Babybett - Kind schläft nicht 😴

anid

Unsere Tochter (11 M.) schläft nicht in ihrem Babybett (sie schreit, bis wir sie zu uns nehmen). Habt ihr Erfahrungen/Tipps? Habe mir schon überlegt, es nur mit einer Matraze am Boden zu versuchen, damit sie sich „freier“ fühlt...

Delia

Bi eus hät genau s‘gliche im november agfange, det ischer au 11m gsi. Bi de 1. jahreskontrolle hämmers bim KIA agsproche und er hät empfohle, wie du scho gschribe häsch, d‘matratze im elterezimmer uf de bode tue. Da mir e offnig kuchi händ und er ane chunt zum de herd ischalte ischs für eus kei option gsi. Mir händ jetzt s‘ganze gitterbettli i eusem zimmer und er schlaft wieder guet und öppe so am 03:00/03:30 am morge verwacht er und wot zu eus is bett.

anid

danke für din tipp! mir münd glaub eifach biz usprobiere. für e matratze oder s bettli hemer fast kei platz im schlafzimmer 😅

Tanja87

@Delia en Tipp, falls ihr ide Kuchi drehschalter hend, die chasch eifach use zieh😉👍

AnDu88

@Delia Oder am sicherigschaste d sicherig vom Härd abstelle wenn der de ofe nid bruchet 😅 so hei mirs gmacht, da me üsi drehschalter nid het chönne usezieh.

AnDu88

@anid Und wenn ihr s babybett zu euch is Zimmer nämet? Oder ebe e Matratze a bode damit di chasch dezue legge bis si schloft?

anid

@AnDu88 s babybettli het ebe fast kei platz, wills schlafzimmer aktuell au nas HO vo mim ma isch 🙈 aber d matratze am bode i ihrem zimmerli wär durchus e option. mumer den eifach alles guet polstere 😅

AnDu88

Ja genau 😅 aber de het si ihri sicherheit und weiss s mami/papi chönne immer dezue ligge. ❤️

anid

ja genau. chli unkonventionel, aber en versuech wert🥳

Delia

Das mit de sicherige isch en super tipp💡bi eus chamers ebe au nöd useschrube und die abdeckige wos git sind z‘breit

AnDu88

@Delia Ja das isch würklech e gueti Sach, ha dä Tipp dennzumal vonere Kollegin becho. Eso hetter chönne a dene chnöpf umeschruube bises nümme interessant isch gsi. Ab dem Zitpunkt hetter die chnöpf niemeh aglängt 🤷🏼‍♀️ isch halt mega interessant wenns Mami chunnt cho z springe sobald me hindere Herd goht und de macht mes halt immer wieder 😂🤷🏼‍♀️

Tanja87

@Delia muesch denn eifach luege das de Strom vo allne Platte nimmsch. Gid drum je nach Alter vom Huus mehreri Sicherige wo ufe Herd, Ofe laufed😁 wehr drum bi eus ebe ned gange 😉

Mangoo

Isch bi ois au so gsi bi beidne..ich has denn eifach zu ois gnoh so hend alli nocher chöne pfuuse..isch das kei option? Es isch e phase und s gaht so schnell verbii und denn bruchets ois nüme😉☺️

anid

sie sind au viel bi ois im bett😊 han aber vielmeh denkt, dass sie langsam aus es guets gfühl bechunt ih ihrem bettli. hends ez sit 2 nächt eso glöst mit de matratze ab bode & das gaht guet ☺️

Katy715

Mir hei bis vor 3 Täg o ä Matratzä am Bodä gha und di chlii ersch iz Bettli gleit we si gschlafä het. Iz simer am Üäbä im Bettli ischlafä. Si isch scho 1.5 Jahr alt 🤷‍♀️

AnDu88

@anid Ohh so schön klappets ❤️ jede findet irgendwie si wäg 😍 aber s wichtigste isch, find ig, das s chind nid allei glo wird wenns das nid möcht ❤️

anid

@Katy715: jedes chind het sin eigete rhytmus. das chunt scho guet👍🏻😊

anid

@AnDu88: ganz genau. für ois so ideal will mer gad zu ihre gah chönd wenn sie ois brucht und den au nöch aneligge chönd. den gspürt sie ois & das beruhigt! 🥰