha si nid zwinge, si nimmt eifach nid meh 🙈Si isch aber fit und aktiv und entwicklet sich guet 👍 i ha ufgrund desse eifach früecher ausi süsch würd mit Fleisch im Brei agfange und de Getreidebrei rüehri mit Shoppemilch a de hetsi meh Kalorie ☺️Mir het chli gholfe das si trotzdem Fortschritte macht und das si klar signalisiert das si nid meh wot. Si schlaft o vo 20:00-7:00 düre auso chas ihre nid schlächt ga. Und i ha e tolli Hebamme und KiÄ wos nid so streng gseht we si zlicht si das hiuft mir sehr. Mini Grossi isch ganz anders gsi. Het viu gässe und viu trunke und isch immer es pummligs Baby gsi 😅 itz ischsi 3j und e grossi mit 103cm aber nur 14kg 🤷🏻‍♀️
Fakt isch du chasch dis Chind nid zum ässe zwinge und drum würdis versueche zakzeptiere

patty · 24. 01. 2021, 15:25

Woooow das sind super Menge, ich träume dävo. Hat sie scho immer so guet gasse? Wie alt isch sie dann jetzt? Schlafe tuet sie aber immer nonig dure, da hämmer au chli boustell 🙈

Nagalii · 24. 01. 2021, 16:28

Si het ab dert woni de Brei igfüehrt ha afah Shoppe reduziere und immer meh verweigere. Und somit hani mit 5 Mönet aui Mahlziite ersetzt gha 🤷🏻‍♀️Das mitem düreschlafe het nid nur was mit hunger ztüe isch aber für mi es Zeiche gsi dases ihre guet geit und si eifach nid meh brucht. Wie gross und schwer isch de dini? Chunnt dini Hebamme no oder geisch id Müeterberatig? Die hei mängisch ono Tips

Claudia_yali · 24. 01. 2021, 16:55

Sorry, weni gad so direkt bi; aber i gseh s‘problem ned 🙈 si isst jo mega guet brei und vom gwicht her isch sie au super. Mini chli isch glich alt und glich schwer und hät also gnueg babyspeck. Würd mer echt kei gedanke mache

Claudia_yali · 24. 01. 2021, 16:57

Ah sorry, jetzt hani falsch glese. Ha mi uf de post vo de nagalii bezoge 🤦‍♀️ mi fehler 😅

Nagalii · 24. 01. 2021, 17:29

Ah und si isch itz 8 Mönet und 70cm und 7kg schwer

Yul · 25. 01. 2021, 16:32

Mine und isch genau glich.. er trinkt am Tag fascht nieee milch und nur sin brei, ab und zue me denn wieder paar Täg weniger aber er isch au super fit au ca. 7400g und 66 cm 😁 (gli 8 mönet) han mer am afang au meega sorge gmacht aber solang sie spielet und kei azeiche machet dasses ihne nöd guet gaht isch alles guet.. wie de Kinder Arzt seit, die chline nehmet sich scho was sie bruchet.. was min chline amigs de apettit ufmacht isch vorem zmittag en maispops geh.. klappet meistens guet.. aber wür kein druck mache 🥰

Blevita · 25. 01. 2021, 18:38

Ha grad de Ihtrag gfunde. Min Sohn 7,5 Monet trinkt leider au weniger schoppe und verweigerts z.T. De schoppe ziemlich de Tag dur (de erst am Morge und de am Abig keis Problem) aber leider isst er au ganz schlecht Brei (wenn’s höch chunnt 80g Mittag und 100g zvieri) also kei ganzi Mahlziit und au kei Fingerfood. Mach mer au chli Sorge wie ich das söll händle und ob ich das eifach so chan akzeptiere? Es schient ihm guet z‘gah. Gwicht isch im Dezember 8,5kg und 70cm gsi aber dete hät er na guet trunke.